ज्‍यल्‍का 16:6 - कोन्छ्‌योककी सुङ

⁶ च्‍यिलासिसिन ती दुक्‍टातिवी चोवोला तेपा कितुप मीतिवा ताङ चोवोकी सुङ शेतुप लुङ्‍तेम्‍बातिवाला सेनी ठक तेन्‍सुङ। ती ठक ति चोवोकी तिवाला थुङ च्‍यिसुङ। ती ति तिवाला ङ्‍ये गोवु छ्‍येर्पा यिन।”

ज्‍यल्‍का 16:6 Iomraidhean Croise

मत्ती 7:2

ख्‍यिरा चुक क्यानी यम्‍बाला ठिम किवे, तुक राङ क्‍यानी कोन्‍छ्‍योककी साङ ख्‍यिराङला ठिम किवितो। ख्‍यिरा मी यम्‍बाला चो बिन वे, कोन्‍छ्‍योककी साङ ख्‍यिराङला दोजोयी राङ नङ्‍गितो।

लूका 12:48

यिने ज्‍यिन्‍दाककी नोवा हाक्‍माकोनी दुङ्‍गुप लाका क्‍यावु लावा तीला चेयी राङ दुङ्‍गिवी। तुक क्यानी सुला मङ बिन वे, ती नेमा मङ लङ्‍गिवी। सुला मङ चेक तेवे, ती नेमा मङ ल्‍हक्‍पा लङ्‍गिवी।”

हिब्रू 10:29

कोन्‍छ्‍योककी सेवुला मारे तोङ्‍गुपतिवा ताङ खुरुङला चाङ्‍मा जोवु कोन्‍छ्‍योककी थाक्‍छ्‍येतुप ठकला मेचेङ्‍गा जोप ताङ कटिन नङ्‍गुप खोकी थु चाङ्‍माला मारे तोङ्‍गुपतिवाला मङ छासे पर्च्या फोकिवी। ती ति ख्‍यिराङ राङ नासाम तोङ।

ज्‍यल्‍का 11:18

मिरिक कुतुक कुतुककी मीतिवी ङ्‍यिर्मु क्‍यासुङ, त चोवो ङ्‍यिर्मु कितुप तुजे ति छेसुङ। तमा शेपतिवाला ठिम कितुप तुजे साङ छेसुङ। तमा चोवोला शब्‍ज्‍यी कितुप लुङ्‍तेम्‍बातिवा ताङ तेपा कितुपतिवा ताङ चोवोला ज्‍यिवा कितुप छ्‍ये छ्‍युङा तेरीला छ्‍यक्‍तक तेरुप तुजे साङ छे वे। जम्‍बुलिङ ना तोङ्‍गुपतिवाला पर्च्या तोङ्‍गुप तुजे साङ छे वे।”

ज्‍यल्‍का 13:10

“दोजो सु चोन्‍खाङला डो गोवु नोके, ती ति चोन्‍खाङला टिनी डिवी। दोजो सुला खुर्पा थ्‍वोनी से गोवु नोके, तीला खुर्पा थ्‍वोनी सेकिवी।” तीकी थोक्‍ला कोन्‍छ्‍योककी गिपातिवा ति हम क्‍यानी देतुप ताङ तेपा रम्‍बु क्‍यानी दे गोकिवी।

ज्‍यल्‍का 13:15

ती गोमी सेम्‍ज्‍येनकी कु तीकी ताम्‍ङे लप्‍शी, तमा ती कुला मेतेन्‍दुप मीतिवा तेरी सेशी सिनी ती कुला उ लुकुप ओङ साङ सेम्‍ज्‍येन ङ्‍यिवाला बिन्‍नोक।

ज्‍यल्‍का 18:20

ओ देवाच्‍येनला वोतुपतिवा ताङ तेपा कितुपतिवा ताङ लोमा छ्‍येतिवा ताङ लुङ्‍तेम्‍बातिवा, ख्‍यिराङ गा की! च्‍यिलासिसिन तीकी ख्‍यिराङला चुक क्‍यावे, कोन्‍छ्‍योककी तीला साङ तुकै राङ क्‍यानी ठिम क्‍या नाङ्‍सुङ।” सिनी वोरु तेन्‍सुङ।

ज्‍यल्‍का 18:24

तमा कोन्‍छ्‍योककी लुङ्‍तेम्‍बातिवाला सेनी ठक तेन्‍दुप ताङ तेपा कितुपतिवाला साङ सेनी ठक तेन्‍दुप ताङ जम्‍बुलिङकी मी तेरीला सेनी ठक तेन्‍दुप ति ती ग्‍येसा नेमा राङ थोङ्‍गुप तप्‍की यिन।” सिनी सिक्‍यासुङ।

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”