ज्‍यल्‍का 14:2 - कोन्छ्‌योककी सुङ

² तमा देवाच्‍येन नेमा छ्‍यु बङी ग्‍युकुप वोरु दोके ताङ सम्‍डुक ग्‍यकुप दोके वोरु ग्‍येर्पु वावु ति ङे थोसुङ। ती वोरु ति डम्‍ङ्‍याङ टिलुपतिवी डम्‍ङ्‍याङ टिलुप वोरु दोके नोक।

ज्‍यल्‍का 14:2 Iomraidhean Croise

१ कोरिन्‍थी 13:1

दोजो ङे मीतिवी तेरी ग्‍येतामला ताङ देवाच्‍येनकी लेन क्‍योलुप थुतिवी ग्‍येतामला लाप्‍सिनाङ ङे सेमला ति ङ्‍यिङ्‍ज्‍ये मेसिन ङ ति ठिङ ठिङ सिरुप टिलुक ताङ ज्‍याङ ज्‍याङ सिरुप बुक्‍शल दोके तिराङ यिन।

ज्‍यल्‍का 1:10

ते चोवोकी ङ्‍यिमाला कोन्‍छ्‍योककी थु चाङ्‍मा ङला फेप्‍नी ङ खोकी ओङला वोतुप पेला कशेन क्‍यानी ग्‍येलिङ पुवु दोके वोरु ग्‍येर्पु ग्‍यप्‍सुङ। तमा ङे तिङ्‍ला दुक सिरुप वोरु यी थोसुङ।

ज्‍यल्‍का 1:15

तमा खोकी शापतिवा ति काँसा शितुप दोके वो ग्‍यकुप ताङ खोकी वोरु ति शोतोक ग्‍यपुप दोके ग्‍येर्पु नोक।

ज्‍यल्‍का 11:12

तमा देवाच्‍येन नेमा कशेन थोर ग्‍यप्‍नी “दे केला शोक।” सिक्‍यावु ति ती पङ्‍बु तेरुप मिरा ङ्‍यीतिवी थोसुङ। तमा तिवी डतिवी ल्‍हयी ल्‍हयी तिवा मुक्‍पी पर्ने केला देवाच्‍येन ने गाल्‍सुङ।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 15:2

येलुङ ते मे र्‍हेवु शेलकी ग्‍येम्‍छो दोके वोतुप ति ङे थोङ्‍सुङ। ती शेलकी ग्‍येम्‍छो गारीला सेम्‍ज्‍येन ताङ तीकी कु ताङ तीकी मिङकी अङ्‍टङ वोतुप तीला ग्‍येलुपतिवा तेरी लानी देन्‍नोक। तिवी लकला कोन्‍छ्‍योककी नङ्‍गुप डम्‍ङ्‍याङतिवा खुर्नी नोक।

ज्‍यल्‍का 18:22

तमा डम्‍ङ्‍याङ टिलुपतिवा ताङ लु लङ्‍गुपतिवा ताङ लुमु पुतुपतिवा ताङ ग्‍येलिङ पुतुपतिवी वोरु ति ख्‍योरो नाम्‍साङ मोथोतो। छोङ कितुप च्‍यालकतिवा जोपला खामु वोतुप मीतिवा साङ ख्‍योरो ते नाम्‍साङ मोथोङ्‍दो। लाकुरकी वोरु साङ ख्‍योरो नाम्‍साङ मोथोतो।

ज्‍यल्‍का 5:8

ती बिटप ति लासिमा सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये खल्‍ज्‍यिक ताङ ज्‍यीतिवा लुक रुककी चिप्‍ला वानी खवुतुङ्‍मा देसुङ। तिवा तेरीकी लकला डम्‍ङ्‍याङ ताङ पो क्‍येङ्‍गुप सेरकी पोकेतिवा खुर्नी नोक। ती पो ति कोन्‍छ्‍योकला तेपा कितुपतिवी क्‍यावु मोपोर यिनोक।

ज्‍यल्‍का 6:1

तमा ती लुक रुक तीकी लज्‍युर दिनकी नाङ्‍ला लज्‍युर च्‍यिक ति तोलुप थोङ्‍सुङ। तमा सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिक तीकी सम्‍डुक ग्‍यकुप दोके वोरु तेन्‍नी “दे शोक!” सिनी सिक्‍यावु ति ङे थोसुङ।

ज्‍यल्‍का 8:7

देवाच्‍येनकी लेन क्‍योलुप थु तङ्‍बु तीकी ग्‍येलिङ पुसुङ। तमा जम्‍बुलिङला ठक र्‍हेवु सेर ताङ मे पाप्‍सुङ। तीकी जोसालेन्‍सिन जम्‍बुलिङ छो सुमला छो च्‍यिक ताङ दोङ्‍बुतिवा छो सुमला छो च्‍यिक ताङ ङोर्मु वोतुप नम्‍बा तेरीकी चतिवा छिक्‍सुङ।