ज्‍यल्‍का 15:3 - कोन्छ्‌योककी सुङ

³ तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।

ज्‍यल्‍का 15:3 Iomraidhean Croise

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

हिब्रू 3:5

मोशा कोन्‍छ्‍योककी मिछाङकी मीतिवाला लावा दोके क्‍यानी शब्‍ज्‍यी कितुपला खोङ्‍तेर्मु च्‍युङ्‍सुङ। तमा ज्‍युक्‍थमाला वुङ्‍गुप कोन्‍छ्‍योककी येन्‍देनकी कोर्ला पङ्‍बु बिन्‍सुङ।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 11:17

“ओ, गोमाला नेज्‍यु नरी लुवु ताङ तन्‍दा साङ ज्‍यु वोतुप ओङ छ्‍येवु कोन्‍छ्‍योक, ङ्‍यिराङ कोन्‍छ्‍योकला थुचिछे बुलिन। च्‍यिलासिसिन कोन्‍छ्‍योकला ओङ ग्‍येर्पु वे, तमा जम्‍बुलिङला ग्‍येला कितुप गो चुन नाङ्‍सुङ।

ज्‍यल्‍का 14:3

तमा ते १,४४,००० मीतिवी ति ग्‍येल्‍ठिक ताङ सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये मिरा खल ज्‍यिक ताङ ज्‍यीकी दोङ्‍ला लानी लु सम्‍बा यी लासुङ। ती लु ति दी जम्‍बुलिङ ने थर्वा ङ्‍येतुप १,४४,००० मीतिवी मिसिन यम्‍बा सी साङ लोप मुथुप्‍नोक।

ज्‍यल्‍का 14:8

ती ज्‍युक्‍ला येलुङ देवाच्‍येनकी लेन क्‍योलुप थु ङ्‍यिवा ति गोमी लेन क्‍योलुप थु तीकी तिङ्‍ला लेसुङ। तमा तीकी “ना गाल्‍सुङ! ग्‍येसा ग्‍येर्पु बेबिलोन ति ना गाल्‍सुङ! तीकी मिरिक मिरिककी मीतिवा तेरीला गुन्‍डुम छ्‍याङ थुङ च्‍यिसुङ। ती गुन्‍डुम छ्‍याङ ति ती ग्‍येसाकी शम्‍डेन क्‍यावु तप्‍की वुङ्‍गुप कोन्‍छ्‍योककी ङ्‍यिर्मु यिन।” सिनी सिक्‍यासुङ।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 19:16

खोकी मज्‍या ताङ खोकी फिली लोला “ग्‍येल्‍वी खकी ग्‍येल्‍वु” ताङ “चोवो खकी चोवो” सिरुप मिङ टि वे।

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”