ज्यल्का 13:12 - कोन्छ्योककी सुङ12 तीकी गोमाला थेन्दुप सेम्ज्येनकी छापला तेरी ओङ्ज्येन किनोक। तमा जम्बुलिङ ताङ जम्बुलिङकी मीतिवाला साङ तीला तेन ज्यिकिनोक। ती सेम्ज्येन ति गोला म थेन्दुप सेम्ज्येन यिनोक। Faic an caibideil |
ज्यल्का 13:12
12 Iomraidhean Croise
ती ख्योरो थोङ्गुप सेम्ज्येन ति गोमाला सेन्बु वोतुप यिन, यिने तन्दा ति सेन्बु मे। ती याङ शाप मेतुप मुक्तुम तिङ्मु ने थेन्दुप छल वे। थेन्सिमा ती ति ना डिवी। जम्बुलिङ ज्येङ्गुप सिनाङ गोमाला नेज्यु मिजीकी थेप नाङ्ला मिङ माटि वोतुप जम्बुलिङकी मीतिवा ती सेम्ज्येनला थोङ्सिमा हलेवा किवी। च्यिलासिसिन ती सेम्ज्येन ति गोमाला सेन्बु वोतुप यिन, तन्दा ति सेन्बु मे, यिने ती ति ज्युक्ला थेन वुङ्गुप छल वे।
ते ती सेम्ज्येन ताङ तीकी दोङ्ला हलेवु ततिवा छ्या देन्दुप लुङ्तेम्बा मेटेङ्बु ङ्यिकरला जिम्सुङ। ती लुङ्तेम्बा तीकी हलेवु ततिवा छ्या तेन्नी मीतिवाला ती सेम्ज्येनकी लज्युर ग्यक ज्यितुप ताङ कुला तेन ज्यितुपला लुनोक। तुक क्यानी तिवा ङ्यिकरला सेन्बु राङ मे कशेन बरुप तुसोककी चो दोके वोतुप ते क्युर्सुङ।
येलुङ गेल्ठिकतिवा ताङ तिवी खला देतुपतिवाला ङे थोङ्सुङ। तिवाला ठिम कितुप ओङ बिन नोक। ते येशूकी कोर्ला पङ्बु बिन्दुप थोक्ला ताङ कोन्छ्योककी सुङगी थोक्ला सेतुपतिवी नम्शिङ साङ ङे थोङ्सुङ। तिवा ति सेम्ज्येन ताङ तीकी कुतिवाला सोवा मेदेकुप ताङ ती सेम्ज्येनकी लज्युर टला याङ्ना लाक्पी लोला मग्यपुपतिवा यिन। तिवा येलुङ सेन्बु लानी ख्रीष्ट ताङ मुला राङ लो तोङ्डा च्यिक ग्येला क्यासुङ।
Sanasan