ज्‍यल्‍का 15:5 - कोन्छ्‌योककी सुङ

⁵ ती ज्‍युक्‍ला येलुङ ङे देवाच्‍येनला वोतुप कोन्‍छ्‍योककी ल्‍हङाङकी गो ति पेतुप थोङ्‍सुङ। ती ल्‍हङाङ ति इस्राएलकी मीतिवा दासा पाङ्‍थेरीला वोतुप पेला कोन्‍छ्‍योककी मोशाला नङ्‍गुप चाङ्‍मा वोतुप पङ्‍बुकी कुर यिन।

ज्‍यल्‍का 15:5 Iomraidhean Croise

मत्ती 27:51

ती पेला राङ यहूदी ल्‍हङाङ नाङ्‍ला ग्‍यावु गोयोल ति गो नेमा ज्‍युनी शाप सेक फेका ङ्‍यी गल्‍नी राल्‍सुङ। तमा सयी ग्‍यप्‍नी दो ग्‍येर्पु साङ टुम्‍सुङ।

हिब्रू 8:5

तिवी शब्‍ज्‍यी कितुप दासा ति वुतुङ के मिन, देवाच्‍येनकी चाङ्‍मा वोतुप दासा दोके पेशुवु तिराङ यिन। च्‍यिलासिसिन मोशाकी यहूदीतिवी कोन्‍छ्‍योकला सोवा देकुप कुर जोप पेला कोन्‍छ्‍योककी मोशाला “ख्‍युरुङला ङे सीनै रीला छ्‍या तेन्‍दुप दोके तुकै राङ क्‍यानी तेरी च्‍यालकतिवा जोपला सेम यी कुक।” सिनी क नाङ वे।

ज्‍यल्‍का 11:19

तमा देवाच्‍येनला कोन्‍छ्‍योककी ल्‍हङाङ पेसिमा ती नाङ्‍ला खोकी थाक्‍छ्‍येन नङ्‍गुप तेर्गाम ति थोङ्‍सुङ। ते चिलाम ग्‍यपुप ताङ सम्‍डुक ग्‍यकुप वोरुतिवा थोसुङ। तमा सयी ग्‍यकुप ताङ सेर बोम्‍बु बोम्‍बुतिवा ग्‍यप्‍सुङ।

ज्‍यल्‍का 13:6

तमा तीकी ख पेनी कोन्‍छ्‍योकला मारे ताङ्‍नी खोकी मिङ ताङ खो ज्‍युवु दासा ताङ देवाच्‍येनला वोतुपतिवा तेरीला मारे तोङ्‍गुप छाल्‍सुङ।