ज्‍यल्‍का 16:8 - कोन्छ्‌योककी सुङ

⁸ ती ज्‍युक्‍ला देवाच्‍येनकी लेन क्‍योलुप थु ज्‍यिवा तीकी खोरो कोरा ति ङ्‍यिमी खला पुसुङ। तमा ङ्‍यिमाला मीतिवा छिकुप ङार ङ्‍येसुङ।

ज्‍यल्‍का 16:8 Iomraidhean Croise

मत्ती 13:6

यिने ङ्‍यिमा शर्सिमा ती ति ङ्‍यिमी छिक्सुङ, तीकी मर माक्‍यङ्‍गुप तप्‍की रेर्पा गल्‍नी शिसुङ।

लूका 21:25

“तमा ङ्‍यिमा ताङ उला ताङ कर्मातिवाला ततिवा गिवी। जम्‍बुलिङला ग्‍येम्‍छोकी टेक्‍च्‍या ताङ ज्‍यिवा लङ्‍गुप बालापकी जोसालेन्‍सिन मीतिवा पप लानी यर्मिन मर्मिन डिवी।

लोमा छ्‍येतिवी लाका 2:20

तमा चोवो कोन्‍छ्‍योककी मोवा ताङ ग्‍येछ्‍यावु तुजे वुङ्‍गुप सिनाङ गोमाला ङ्‍यिमा नक्‍तोमी डितो। उला ति ठक दोके मर्वु डितो।

ज्‍यल्‍का 14:18

येलुङ छोटी नेमा मेला ओङ्‍ज्‍येन कितुप यम्‍बा देवाच्‍येनकी लेन क्‍योलुप थु च्‍यिक थेन्‍नी लेसुङ। तमा तीकी ती सोर नेन्‍बु खुरुप देवाच्‍येनकी लेन क्‍योलुप थु तीला थोर ग्‍यप्‍नी “ख्‍योरो सोर नेन्‍बु थ्‍वोनी जम्‍बुलिङकी गुन्‍डुम शिङ खला वोतुप गुन्‍डुमतिवा ङानी दुम। च्‍यिलासिसिन जम्‍बुलिङकी गुन्‍डुमतिवा तेरी छो सिन वे।” सिनी सिक्‍यासुङ।

ज्‍यल्‍का 6:12

येलुङ तीकी लज्‍युर टुक्‍पा ति तोल्‍सुङ। तमा सयी ग्‍येर्पु ग्‍यप्‍नी ङ्‍यिमा ति रा नक्‍पु दोके कशेन नक्‍तोमी गलुप ताङ उला साङ ठक दोके मर्वु गलुप ति ङे थोङ्‍सुङ।

ज्‍यल्‍का 7:16

तिवाला येलुङ ल्‍होवा ताङ कोम्‍बा मालाङ्‍गिवी, तमा ङ्‍यिमा छेन्‍दी याङ्‍ना चुका छेन्‍दीकी साङ तिवा मिछिकिवी।

ज्‍यल्‍का 8:12

येलुङ देवाच्‍येनकी लेन क्‍योलुप थु ज्‍यिवा तीकी खोरो ग्‍येलिङ पुसुङ। तमा ङ्‍यिमा ताङ उला ताङ कर्मा छो सुमला छो च्‍यिकला पोप्‍सुङ। तिवी वोसिर छो सुमला छो च्‍यिक ति नक्‍तोमी गाल्‍सुङ। तुक क्‍यानी ङ्‍यिमी दिङगी वोसिर ताङ नुपकी वोसिर छो सुमला छो च्‍यिक ति नक्‍तोमी गाल्‍सुङ।

ज्‍यल्‍का 9:2

ती कर्मा तीकी ती मुक्‍तुमकी गो ति पेसुङ। तमा मे कशेन बरुप नाङ ने तुता थेन्‍दुप दोके थेन्‍सुङ। ती तुताकी जोसालेन्‍सिन ङ्‍यिमा ताङ नाम साङ नक्‍तोमी गाल्‍सुङ।