ज्‍यल्‍का 14:5 - कोन्छ्‌योककी सुङ

⁵ तिवी ख नेमा नाम्‍साङ जिनोक जोप ताम्‍ङे मालापुप ताङ क्‍येन मेतुप नोक।

ज्‍यल्‍का 14:5 Iomraidhean Croise

मत्ती 12:34

ओ दुक्‍टाकी गिपातिवा! ख्‍यिराङ सेम दुक्‍टा वे, चुक क्‍यानी ताम्‍ङे ल्‍यामु कि थुप्‍किवी? च्‍यिलासिसिन सेमला काङ क्‍येङ नोके, ती ति ख नेमा लप्‍किवी।

लूका 23:4

तमा पिलातसकी कोङ्‍यार छ्‍येतिवा ताङ मी माङ्‍छ्‍योकला सिक्‍यासुङ, “ङे याङ दी मी तीला काङ साङ क्‍येन तेरुप माथोङ।”

यूहन्‍ना 1:47

तमा नाथनेल ति खोरो चाला वुङ्‍यिन कितुप थोङ्‍नी येशूकी तीला “ल्‍हो ताङ, ती ति वुतुङ के टेङ्‍बु वोतुप इस्राएलकी मी यिनोक। तीकी मुला काङ साङ जिनोक मे।” सिनी सुङ्‍सुङ।

एफिसी 5:27

तमा टेमा माछ्‌यावु ताङ ङ्‍येर्मा माच्‍यम्‍बुप ताङ काङ साङ मडी मेतुप डछ्‌येर्मु चर्च जोनी खोरुङला राङ छ्‌या देन्‍शी, तमा ती चर्च ति चाङ्‍मा ताङ क्‍येन मेतुप वुङ्‍शी सिनी यिन।

कलस्सी 1:22

यिने त याङ खोकी थोङ्‍दाङला चाङ्‍मा ताङ मडी मेतुप ताङ क्‍येन मेतुप जोपला येशू ख्रीष्‍ट टुङ्‍नी खोकी ख्‍यिराङ ताङ मुला डिक्‍सुङ।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

१ पत्रुस 1:19

यिने काङ साङ मडी मेतुप ताङ चाङ्‍मा वोतुप लुक रुक येशू ख्रीष्‍टकी गोङ छ्‍येर्मु ठक नेसुर गोङ तेनी ख्‍यिराङला थोपुप यिन।

१ पत्रुस 2:22

खोकी काङ साङ दिक्‍पा माक्‍या, खोकी ख नेमा जिनोक जोप ताम्‍ङे साङ माथेन।

१ पत्रुस 3:10

च्‍यिलासिसिन कोन्‍छ्‍योककी सुङला दुक सिनी टि वे, “चुका मी तीकी रङगी मिजीला गा कितुप ताङ लोदिमु छोलुप नोकिवे, तीकी खोरो ख नेमा ताम्‍ङे मेलोक्‍पा मलाप्‍शी, तमा जिनोक जोप ताम्‍ङे साङ मिकिशी,

यहूदा 1:24

दाक्‍पी कोन्‍छ्‍योककी ख्‍यिराङला दिक्‍पा ने र्‍होकुप ताङ क्‍येन मेतुप जोनी खोकी मोवाकी चिप्‍ला लोदिमु क्‍यानी टिनी डिवी।