ज्‍यल्‍का 16:19 - कोन्छ्‌योककी सुङ

¹⁹ तीकी जोसालेन्‍सिन ते वोतुप चोछ्‍येर्मु ग्‍येसा बेबिलोन ति फेका सुम गाल्‍सुङ। तमा लुङ्‍बा लुङ्‍बाकी ग्‍येसातिवा साङ तेरी रम्‍नी ना गाल्‍सुङ। ती ति कोन्‍छ्‍योककी बेबिलोनकी दिक्‍पा क्‍यावु नासाम शार्नी खोकी ङ्‍यिर्मु लावु पर्च्या ति ती ग्‍येसाला ख्‍येल च्‍यितुप यिन।

ज्‍यल्‍का 16:19 Iomraidhean Croise

ज्‍यल्‍का 11:8

तमा तिवी रोतिवा ति ग्‍येसा ग्‍येर्पुकी लाम नेवा क्‍युर्किवी। ती ग्‍येसाकी मिङ ति सदोम याङ्‍ना मिश्र साङ सिनी ज्‍याङ वे। ते तिवी चोवोला साङ ग्‍यङ्‍शिङला कल्‍नी सेतुप यिन।

ज्‍यल्‍का 17:1

ती कोरा दिन खुरुप देवाच्‍येनकी लेन क्‍योलुप थुतिवी पर्ला मिरा च्‍यिक ति ङे चाला वानी “दे शोक, ङ ख्‍युरुङला छासे छ्‍येमु कितुप पुम्‍पेजा तीला कशेन पर्च्या बिन्‍दुप ति छ्‍या देनिन। ती ति छ्‍यु बङीकी खला देनोक।

ज्‍यल्‍का 17:18

तमा ख्‍योरो थोङ्‍गुप ती पुम्‍पेजा ति जम्‍बुलिङकी ग्‍येल्‍वुतिवा तेरीकी खला ओङ्‍ज्‍येन कितुप ग्‍येसा ग्‍येर्पु यिन।”

ज्‍यल्‍का 17:5

तीकी टली लोला छ्‍याकला वोतुप हाक्‍मोकोवु मिङ च्‍यिक टिनी नोक। ती मिङ ति “छ्‍येमुतिवा ताङ जम्‍बुलिङकी क्‍युक्‍टो लङ्‍गुपतिवी आमा बेबिलोन ग्‍येसा ग्‍येर्पु” सिक्‍यावु यिन।

ज्‍यल्‍का 18:10

ती ग्‍येसाला छेटाङ बिन्‍दुप थोङ्‍सिमा तिवा ज्‍यिवा लानी थाक्‍रिङ्‍बुला देनी “ओए! ओए! च्‍यिला ङार छ्‍येवु ग्‍येसा ग्‍येर्पु बेबिलोनला उकुर च्‍यिकला पर्च्या ख्‍येलुप यिनाङ।” सिनी ङ्‍येन्‍बी सोक तोङ्‍गिवी।

ज्‍यल्‍का 18:2

तमा तीकी कशेन थोर ग्‍यप्‍नी दुक सिनी वोरु तेन्‍सुङ, “ती ग्‍येसा ग्‍येर्पु बेबिलोन ति ना गाल्‍सुङ! ती ग्‍येसा ग्‍येर्पु बेबिलोन ति ना गाल्‍सुङ! त याङ ती ग्‍येसाला र्‍हेन्‍डी ताङ थु मेचेङ्‍गा ताङ चाङ्मा मेतुप च्‍यच्‍युमतिवा ताङ चाङ्मा मेतुप ताङ क्‍युक्‍टो लङ्‍गुप सेम्‍ज्‍येन देतुप दासा च्‍युङ वे।

ज्‍यल्‍का 18:21

ती ज्‍युक्‍ला ङार छ्‍येवु देवाच्‍येनकी लेन क्‍योलुप थु मिरा च्‍यिककी लाकुर ग्‍येर्पु दोके दो च्‍यिक तेक्‍नी ग्‍येम्‍छो नाङ्‍ला क्‍युरिन सिरा, “दुक राङ क्‍यानी ग्‍येसा ग्‍येर्पु बेबिलोन साङ ङार क्‍यानी क्‍युर्कितो। तमा ती ति येलुङ नाम्‍साङ मोथोङ्‍दो।

ज्‍यल्‍का 18:5

च्‍यिलासिसिन ती ग्‍येसाला वोतुप मीतिवी क्‍यावु दिक्‍पातिवा मङ मङ देवाच्‍येन सेक लेम वे। तमा तिवी लाका दुक्‍टातिवा कोन्‍छ्‍योककी नाम्‍साङ माज्‍ये वे।