ज्‍यल्‍का 16:5 - कोन्छ्‌योककी सुङ

⁵ तुक राङ क्‍यानी छ्‍युला ओङ्‍ज्‍येन कितुप लेन क्‍योलुप थु तीकी दुक सिक्‍यावु ति ङे थोसुङ। “ओ थल्‍माला ज्‍यु वोतुप ताङ तन्‍दा सेक नरी लुवु चाङ्मा वोतुप चोवो कोन्‍छ्‍योक, चोवोकी दी ठिम क्‍या नङ्‍गुप ति छासे टेके यिन।

ज्‍यल्‍का 16:5 Iomraidhean Croise

यूहन्‍ना 17:25

ओ ठिम टेङ्‍बु क्‍या नङ्‍गुप पपा, जम्‍बुलिङकी मीतिवी पपाला ङो माशे, यिने ङ याङ पपाला ङो शेतिन, तमा ङला तेपा कितुपतिवी साङ पपी ङला तङ्‍गुप यिन सिनी हाक्‍कोनी वे।

रोमी 2:5

ख्‍योरो सेम क्‍योङ्‍बु वोतुप ताङ दिक्‍पा ने ग्‍युरुप सेम मेतुप तप्‍की कोन्‍छ्‍योककी मी रे रेला च्‍योङ्‍डा वोतुप टेङ्‍बुकी ठिम क्‍या नङ्‍गुप तुजेला खोकी पर्च्या ति ख्‍युरुङला मङ मङ फोकितो।

रोमी 3:5

दोजो दाक्‍पी दिक्‍पा क्‍यासिमा कोन्‍छ्‍योक ति टेङ्‍बु वोतुप कोन्‍छ्‍योक यिन सिरुप ति हाक्‍कोकिवी सिसिन दाक्‍पु काङ सिरुप? दाक्‍पुला पर्च्या तोङ्‍गुप कोन्‍छ्‍योक ति मेटेङ्‍बु यिन रो? माङ्‍शोक मीतिवी तुकै राङ नासाम तोङ्‍गिवी।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 11:17

“ओ, गोमाला नेज्‍यु नरी लुवु ताङ तन्‍दा साङ ज्‍यु वोतुप ओङ छ्‍येवु कोन्‍छ्‍योक, ङ्‍यिराङ कोन्‍छ्‍योकला थुचिछे बुलिन। च्‍यिलासिसिन कोन्‍छ्‍योकला ओङ ग्‍येर्पु वे, तमा जम्‍बुलिङला ग्‍येला कितुप गो चुन नाङ्‍सुङ।

ज्‍यल्‍का 16:4

येलुङ देवाच्‍येनकी लेन क्‍योलुप थु सुम्‍बा तीकी खोरो कोरा ति चङ्‍बु ताङ छ्‍यी पुङतिवी खला पुसुङ। तमा ती चङ्‍बु ताङ छ्‍यी पुङतिवा तेरी ठकला गाल्‍सुङ।

ज्‍यल्‍का 16:7

तमा छोठी नेमा दुक सिक्‍यावु ति ङे थोसुङ। “यिन, ङार छ्‍येवु चोवो कोन्छ्‍योक। कोन्‍छ्‍योककी ठिम क्‍या नङ्‍गुप ति वुतुङ के टेङ्बु ताङ टेके यिन।”

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”

ज्‍यल्‍का 6:10

तिवा ति “ओ चाङ्‍मा ताङ टेङ्‍बु वोतुप चोछ्‍येवु चोवो, नम पेला सेक ख्‍योरे दी जम्‍बुलिङला लुनी वोतुपतिवाला ठिम क्‍या नङ्‍गुप ताङ ङ्‍यिराङला सेतुप छ्‍येर्पा ति मलाङ्‍गिवी?” सिनी कशेन च्‍यार ग्‍यप्‍सुङ।