ज्‍यल्‍का 13:6 - कोन्छ्‌योककी सुङ

⁶ तमा तीकी ख पेनी कोन्‍छ्‍योकला मारे ताङ्‍नी खोकी मिङ ताङ खो ज्‍युवु दासा ताङ देवाच्‍येनला वोतुपतिवा तेरीला मारे तोङ्‍गुप छाल्‍सुङ।

ज्‍यल्‍का 13:6 Iomraidhean Croise

मत्ती 12:34

ओ दुक्‍टाकी गिपातिवा! ख्‍यिराङ सेम दुक्‍टा वे, चुक क्‍यानी ताम्‍ङे ल्‍यामु कि थुप्‍किवी? च्‍यिलासिसिन सेमला काङ क्‍येङ नोके, ती ति ख नेमा लप्‍किवी।

मत्ती 15:19

च्‍यिलासिसिन सेम नेमा नासाम दुक्‍टा थेन्‍गिवी। तिवा ति मी सेतुप ताङ शम्‍डेन कितुप ताङ छ्‍येवु छ्‍येमु कितुप ताङ कुन कितुप ताङ पङ्‍बु मेटेङ्‍बु तेरुप ताङ मीला मारे तोङ्‍गुप यिन।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

रोमी 3:13

“तिवी ख नेमा मी सेतुप ताम्‍ङे मेलोवा लप्‍किवी, तमा तिवी मीला जिनोक जोप ताम्‍ङे किवी।” “तुक क्‍यानी तिवी ख नेमा लापुप ताम्‍ङे ति रुलकी च्‍येलाकला वोतुप तुक दोके छासे मेलोवा वे।”

कलस्सी 1:19

कोन्‍छ्‍योककी नोवाकी राङ ख्रीष्‍ट ति खो ताङ च्‍यिक्‍पा राङ क्‍यानी ज्‍युवु गा लासुङ।

कलस्सी 2:9

च्‍यिलासिसिन कोन्‍छ्‍योकला वोतुप तेरी छाछिङी ति ख्रीष्‍टकी मुला राङ ज्‍यु वे।

हिब्रू 9:2

ती चाङ्‍मा वोतुप कुरकी नाङ्‍ला जे ङ्‍यी नोक। फीकी जेकी नाङ्‍ला ति मेलाङ ताङ च्‍योक्‍ची ताङ ती च्‍योक्‍ची खला कोन्‍छ्‍योकला पुलुप शुब्‍ज्‍याङतिवा नोक। ती जेला ति चाङ्‍मा वोतुप दासा सिनोक।

हिब्रू 9:24

तुक क्‍यानी ख्रीष्‍ट याङ मी लाक्‍पी जोवु चाङ्‍मा वोतुप कुरकी नाङ्‍ला फेवु मिन, ती कुर ति देवाच्‍येनकी कुर नेसुर पेशुवु तिराङ यिन। यिने खो ती देवाच्‍येनला राङ फेप्‍सिमा दाक्‍पी छ्‍योकला कोन्‍छ्‍योककी थोङ्‍दाङला ज्‍यु वे।

ज्‍यल्‍का 11:12

तमा देवाच्‍येन नेमा कशेन थोर ग्‍यप्‍नी “दे केला शोक।” सिक्‍यावु ति ती पङ्‍बु तेरुप मिरा ङ्‍यीतिवी थोसुङ। तमा तिवी डतिवी ल्‍हयी ल्‍हयी तिवा मुक्‍पी पर्ने केला देवाच्‍येन ने गाल्‍सुङ।

ज्‍यल्‍का 12:12

ती तप्‍की ओ देवाच्‍येन ताङ देवाच्‍येनला वोतुपतिवा, ख्‍यिराङ कशेन गा की। यिने जम्‍बुलिङ ताङ ग्‍येम्‍छोला वोतुपतिवाला छासे ज्‍यिवा यिन। च्‍यिलासिसिन खुरुङ ना डोप तुजे अला मे सिरुप हाक्‍कोनी शैतान ति छासे ङ्‍यिर्मु कोक्‍पु लानी ख्‍यिराङ जम्‍बुलिङला वोतुपतिवी पर्ला गाल वे।”

