ज्‍यल्‍का 15:4 - कोन्छ्‌योककी सुङ

⁴ ओ चोवो कोन्‍छ्‍योक, चोवोला सी ज्‍यिवा मिकिवी रो? सी चोवोकी मिङला मोवा मिकिवी रो? च्‍यिलासिसिन चाङ्‍मा वोतुप ति चोवो तिराङ यिन। मिरिक तेरीकी मीतिवी चोवोला राङ सोवा बुल्‍गिवी। च्‍यिलासिसिन चोवोकी क्‍या नङ्‍गुप लाका टेङ्‍बुतिवा तेरीकी ठछ्‍येली थोङ्‍नी वे।”

ज्‍यल्‍का 15:4 Iomraidhean Croise

रोमी 15:9

तमा यहूदी मिन्‍दुप मिरिक यम्‍बाकी मीतिवी खोकी नङ्‍गुप च्‍यम्‍बाकी थोक्‍ला खोला मोवा क्‍यासुङ। ती तप्‍की कोन्‍छ्‍योककी सुङला दुक सिनी टि वे, “तुक क्‍यानी यहूदी मिन्‍दुप मिरिक यम्‍बाकी मीतिवी पर्ला ङ ख्‍युरुङला सोवा देकिन। तमा ङ ख्‍योरे मिङला सोवा देकुप लु लङ्‍यिन।”

१ पत्रुस 1:16

च्‍यिलासिसिन कोन्‍छ्‍योककी सुङला “ङ टेङ्‍बु वोतुप दोके ख्‍यिराङ साङ टेङ्‍बु वुङ गोकिवी।” सिनी टि वे।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 14:7

तीकी थोर ग्‍यप्‍नी “कोन्‍छ्‍योकला ज्‍यिवा किसा, खोला मोवा किसा। च्‍यिलासिसिन खोकी ठिम कितुप तुजे वा वे। देवाच्‍येन ताङ जम्‍बुलिङ ताङ ग्‍येम्‍छो ताङ छ्‍यु दोलुप दासा तेरी जो नङ्‍गुप कोन्‍छ्‍योकला मोवा की।” सिनी सिक्‍यासुङ।

ज्‍यल्‍का 16:5

तुक राङ क्‍यानी छ्‍युला ओङ्‍ज्‍येन कितुप लेन क्‍योलुप थु तीकी दुक सिक्‍यावु ति ङे थोसुङ। “ओ थल्‍माला ज्‍यु वोतुप ताङ तन्‍दा सेक नरी लुवु चाङ्मा वोतुप चोवो कोन्‍छ्‍योक, चोवोकी दी ठिम क्‍या नङ्‍गुप ति छासे टेके यिन।

ज्‍यल्‍का 16:7

तमा छोठी नेमा दुक सिक्‍यावु ति ङे थोसुङ। “यिन, ङार छ्‍येवु चोवो कोन्छ्‍योक। कोन्‍छ्‍योककी ठिम क्‍या नङ्‍गुप ति वुतुङ के टेङ्बु ताङ टेके यिन।”

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”

ज्‍यल्‍का 19:8

खोकी नमाकी वो ग्‍यकुप ताङ चेङ्‍गा वोतुप गोङ नावु नेङेनकी मज्‍या कोन्‍नी वे। ती मज्‍याकी तेन्‍दोक ति खोला तेपा कितुपतिवी क्‍यावु लाका ल्‍यामु यिन।” सिनी सिक्‍यासुङ।

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”

ज्‍यल्‍का 6:10

तिवा ति “ओ चाङ्‍मा ताङ टेङ्‍बु वोतुप चोछ्‍येवु चोवो, नम पेला सेक ख्‍योरे दी जम्‍बुलिङला लुनी वोतुपतिवाला ठिम क्‍या नङ्‍गुप ताङ ङ्‍यिराङला सेतुप छ्‍येर्पा ति मलाङ्‍गिवी?” सिनी कशेन च्‍यार ग्‍यप्‍सुङ।