ज्‍यल्‍का 14:4 - कोन्छ्‌योककी सुङ

⁴ ती मीतिवा नाम्‍साङ पुम्‍पेजी मुला शम्‍डेन कितुप लाका माक्‍यानी चाङ्‍मा देतुपतिवा यिनोक। तिवा लुक रुक कनी डिवे, तीकी तिङ्‍ला तिङ्‍योकुपतिवा यिनोक। तिवा ति मीतिवी नाङ ने थर्वा ङ्‍येनी कोन्‍छ्‍योक ताङ लुक रुककी थोक्‍ला थल्‍माकी डेलु दोके च्‍युङ्‍गुप मीतिवा यिनोक।

ज्‍यल्‍का 14:4 Iomraidhean Croise

मत्ती 19:12

च्‍यिलासिसिन ललाइ ति केयिन राङ रप्‍छ्‍ये गिवी, ललाइ ति मी जोवु रप्‍छ्‍ये गिवी। ललाइ ति कोन्‍छ्‍योककी ग्‍येल्‍खापकी थोक्‍ला खोरुङ राङ रप्‍छ्‍ये गिवी। सी दी ताम्‍ङेला ङ्‍येन थुप्‍किवे, तीकी ङ्‍येन्‍शी।”

मत्ती 25:1

येलुङ येशूकी सुङ्‍सुङ, “देवाच्‍येनकी ग्‍येल्‍खाप ति दाक दाक्‍पी लकला दिप्‍ली खुर्नी माक्‍पा ठे गलुप जेन्‍दी माक्‍यावु पुम्‍पेजा मिरा च्‍यिथम्‍बाकी पे दोके यिन।

मत्ती 8:19

तमा यहूदी छ्‍योकी गेकेन मिरा च्‍यिक खोकी चाला वानी “गेकेन, गेकेन कनी फेप्‍किवे, ङ ते राङ तिङ्‍योकिन।” सिनी सिक्‍यासुङ।

यूहन्‍ना 10:27

ङे लुकतिवी ङे वोरु थोकिवी। ङ तिवाला ङो शेतिन, तमा तिवा ङे तिङ्‍ला तिङ्‍योकिवी।

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 13:37

येलुङ पत्रुसकी खोला “चोवो, ङ च्‍यिला तन्‍दा राङ तिङ्‍योक मुथुपी? ङ याङ चोवोकी थोक्‍ला शि राङ गोसिनाङ शेयिन।” सिनी सिक्‍यासुङ।

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

लोमा छ्‍येतिवी लाका 20:28

तुक क्‍यानी ख्‍यिराङ गोमा कितुप मी छ्‍येतिवा रङगी थोक्‍ला ल्‍यामो क्‍यानी नासाम तोङ, तमा तेपा कितुप ख्‍यिरा मीतिवाला साङ ल्‍यामो क्‍यानी ल्‍होसा। च्‍यिलासिसिन कोन्‍छ्‍योककी थु चाङ्‍माकी ख्‍यिराङला तेपा कितुप मीतिवा ल्‍हाटे कितुपला चेक तेतुप ताङ खोकी खोरो सेवुकी ठककी ङ्‍योनी नङ्‍गुप चर्च ल्‍यामो क्‍यानी ल्‍हापला पेतुप यिन।

१ कोरिन्‍थी 16:15

अच्‍युनुपतिवा, अखैयाला तेरी सिनाङ गोमाला कोन्‍छ्‍योकला तेपा क्‍यावु स्‍तिफनासकी खाङ्‍बी मीतिवा तेरीला याङ ख्‍यिरा ङो शेकिवी। तिवी कोन्‍छ्‍योकला तेपा कितुप मीतिवाला छासे क्‍यानी दाल्‍जा किटे क्‍यासुङ।

१ कोरिन्‍थी 6:20

ख्‍यिराङ ति खोकी गोङ तेनी ङ्‍योवु यिन। तुक क्‍यानी ख्‍यिरा रङगी मिजी ने कोन्‍छ्‍योकला मोवा की।

१ कोरिन्‍थी 7:28

यिने ख्‍योरो जेन्‍दी क्‍यासिनाङ ती ति दिक्‍पा मिन, तमा पुम्‍पेजा नाज्‍युङकी जेन्‍दी क्‍यासिनाङ ती ति दिक्‍पा क्‍यावु मिन। यिन्‍सिनाङ जेन्‍दी क्‍यावु मीतिवी दी मिजीला दुक्‍पा बङी खुर गोकिवी। तुक क्‍यानी ख्‍यिराङला दुक्‍पा मेङ्‍येशी सिरुप ति ङे नोवा वे।

