ज्‍यल्‍का 13:4 - कोन्छ्‌योककी सुङ

⁴ ती डुक तीकी खोरो ओङ्‍ज्‍येन ति ती सेम्‍ज्‍येन तीला बिन्‍दुप तप्‍की मीतिवी ती डुक तीला तेन्‍गिनोक। तमा तिवी “दी सेम्‍ज्‍येन दोके याङ यम्‍बा काङ साङ मे। दीकी तेन्‍दोकला सी थमु ग्‍यक थुप्‍किवी रो?” सिनी तीला तेन्‍दुप छाल्‍सुङ।

ज्‍यल्‍का 13:4 Iomraidhean Croise

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

२ थेसलोनिकी 2:4

ती ना तोङ्‍गुप दुक्‍टाकी गिपा तीकी मीतिवी सोवा देकुपला जोवु तेरी च्‍यालकतिवाला तेन्‍दुप ताङ कोन्‍छ्‍योक दोके जोनी खो ज्‍यु वोतुप दासा चाङ्‍माला देनी खुरुङ राङ कोन्‍छ्‍योक यिन सिनी खोकी तेन्‍दोकला लङ्‍गिवी।

ज्‍यल्‍का 12:3

येलुङ ङे देवाच्‍येनला यम्‍बा त च्‍यिक साङ थोङ्‍सुङ। ती ति गो दिन ताङ अर्क्योक च्‍यिथम्‍बा वोतुप डुक मर्वु बोम्‍बु यी नोक। तीकी गो रे रेला ग्‍येल्‍वी उशाक रे रे कोन्‍नी नोक।

ज्‍यल्‍का 12:4

तीकी ङमा थ्‍वोनी नामगी कर्मा छो सुमला छो च्‍यिक ति रुनी जम्‍बुलिङला क्‍युर्सुङ। तमा ती पुम्‍पेजाला आङा केलुङ्‍मे ती आङाला मिता तोङ्‍गुप सिनी ती ति आङा क्‍येप छलुप पुम्‍पेजी चिप्‍ला गुनी देसुङ।

ज्‍यल्‍का 13:11

तमा येलुङ से दिङ ने यम्‍बा सेम्‍ज्‍येन यी साङ थेन्‍दुप ति ङे थोङ्‍सुङ। ती सेम्‍ज्‍येन ति लुक रुककी दोके अर्क्योक ङ्‍यी वोतुप नोक। तमा तीकी वोरु ति डुककी वोरु दोके तेन्‍नी ताम्‍ङे लप्‍किनोक।

ज्‍यल्‍का 13:15

ती गोमी सेम्‍ज्‍येनकी कु तीकी ताम्‍ङे लप्‍शी, तमा ती कुला मेतेन्‍दुप मीतिवा तेरी सेशी सिनी ती कुला उ लुकुप ओङ साङ सेम्‍ज्‍येन ङ्‍यिवाला बिन्‍नोक।

ज्‍यल्‍का 13:2

तीकी जु ति जिक दोके नोक। तमा तीकी काङ्‍बातिवा तोमकी काङ्‍बा दोके ताङ ख ति सेङ्‍गी ख दोके नोक। ती डुक तीकी खोरो ङार ताङ ग्‍येल्‍ठिक ताङ ओङ्‍ज्‍येन ग्‍येर्पु ति ती सेम्‍ज्‍येन तीला बिन्‍सुङ।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 18:18

ती ग्‍येसा ग्‍येर्पु छिक्‍नी तुता थेन्‍दुप थोङ्‍सिमा “ती ग्‍येसा ग्‍येर्पु दोके याङ यम्‍बा चुका ति वोतुप्‍जा।” सिनी वोरु देन्‍गिवी।

ज्‍यल्‍का 9:20

दुका छेटाङ नेसुर मासेनी लुवु मीतिवी खोप्‍रे लाक्‍पी क्‍यावु लाका नेसुर सेम माग्‍युर्नोक। तमा तिवी डेतिवाला तेन्‍दुप ताङ, सेर ताङ ङुल ताङ सेर्मु ताङ दो ताङ शिङगी कुला तेन्‍दुप क्‍युर्नी माज्‍याक। तिवा ति थोङ्‍गुप साङ मोथोङ्‍गुप ताङ थो साङ मुथुपुप ताङ युक साङ मुथुपुप यिन।