ज्‍यल्‍का 16:16 - कोन्छ्‌योककी सुङ

¹⁶ ती ज्‍युक्‍ला ती थु मेचेङ्‍गा सुमतिवी जम्‍बुलिङकी ग्‍येल्‍वुतिवा तेरी दासा च्‍यिकला जोम च्‍यिसुङ। ती दासाकी मिङ ति हिब्रू ताम्‍ङेला आर-मागेड्‍डोन सिवी।

ज्‍यल्‍का 16:16 Iomraidhean Croise

यूहन्‍ना 19:13

ती थोसिमा पिलातसकी येशूला पाङ्‍ला टिनी वानी खोरुङ ति दे येम्‍ज्‍योक तिङ्‍नी जोवु लेङाङ सिरुप दासाला वोतुप ठिम कितुप ठीला देसुङ। (ती दासाला ति हिब्रू ताम्‍ङेला गब्‍बथा सिनी सिनोक।)

यूहन्‍ना 19:17

तमा येशूकी ग्‍यङ्‍शिङ खुर्नी कप्ली सिरुप दासाला फेप्‍सुङ। ती दासाला ति हिब्रू ताम्‍ङेला गलगथा सिवी।

यूहन्‍ना 5:2

ते यरूशलेम नाङ्‍ला लुककी गो सिरुप गे चाला चो च्‍यिक नोक। ती चोला ति हिब्रू ताम्‍ङेला बेथस्‍दा सिनी सिनोक, तमा ती चे गारी गुरीला कज्‍युकी खला थोक कपुप दलान ङ चोके नोक।

लोमा छ्‍येतिवी लाका 26:14

तमा ङ्‍यिराङ तेरी सला तला ग्‍यप्‍सुङ। ती पेला हिब्रू ग्‍येतामला ‘ओ शाऊल, ओ शाऊल, ख्‍युरुङ ङला च्‍यिला छेटाङ तेर्किवी? ख्‍योरो ङला छेटाङ बिन्‍सिन ती छेटाङ ति ख्‍युरुङला राङ फोकिवी।’ सिरुप वोरु यी ङे थोसुङ।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 9:11

तमा ती छासे तिङ्‍मु वोतुप मुक्‍तुमकी खला ओङ्‍ज्‍येन कितुप देवाच्‍येनकी लेन क्‍योलुप थु तीकी तिवी खला ग्‍येला किनोक। तीकी मिङ ति हिब्रू ताम्‍ङेला एबाड्‍डोन ताङ ग्रीक ताम्‍ङेला अपोल्‍लियोन सिनोक।