ज्‍यल्‍का 17:13 - कोन्छ्‌योककी सुङ

¹³ ती ग्‍येल्‍वु च्‍यिथम्‍बातिवा तेरी सेम च्‍यिक राङ च्‍युङ्‍नी खोप्‍रे ग्‍येल्‍वु कितुप ओङ्‍ज्‍येन ति ती सेम्‍ज्‍येन तीला चेक तेकिवी।

ज्‍यल्‍का 17:13 Iomraidhean Croise

लोमा छ्‍येतिवी लाका 4:28

तिवी काङ क्‍यावु ति कोन्‍छ्‍योककी तोङ नेज्‍युनी वोतुप नोवाला राङ तेरी क्‍यावु यिन।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 2:2

ख्‍यिराङ सेम च्‍यिक्‍पा राङ च्‍युङ्‍गुप ताङ ङ्‍यिङ्‍ज्‍ये च्‍यिक्‍पा राङ कितुप ताङ नासाम च्‍यिक्‍पा राङ तोङ्‍गुप ताङ तेरी थिन्‍नी ङला कशेन गा लोङ।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 17:17

च्‍यिलासिसिन कोन्‍छ्‍योककी खोरे सुङ तेरी माछेवा सेक्‍ला ती सेम्‍ज्‍येनतिवा सेम च्‍यिक राङ च्‍युङ्‍नी ग्‍येला कितुप ओङ ति तेरी ती सेम्‍ज्‍येनला नाङ वे।