ज्‍यल्‍का 15:5

ती ज्‍युक्‍ला येलुङ ङे देवाच्‍येनला वोतुप कोन्‍छ्‍योककी ल्‍हङाङकी गो ति पेतुप थोङ्‍सुङ। ती ल्‍हङाङ ति इस्राएलकी मीतिवा दासा पाङ्‍थेरीला वोतुप पेला कोन्‍छ्‍योककी मोशाला नङ्‍गुप चाङ्‍मा वोतुप पङ्‍बुकी कुर यिन।

ज्‍यल्‍का 18:20

ओ देवाच्‍येनला वोतुपतिवा ताङ तेपा कितुपतिवा ताङ लोमा छ्‍येतिवा ताङ लुङ्‍तेम्‍बातिवा, ख्‍यिराङ गा की! च्‍यिलासिसिन तीकी ख्‍यिराङला चुक क्‍यावे, कोन्‍छ्‍योककी तीला साङ तुकै राङ क्‍यानी ठिम क्‍या नाङ्‍सुङ।” सिनी वोरु तेन्‍सुङ।

ज्‍यल्‍का 21:3

ती ज्‍युक्‍ला ग्‍येल्‍ठिक नेमा दुक सिनी वोरु थोर ग्‍यपुप ति ङे थोसुङ, “ल्‍होसा, तफेन्‍ला कोन्‍छ्‍योककी देसा ति मीतिवी मुला गिवी। तमा खो मीतिवी मुला ज्‍युकिवी। मीतिवा खोकी गिपा च्‍युङ्‍गिवी। खो खुरुङ मीतिवी मुला ज्‍युकिवी, तमा खो ति तिवी कोन्‍छ्‍योक च्‍युङ्‍गिवी।

ज्‍यल्‍का 4:1

ती ज्‍युक्‍ला ङे ल्‍हासालेन्‍सिन देवाच्‍येनला गो च्‍यिक वोतुप थोङ्‍सुङ। ती गो ति तङी नोक। थल्‍माला ङे थोवु ग्‍येलिङ पुवु दोके वोरु तीकी ङला “दे केला शोक। ज्‍युक्‍ला चुका चुका ताम्‍ङेतिवा च्‍युङ्‍गिवी, ती ति ङ ख्‍युरुङला लपिन।” सिनी सुङ्‍सुङ।

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।

ज्‍यल्‍का 5:13

तमा देवाच्‍येनला वोतुप तेरी ताङ जम्‍बुलिङला वोतुप तेरी ताङ जम्‍बुलिङकी वोक्‍ला वोतुप तेरी ताङ ग्‍येम्‍छोला वोतुप उ वोतुप सेम्‍ज्‍येन थम्‍ज्‍येनतिवी दुक सिक्‍यावु ति ङे थोसुङ, “ग्‍येल्‍ठिकला ज्‍यु वोतुप कोन्‍छ्‍योक ताङ लुक रुकला सोवा ताङ ताङ्‍देन ताङ मोवा ताङ ओङ्‍ज्‍येन ति नरीकी नरी वुङ्‍शी।”

ज्‍यल्‍का 7:15

तुक क्‍यानी तिवा कोन्‍छ्‍योककी ग्‍येल्‍ठिककी चिप्‍ला वे। तिवा ङ्‍यी ताङ नुप्‍ज्‍या खोकी ल्‍हङाङला देनी खोला शब्‍ज्‍यी बुल्‍गिवी। तमा ग्‍येल्‍ठिकला ज्‍यु वोतुप तीकी तिवी मुला ज्‍युनी तिवाला र्‍होक्‍टे किवी।

ज्‍यल्‍का 7:9

ती ज्‍युक्‍ला ङे ल्‍हासालेन्‍सिन ङोनी साङ ङो मुथुपुप मी माङ्‍छ्‍योक जोम्‍नी नोक। तिवा ति तेरी लुङ्‍बा ताङ गिपा ताङ मिरिक ताङ ग्‍येताम कुतुक कुतुक लपुप मी माङ्‍छ्‍योक यिनोक। तमा तिवा ग्‍येल्‍ठिक ताङ लुक रुककी दोङ्‍ला मज्‍या कर्मु कोन्‍नी लकला खजूरकी येल्‍का खुर्नी लानी देन्‍नोक।