ज्‍यल्‍का 14:3 - कोन्छ्‌योककी सुङ

³ तमा ते १,४४,००० मीतिवी ति ग्‍येल्‍ठिक ताङ सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये मिरा खल ज्‍यिक ताङ ज्‍यीकी दोङ्‍ला लानी लु सम्‍बा यी लासुङ। ती लु ति दी जम्‍बुलिङ ने थर्वा ङ्‍येतुप १,४४,००० मीतिवी मिसिन यम्‍बा सी साङ लोप मुथुप्‍नोक।

ज्‍यल्‍का 14:3 Iomraidhean Croise

१ कोरिन्‍थी 1:18

ख्रीष्‍ट दाक्‍पी दिक्‍पी थोक्‍ला ग्‍यङ्‍शिङला कल्‍नी टुङ्‍गुप कोर्ला लेन ल्‍यामु ख्‍याप्‍टाक कितुप पेला तेपा माक्‍यानी ना डोपतिवी “ती ति तेर्मे यिन।” सिनी सिवी, यिने दाक्‍पु दिक्‍पा ने थरुपतिवी याङ “ती ति कोन्‍छ्‍योककी नङ्‍गुप ङार यिन।” सिनी सिवी।

१ कोरिन्‍थी 2:14

खोकी थु चाङ्‍मा मेतुप मी तीकी खोकी थु चाङ्‍मा नेसुर वुङ्‍गुप ताम्‍ङेतिवा सेमला मलङ्‍गिवी। च्‍यिलासिसिन तिवी तुका ताम्‍ङेतिवाला तेन्‍दोक मेतुप यिन सिनी सिवी। तमा तिवी हाक साङ मोकोवी। तुका ताम्‍ङेतिवा खोकी थु चाङ्‍मा नेमा तिराङ हाक्‍को थुप्‍किवी।

ज्‍यल्‍का 14:1

येलुङ ङे ल्‍हासालेन्‍सिन सियोन पम्‍दोकला ती लुक रुक ति लानी देतुप थोङ्‍सुङ। तीकी मुला मी बुङ च्‍यिक ताङ तोङ्‍डा खल ङ्‍यी ताङ ज्‍यी लानी नोक। तिवी टली लोला थर्वा नङ्‍गुप लुक रुक ताङ खोकी पपी मिङ टिनी नोक।

ज्‍यल्‍का 15:3

तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।

ज्‍यल्‍का 2:17

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे। सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला छ्‍याकला वोतुप कोन्‍छ्‍योककी मन्‍न तेरिनो। तमा तीला ङ मिङ सम्‍बा टिवु दो कर्मु यी साङ तेरिनो। सुला ती दो ति थोप्‍किवे, तीकी तिराङ ती दोला टिवु मिङ ति हाक्‍कोकिवी।’”

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।

ज्‍यल्‍का 7:4

ते लज्‍युर ग्‍यपुपतिवा तेरी इस्राएल गिपाकी मिरिक रे रे नेसुर वावु बुङ च्‍यिक ताङ तोङ्‍डा खल ङ्‍यी ताङ ज्यी वोतुप ति ङे थोसुङ।