ज्‍यल्‍का 14:11 - कोन्छ्‌योककी सुङ

¹¹ तिवाला छेटाङ बिन्‍दुप मे ताङ तुसोककी तुता ति नाम्‍साङ मोतोरी। मिरा चोकी ती सेम्‍ज्‍येन ताङ तीकी कुला ताङ्‍देन क्‍यानी तीकी मिङ वोतुप लज्‍युर टली लोला ग्‍यप वे, तिवाला ङ्‍यी ताङ नुप्‍ज्‍या नाम्‍साङ ङासोप मेङ्‍येवी।”

ज्‍यल्‍का 14:11 Iomraidhean Croise

मत्ती 11:28

ओ दुक्‍पा ताङ दुङल खुर्नी सेमला येन छ्‍येतुपतिवा, ख्‍यिराङ तेरी ङे ते शोक। तमा ङ ख्‍यिराङला ङप्‍सु तेरिन।

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

मत्ती 25:46

तुक क्‍यानी तिवा नाम्‍साङ मिसिन्‍दुप ङ्‍येलाला लुम्‍गिवी, तमा कोन्‍छ्‍योककी थोङ्‍दाङला टेङ्‍बु वोतुपतिवाला ति नाम्‍साङ मिशिवु मिजी थोप्‍किवी।”

हिब्रू 1:8

यिने पुज्‍युङकी कोर्ला ति खोकी दुक सुङ्‍सुङ, “ओ कोन्‍छ्‍योक, चोवोकी ग्‍येल्‍ठिक ति नरीकी नरी लुकिवी। चोवोकी टेङ्‍बु क्‍यानी ग्‍येला क्‍या नङ्‍गिवी।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 13:12

तीकी गोमाला थेन्‍दुप सेम्‍ज्‍येनकी छापला तेरी ओङ्‍ज्‍येन किनोक। तमा जम्‍बुलिङ ताङ जम्‍बुलिङकी मीतिवाला साङ तीला तेन ज्‍यिकिनोक। ती सेम्‍ज्‍येन ति गोला म थेन्‍दुप सेम्‍ज्‍येन यिनोक।

ज्‍यल्‍का 13:15

ती गोमी सेम्‍ज्‍येनकी कु तीकी ताम्‍ङे लप्‍शी, तमा ती कुला मेतेन्‍दुप मीतिवा तेरी सेशी सिनी ती कुला उ लुकुप ओङ साङ सेम्‍ज्‍येन ङ्‍यिवाला बिन्‍नोक।

ज्‍यल्‍का 13:17

ती लज्‍युर ति ग्‍येम्‍छो नाङ ने थेन्‍दुप सेम्‍ज्‍येनकी मिङ याङ्‍ना तीकी मिङ छ्‍या देन्‍दुप अङ्‍टङ यिन। ती लज्‍युर माग्‍यपुपतिवा ति सु साङ चोङ्‍गुप ताङ ङ्‍योप मेङ्‍येवु च्‍युङ्‍सुङ।

ज्‍यल्‍का 14:9

येलुङ देवाच्‍येनकी लेन क्‍योलुप मी सुम्‍बा तीकी कशेन थोर ग्‍यप्‍नी तिवी तिङ तिङ्ला दुक सियी लेसुङ। “चुका मी तीकी ती सेम्‍ज्‍येन ताङ तीकी कुला तेन्‍नी टला याङ्‍ना लाक्‍पाला तीकी लज्‍युर ग्‍यप वे,

ज्‍यल्‍का 18:18

ती ग्‍येसा ग्‍येर्पु छिक्‍नी तुता थेन्‍दुप थोङ्‍सिमा “ती ग्‍येसा ग्‍येर्पु दोके याङ यम्‍बा चुका ति वोतुप्‍जा।” सिनी वोरु देन्‍गिवी।

ज्‍यल्‍का 18:9

ती ग्‍येसा छिकुप तुता थोङ्‍नी तीकी मुला शम्‍डेन कितुप ताङ तिवी मुला गा ताङ किर्मु कितुप जम्‍बुलिङकी ग्‍येल्‍वुतिवा सेम्‍दुक लानी ङुप्‍राङ किवी।

ज्‍यल्‍का 19:3

येलुङ तिवी थोर ग्‍यप्‍नी, “हल्‍लेलूयाह! ती ग्‍येसा ग्‍येर्पु ना गलुप तुता ति नरीकी नरी येर केला डिवी।” सिनी सिक्‍यासुङ।

ज्‍यल्‍का 20:10

तमा तिवाला लुतुप डे ति मे ताङ तुसोक कशेन वोतुप चो दोके वोतुप ते क्‍युर्सुङ। ते ती सेम्‍ज्‍येन ताङ लुङ्‍तेम्‍बा मेटेङ्‍बुतिवा गोमाला के क्‍युर्नी नोक। ते तिवी ङ्‍यी ताङ नुप्‍ज्‍या नरीकी नरी छेटाङ खुर्किवी।

ज्‍यल्‍का 22:5

ते नाम्‍साङ नाम मोल्‍होनोक। तिवाला दिप्‍ली ताङ ङ्‍यिमी वो साङ मोगोनोक। च्‍यिलासिसिन चोवो कोन्‍छ्‍योक ति तिवी थोक्‍ला वोसिर यिनोक। ते तिवी नरीकी नरी ग्‍येला किनोक।

ज्‍यल्‍का 7:12

“आमिन! सोवा ताङ मोवा ताङ रिक्‍पा ताङ थुचिछे ताङ ताङ्‍देन ताङ ओङ ताङ ङार ति नरीकी नरी ज्‍युवु दाक्‍पी कोन्‍छ्‍योककी तिराङ यिन। आमिन!”