ज्‍यल्‍का 16:17 - कोन्छ्‌योककी सुङ

¹⁷ येलुङ देवाच्‍येनकी लेन क्‍योलुप थु दिन्‍बा तीकी खोरो कोरा ति नामला पुसुङ। तमा कोन्‍छ्‍योककी ल्‍हङाङकी ग्‍येल्‍ठिक नेमा थोर ग्‍यप्‍नी “त याङ तेरी छेसुङ।” सिरुप वोरु यी ग्‍यप्‍सुङ।

ज्‍यल्‍का 16:17 Iomraidhean Croise

यूहन्‍ना 19:30

खोकी ती गुन्‍डुम छ्‍याङ क्‍युर्वु ति चेयी च्‍यिप क्‍यासिमा, “त याङ ङे लाका तेरी सिन्‍सुङ।” सिनी सुङ्‍सुङ। तमा खोकी गो कुक क्‍यानी उ छ्‍येसुङ।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 6:12

च्‍यिलासिसिन दाक्‍पी ग्‍यकुप मक ति मी ताङ मुला मिन, यिने ओङ्‍ज्‍येन कितुपतिवा ताङ ङार वोतुपतिवा ताङ दी जम्‍बुलिङकी दुक्‍टाकी ङार ताङ देवाच्‍येनला वोतुप डेतिवी मुला यिन।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 11:19

तमा देवाच्‍येनला कोन्‍छ्‍योककी ल्‍हङाङ पेसिमा ती नाङ्‍ला खोकी थाक्‍छ्‍येन नङ्‍गुप तेर्गाम ति थोङ्‍सुङ। ते चिलाम ग्‍यपुप ताङ सम्‍डुक ग्‍यकुप वोरुतिवा थोसुङ। तमा सयी ग्‍यकुप ताङ सेर बोम्‍बु बोम्‍बुतिवा ग्‍यप्‍सुङ।

ज्‍यल्‍का 14:15

येलुङ यम्‍बा देवाच्‍येनकी लेन क्‍योलुप थु च्‍यिक ल्‍हङाङ नाङ नेमा थेन वानी ती मुक्‍पी खला देन वोतुप तीला थोर ग्‍यप्‍नी “ख्‍योरो सोर थ्‍वोनी सप्‍ले ङो। च्‍यिलासिसिन जम्‍बुलिङकी तेरी सप्‍लेतिवा छोनी ङकुप पेला लेम वे।” सिनी सिक्‍यासुङ।

ज्‍यल्‍का 14:17

ती ज्‍युक्‍ला येलुङ देवाच्‍येनला वोतुप ल्‍हङाङ नेमा यम्‍बा देवाच्‍येनकी लेन क्‍योलुप थु यी पाङ्‍ला थेन्‍दुप ति ङे थोङ्‍सुङ। तीकी लकला साङ सोर नेन्‍बु च्‍यिक नोक।

ज्‍यल्‍का 16:1

तमा येलुङ कोन्‍छ्‍योककी ल्‍हङाङ नेमा कशेन थोर ग्‍यप्‍नी “ख्‍यिराङ ग्‍युक, तमा कोन्‍छ्‍योककी ङ्‍यिर्मुकी कोरा दिनतिवा लानी जम्‍बुलिङला पु।” सिनी देवाच्‍येनकी लेन क्‍योलुप थु मिरा दिनतिवाला सिक्‍यावु ति ङे थोसुङ।

ज्‍यल्‍का 21:6

येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।