ज्‍यल्‍का 13:15 - कोन्छ्‌योककी सुङ

¹⁵ ती गोमी सेम्‍ज्‍येनकी कु तीकी ताम्‍ङे लप्‍शी, तमा ती कुला मेतेन्‍दुप मीतिवा तेरी सेशी सिनी ती कुला उ लुकुप ओङ साङ सेम्‍ज्‍येन ङ्‍यिवाला बिन्‍नोक।

ज्‍यल्‍का 13:15 Iomraidhean Croise

याकूब 2:26

तुक क्‍यानी उ मेतुप जु ती शेप दोके, लाका मेतुप तेपा साङ शेप यिन।

ज्‍यल्‍का 13:1

तमा येलुङ ग्‍येम्‍छो नाङ ने सेम्‍ज्‍येन च्‍यिक थेन्‍दुप ति ङे थोङ्‍सुङ। तीकी ति अर्क्योक च्‍यिथम्‍बा ताङ गो दिन चोके नोक। तमा अर्क्योक रे रेला ग्‍येल्‍वी उशाक कोन्‍नोक। तमा ती गो रे रेला कोन्‍छ्‍योकला मारे तोङ्‍गुप मिङ टिनी नोक।

ज्‍यल्‍का 13:12

तीकी गोमाला थेन्‍दुप सेम्‍ज्‍येनकी छापला तेरी ओङ्‍ज्‍येन किनोक। तमा जम्‍बुलिङ ताङ जम्‍बुलिङकी मीतिवाला साङ तीला तेन ज्‍यिकिनोक। ती सेम्‍ज्‍येन ति गोला म थेन्‍दुप सेम्‍ज्‍येन यिनोक।

ज्‍यल्‍का 13:14

गोमाला थेन्‍दुप सेम्‍ज्‍येनकी छापला बिन्‍दुप ती ओङ्‍ज्‍येन नेसुर त छ्‍या तेन्‍सिमा जम्‍बुलिङकी मीतिवाला तीकी जिनोक जोसुङ। तमा तीकी गोला म थेन्‍सिनाङ टेकुप सेम्‍ज्‍येन तीला मी तेरीकी तेन ज्‍यितुपला मीतिवाला तीकी कु जो सिनी क बिन्‍सुङ।

ज्‍यल्‍का 14:11

तिवाला छेटाङ बिन्‍दुप मे ताङ तुसोककी तुता ति नाम्‍साङ मोतोरी। मिरा चोकी ती सेम्‍ज्‍येन ताङ तीकी कुला ताङ्‍देन क्‍यानी तीकी मिङ वोतुप लज्‍युर टली लोला ग्‍यप वे, तिवाला ङ्‍यी ताङ नुप्‍ज्‍या नाम्‍साङ ङासोप मेङ्‍येवी।”

ज्‍यल्‍का 14:9

येलुङ देवाच्‍येनकी लेन क्‍योलुप मी सुम्‍बा तीकी कशेन थोर ग्‍यप्‍नी तिवी तिङ तिङ्ला दुक सियी लेसुङ। “चुका मी तीकी ती सेम्‍ज्‍येन ताङ तीकी कुला तेन्‍नी टला याङ्‍ना लाक्‍पाला तीकी लज्‍युर ग्‍यप वे,

ज्‍यल्‍का 16:2

तमा देवाच्‍येनकी लेन क्‍योलुप थु तङ्‍बु ति लानी खोरो कोरा ति जम्‍बुलिङला पुसुङ। तीकी जोसालेन्‍सिन सेम्‍ज्‍येनकी लज्‍युर वोतुप ताङ तीकी कुला तेन्‍दुप मीतिवा तेरीकी जुला छासे सुक मेलोवा वोतुप कुर्मुतिवा थेन्‍सुङ।

