ज्यल्का 17:2 - कोन्छ्योककी सुङ2 जम्बुलिङकी ग्येल्वुतिवी साङ तीकी मुला शम्डेन क्या वे। तमा जम्बुलिङला देतुप मीतिवा साङ तीकी मुला शम्डेन क्यानी छ्याङकी जिवु दोके गाल वे।” सिनी सिक्यासुङ। Faic an caibideil |
ज्यल्का 17:2
14 Iomraidhean Croise
ती ज्युक्ला येलुङ देवाच्येनकी लेन क्योलुप थु ङ्यिवा ति गोमी लेन क्योलुप थु तीकी तिङ्ला लेसुङ। तमा तीकी “ना गाल्सुङ! ग्येसा ग्येर्पु बेबिलोन ति ना गाल्सुङ! तीकी मिरिक मिरिककी मीतिवा तेरीला गुन्डुम छ्याङ थुङ च्यिसुङ। ती गुन्डुम छ्याङ ति ती ग्येसाकी शम्डेन क्यावु तप्की वुङ्गुप कोन्छ्योककी ङ्यिर्मु यिन।” सिनी सिक्यासुङ।
ती ख्योरो थोङ्गुप सेम्ज्येन ति गोमाला सेन्बु वोतुप यिन, यिने तन्दा ति सेन्बु मे। ती याङ शाप मेतुप मुक्तुम तिङ्मु ने थेन्दुप छल वे। थेन्सिमा ती ति ना डिवी। जम्बुलिङ ज्येङ्गुप सिनाङ गोमाला नेज्यु मिजीकी थेप नाङ्ला मिङ माटि वोतुप जम्बुलिङकी मीतिवा ती सेम्ज्येनला थोङ्सिमा हलेवा किवी। च्यिलासिसिन ती सेम्ज्येन ति गोमाला सेन्बु वोतुप यिन, तन्दा ति सेन्बु मे, यिने ती ति ज्युक्ला थेन वुङ्गुप छल वे।
च्यिलासिसिन ती बेबिलोन ग्येसाकी मीतिवी शम्डेन क्यावु तप्की कोन्छ्योक नेमा ख्येलुप ङ्यिर्मुकी गुन्डुम छ्याङ ति तेरी मिरिककी मीतिवी थुसुङ। जम्बुलिङकी ग्येल्वुतिवी साङ ती ग्येसाकी मीतिवी मुला शम्डेन कितुप लाका मेलोक्पा क्या वे। ती ग्येसाकी मीतिवाला गोवु च्यालक ख्येमुतिवा छोङ क्यानी जम्बुलिङकी छोङ्मेनतिवा साङ छ्युक्पु गल वे।”
Sanasan