ज्‍यल्‍का 14:8 - कोन्छ्‌योककी सुङ

⁸ ती ज्‍युक्‍ला येलुङ देवाच्‍येनकी लेन क्‍योलुप थु ङ्‍यिवा ति गोमी लेन क्‍योलुप थु तीकी तिङ्‍ला लेसुङ। तमा तीकी “ना गाल्‍सुङ! ग्‍येसा ग्‍येर्पु बेबिलोन ति ना गाल्‍सुङ! तीकी मिरिक मिरिककी मीतिवा तेरीला गुन्‍डुम छ्‍याङ थुङ च्‍यिसुङ। ती गुन्‍डुम छ्‍याङ ति ती ग्‍येसाकी शम्‍डेन क्‍यावु तप्‍की वुङ्‍गुप कोन्‍छ्‍योककी ङ्‍यिर्मु यिन।” सिनी सिक्‍यासुङ।

ज्‍यल्‍का 14:8 Iomraidhean Croise

ज्‍यल्‍का 11:8

तमा तिवी रोतिवा ति ग्‍येसा ग्‍येर्पुकी लाम नेवा क्‍युर्किवी। ती ग्‍येसाकी मिङ ति सदोम याङ्‍ना मिश्र साङ सिनी ज्‍याङ वे। ते तिवी चोवोला साङ ग्‍यङ्‍शिङला कल्‍नी सेतुप यिन।

ज्‍यल्‍का 16:19

तीकी जोसालेन्‍सिन ते वोतुप चोछ्‍येर्मु ग्‍येसा बेबिलोन ति फेका सुम गाल्‍सुङ। तमा लुङ्‍बा लुङ्‍बाकी ग्‍येसातिवा साङ तेरी रम्‍नी ना गाल्‍सुङ। ती ति कोन्‍छ्‍योककी बेबिलोनकी दिक्‍पा क्‍यावु नासाम शार्नी खोकी ङ्‍यिर्मु लावु पर्च्या ति ती ग्‍येसाला ख्‍येल च्‍यितुप यिन।

ज्‍यल्‍का 17:18

तमा ख्‍योरो थोङ्‍गुप ती पुम्‍पेजा ति जम्‍बुलिङकी ग्‍येल्‍वुतिवा तेरीकी खला ओङ्‍ज्‍येन कितुप ग्‍येसा ग्‍येर्पु यिन।”

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”