ज्‍यल्‍का 16:5

तुक राङ क्‍यानी छ्‍युला ओङ्‍ज्‍येन कितुप लेन क्‍योलुप थु तीकी दुक सिक्‍यावु ति ङे थोसुङ। “ओ थल्‍माला ज्‍यु वोतुप ताङ तन्‍दा सेक नरी लुवु चाङ्मा वोतुप चोवो कोन्‍छ्‍योक, चोवोकी दी ठिम क्‍या नङ्‍गुप ति छासे टेके यिन।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 17:17

च्‍यिलासिसिन कोन्‍छ्‍योककी खोरे सुङ तेरी माछेवा सेक्‍ला ती सेम्‍ज्‍येनतिवा सेम च्‍यिक राङ च्‍युङ्‍नी ग्‍येला कितुप ओङ ति तेरी ती सेम्‍ज्‍येनला नाङ वे।

ज्‍यल्‍का 17:6

ती पुम्‍पेजा ति येशूला तेपा कितुप मीतिवा ताङ खोकी थोक्‍ला पङ्‍बु तेरुप मीतिवाला सेतुप ठक थुनी जिन वोतुप ति ङे थोङ्‍सुङ। तीला थोङ्‍सिमा ङला छासे हलेवा लासुङ।

ज्‍यल्‍का 18:20

ओ देवाच्‍येनला वोतुपतिवा ताङ तेपा कितुपतिवा ताङ लोमा छ्‍येतिवा ताङ लुङ्‍तेम्‍बातिवा, ख्‍यिराङ गा की! च्‍यिलासिसिन तीकी ख्‍यिराङला चुक क्‍यावे, कोन्‍छ्‍योककी तीला साङ तुकै राङ क्‍यानी ठिम क्‍या नाङ्‍सुङ।” सिनी वोरु तेन्‍सुङ।

ज्‍यल्‍का 18:24

तमा कोन्‍छ्‍योककी लुङ्‍तेम्‍बातिवाला सेनी ठक तेन्‍दुप ताङ तेपा कितुपतिवाला साङ सेनी ठक तेन्‍दुप ताङ जम्‍बुलिङकी मी तेरीला सेनी ठक तेन्‍दुप ति ती ग्‍येसा नेमा राङ थोङ्‍गुप तप्‍की यिन।” सिनी सिक्‍यासुङ।

ज्‍यल्‍का 19:20

ते ती सेम्‍ज्‍येन ताङ तीकी दोङ्‍ला हलेवु ततिवा छ्‍या देन्‍दुप लुङ्‍तेम्‍बा मेटेङ्‍बु ङ्‍यिकरला जिम्‍सुङ। ती लुङ्‍तेम्‍बा तीकी हलेवु ततिवा छ्‍या तेन्‍नी मीतिवाला ती सेम्‍ज्‍येनकी लज्‍युर ग्‍यक ज्‍यितुप ताङ कुला तेन ज्‍यितुपला लुनोक। तुक क्‍यानी तिवा ङ्‍यिकरला सेन्‍बु राङ मे कशेन बरुप तुसोककी चो दोके वोतुप ते क्‍युर्सुङ।

ज्‍यल्‍का 20:4

येलुङ गेल्‍ठिकतिवा ताङ तिवी खला देतुपतिवाला ङे थोङ्‍सुङ। तिवाला ठिम कितुप ओङ बिन नोक। ते येशूकी कोर्ला पङ्‍बु बिन्‍दुप थोक्‍ला ताङ कोन्‍छ्‍योककी सुङगी थोक्‍ला सेतुपतिवी नम्‍शिङ साङ ङे थोङ्‍सुङ। तिवा ति सेम्‍ज्‍येन ताङ तीकी कुतिवाला सोवा मेदेकुप ताङ ती सेम्‍ज्‍येनकी लज्‍युर टला याङ्‍ना लाक्‍पी लोला मग्‍यपुपतिवा यिन। तिवा येलुङ सेन्‍बु लानी ख्रीष्‍ट ताङ मुला राङ लो तोङ्‍डा च्‍यिक ग्‍येला क्‍यासुङ।