२ कोरिन्थी 11:2

ङ ति कोन्‍छ्‍योककी ख्‍यिराङला पप क्‍यावु दोके ख्‍यिरा थोक्‍ला छासे पप क्‍यानी ल्‍हटे किवी। च्‍यिलासिसिन ङे ख्‍यिराङला ख्रीष्‍टकी मुला जेन्‍दी कितुपला पुम्‍पेजा चाङ्‍मा दोके लङ्‍गुप यिनो। तमा ख्रीष्‍ट ति च्‍यिक राङ वोतुप ख्‍यिरा ख्‍योवा यिन।

एफिसी 1:14

ती कोन्‍छ्‌योककी थु चाङ्‍मा ति खोरे गिपातिवा तेरीला थर माच्‍यिवा सेक्‍ला तिवाला थाक्‍छ्‍येन नङ्‍गुप ति तेरी थोप्‍किवी सिनी तेन्‍तेन कितुपला दाक्‍पुला नङ्‍गुप यिन। तीकी थोक्‍ला खोला सोवा देकुप।

एफिसी 5:27

तमा टेमा माछ्‌यावु ताङ ङ्‍येर्मा माच्‍यम्‍बुप ताङ काङ साङ मडी मेतुप डछ्‌येर्मु चर्च जोनी खोरुङला राङ छ्‌या देन्‍शी, तमा ती चर्च ति चाङ्‍मा ताङ क्‍येन मेतुप वुङ्‍शी सिनी यिन।

१ तिमोथी 4:3

तिवी जेन्‍दी कितुप मेवी, ललाइ समा साङ साप मेवी सिनी ग्‍येकिवी। यिने ती समातिवा ति तेपा कितुपतिवा ताङ टेङ्‍बु काङ यिन सिनी ङो शेवुतिवी थुचिछे पुल्‍नी सापला कोन्‍छ्‍योककी ज्‍ये नङ्‍गुप यिन।

हिब्रू 12:23

तमा ख्‍यिराङ याङ गोमाला क्‍येवु पुज्‍युङ दोके वोतुप तेपा कितुप मीतिवा तेरी जोम्‍बुप चर्चला वानी वे। तिवी मिङ तेरी ति देवाच्‍येनला टिनी ज्‍याङ वे। तमा ख्‍यिराङ याङ तेरी मीतिवाला ठिम क्‍या नङ्‍गुप कोन्‍छ्‍योक ताङ खोकी खोरे मोवा वोतुप दोके क्‍यानी टेङ्‍बु जोवु मीतिवी थुतिवा वोतुप दासाला वानी वे।

याकूब 1:18

तमा खोकी ज्‍येवु च्‍यालकतिवी नाङ्‍ला दाक्‍पु ति थल्‍माला गरुप डुप्‍सेन दोके जोपला खोकी टेङ्‍बु वोतुप सुङ नेमा खोकी नोवा नेसुर दाक्‍पुला जो नङ्‍गुप यिन।

१ पत्रुस 2:9

यिने ख्‍यिराङ याङ तुकै मिन, ख्‍यिराङ ति कोन्‍छ्‍योककी पेन नङ्‍गुप गिपा ताङ खोकी ग्‍येल्‍खापकी कोङ्‍यार ताङ टेङ्‍बु वोतुप मिरिक ताङ कोन्‍छ्‍योककी खोरे मीतिवा यिन। खोकी ख्‍यिराङला नक्‍तोमी ने थेन्‍नी खोकी हलेवु वोसिरला टिन फेप्‍सुङ। तुक क्‍यानी ख्‍यिरा खोकी हलेवु लाकातिवा मी यम्‍बाला ख्‍याप्‍टाक कि थुप्‍शी।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 21:22

ती ग्‍येसाला कनी साङ ल्‍हङाङ माथोङ। च्‍यिलासिसिन तेकी ल्‍हङाङ ति ङार छ्‍येवु चोवो कोन्‍छ्‍योक ताङ खोकी सेवु लुक रुक राङ यिनोक।

ज्‍यल्‍का 21:23

ती ग्‍येसा ति ठछ्‍येली जोपला ङ्‍यिमा उला काङ साङ मोगोनोक। च्‍यिलासिसिन कोन्‍छ्‍योककी मोवाकी राङ तेकी ग्‍येसा ति ठछ्‍येली डिनोक। तमा ते ठछ्‍येली जोप दिप्‍ली ति लुक रुक राङ यिनोक।

ज्‍यल्‍का 3:4

यिने सार्डिसला वोतुप ख्‍यिरा पर्ला तेपा कितुपतिवा ललाइ ललाइ ति मज्‍याला टेमा माछ्‍यावु दोके खोप्‍राङ मिजी ति मेटेङ्‍बु माजो वे। तिवा ङे मुला राङ मज्‍या कर्मु कोन्‍नी युकिवी, च्‍यिलासिसिन तिवा तुक कि छ्‍योवु वे।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।