ज्‍यल्‍का 13:13 - कोन्छ्‌योककी सुङ

¹³ तमा तीकी मीतिवी थोङ्‍दाङला नाम नेमा जम्‍बुलिङला मे क्‍युरुप हलेवु त ग्‍येर्पु ग्‍येर्पुतिवा साङ छ्‍या तेन्‍सुङ।

ज्‍यल्‍का 13:13 Iomraidhean Croise

मत्ती 16:1

ती ज्‍युक्‍ला फरिसीतिवा ताङ सदुकीतिवा येशूला खोक्‍पा ल्‍हापला खोकी चाला वानी, “दोजो ख्‍युरुङ कोन्‍छ्‍योक नेमा वावु यिन्‍सिन ङ्‍यिराङला त च्‍यिक छ्‍या तेन।” सिनी सिक्‍यासुङ।

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मर्कूस 13:22

तुका ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वुङ्‍गिवी, तमा तिवी ततिवा ताङ हलेवु लाकातिवा छ्‍या तेन्‍नी अछ्‍योता सेक कोन्‍छ्‍योककी पेतुपतिवाला लुतुप छोल्‍गिवी।

२ तिमोथी 3:8

यान्‍नेस ताङ याम्‍ब्रेस मोशाकी तेन्‍दोकला लावु दोके ती मीतिवा साङ टेङ्‍बु वोतुप कोन्‍छ्‍योककी तेन्‍दोकला लङ्‍गिवी। तमा तिवी सेम ति मेलोक्‍पा गलुप ताङ तिवी क्‍यावु तेपा ति टेङ्‍बु मेतुप गिवी।

ज्‍यल्‍का 11:5

दोजो मी ललाइकी तिवाला ना तोङ्‍गुप नो क्‍यासिनाङ तिवी ख नेसुर थेन्‍दुप मेकी तिवी डतिवाला ना तोङ्‍गिवी। तमा सी तिवाला ना तोङ्‍गुप नोकिवे, तिवाला तुक राङ क्‍यानी सेकिवी।

ज्‍यल्‍का 16:14

तिवा ति हलेवु त छ्‍या देन्‍दुप डेकी थुतिवा यिनोक। तिवा ङार छ्‍येवु कोन्‍छ्‍योक ताङ मुला मक ग्‍यकुपला जम्‍बुलिङकी ग्‍येल्‍वुतिवा तेरीकी ते गल्‍नी दासा च्‍यिकला जोम्‍गिवी। ती मक ग्‍यकुप तुजे ति कोन्‍छ्‍योककी ठिम क्‍या नङ्‍गुप तुजे ग्‍येर्पु यिन।

ज्‍यल्‍का 19:20

ते ती सेम्‍ज्‍येन ताङ तीकी दोङ्‍ला हलेवु ततिवा छ्‍या देन्‍दुप लुङ्‍तेम्‍बा मेटेङ्‍बु ङ्‍यिकरला जिम्‍सुङ। ती लुङ्‍तेम्‍बा तीकी हलेवु ततिवा छ्‍या तेन्‍नी मीतिवाला ती सेम्‍ज्‍येनकी लज्‍युर ग्‍यक ज्‍यितुप ताङ कुला तेन ज्‍यितुपला लुनोक। तुक क्‍यानी तिवा ङ्‍यिकरला सेन्‍बु राङ मे कशेन बरुप तुसोककी चो दोके वोतुप ते क्‍युर्सुङ।

ज्‍यल्‍का 20:9

तिवा तेरी जम्‍बुलिङला गल्‍नी कोन्‍छ्‍योकला तेपा कितुप मीतिवा देतुप दासाकी गारी गुरीला ताङ खोकी ङ्‍यिङ्‍ज्‍ये क्‍या नङ्‍गुप ग्‍येसाला चुप्‍सुङ। यिने देवाच्‍येन नेमा मे क्‍युर्नी तिवा तेरी ना गाल्‍सुङ।