ज्‍यल्‍का 13:1 - कोन्छ्‌योककी सुङ

¹ तमा येलुङ ग्‍येम्‍छो नाङ ने सेम्‍ज्‍येन च्‍यिक थेन्‍दुप ति ङे थोङ्‍सुङ। तीकी ति अर्क्योक च्‍यिथम्‍बा ताङ गो दिन चोके नोक। तमा अर्क्योक रे रेला ग्‍येल्‍वी उशाक कोन्‍नोक। तमा ती गो रे रेला कोन्‍छ्‍योकला मारे तोङ्‍गुप मिङ टिनी नोक।

ज्‍यल्‍का 13:1 Iomraidhean Croise

ज्‍यल्‍का 11:7

तमा ती पङ्‍बु तेरुप मिरा ङ्‍यीतिवी पङ्‍बु तेरुप लाकातिवा तेरी छेसिमा छासे तिङ्‍मु वोतुप मुक्‍तुम नेसुर सेम्‍ज्‍येन च्‍यिक थेन्‍गिवी। ती सेम्‍ज्‍येनकी तिवाला थमु ग्‍यप्‍नी तिवी खला ग्‍येल्‍नी तिवाला सेकिवी।

ज्‍यल्‍का 12:3

येलुङ ङे देवाच्‍येनला यम्‍बा त च्‍यिक साङ थोङ्‍सुङ। ती ति गो दिन ताङ अर्क्योक च्‍यिथम्‍बा वोतुप डुक मर्वु बोम्‍बु यी नोक। तीकी गो रे रेला ग्‍येल्‍वी उशाक रे रे कोन्‍नी नोक।

ज्‍यल्‍का 13:11

तमा येलुङ से दिङ ने यम्‍बा सेम्‍ज्‍येन यी साङ थेन्‍दुप ति ङे थोङ्‍सुङ। ती सेम्‍ज्‍येन ति लुक रुककी दोके अर्क्योक ङ्‍यी वोतुप नोक। तमा तीकी वोरु ति डुककी वोरु दोके तेन्‍नी ताम्‍ङे लप्‍किनोक।

ज्‍यल्‍का 13:14

गोमाला थेन्‍दुप सेम्‍ज्‍येनकी छापला बिन्‍दुप ती ओङ्‍ज्‍येन नेसुर त छ्‍या तेन्‍सिमा जम्‍बुलिङकी मीतिवाला तीकी जिनोक जोसुङ। तमा तीकी गोला म थेन्‍सिनाङ टेकुप सेम्‍ज्‍येन तीला मी तेरीकी तेन ज्‍यितुपला मीतिवाला तीकी कु जो सिनी क बिन्‍सुङ।

ज्‍यल्‍का 13:15

ती गोमी सेम्‍ज्‍येनकी कु तीकी ताम्‍ङे लप्‍शी, तमा ती कुला मेतेन्‍दुप मीतिवा तेरी सेशी सिनी ती कुला उ लुकुप ओङ साङ सेम्‍ज्‍येन ङ्‍यिवाला बिन्‍नोक।

ज्‍यल्‍का 15:2

येलुङ ते मे र्‍हेवु शेलकी ग्‍येम्‍छो दोके वोतुप ति ङे थोङ्‍सुङ। ती शेलकी ग्‍येम्‍छो गारीला सेम्‍ज्‍येन ताङ तीकी कु ताङ तीकी मिङकी अङ्‍टङ वोतुप तीला ग्‍येलुपतिवा तेरी लानी देन्‍नोक। तिवी लकला कोन्‍छ्‍योककी नङ्‍गुप डम्‍ङ्‍याङतिवा खुर्नी नोक।

ज्‍यल्‍का 16:13

ती ज्‍युक्‍ला ती डुक तीकी ख नेमा ताङ ती सेम्‍ज्‍येनकी ख नेमा ताङ लुङ्‍तेम्‍बा मेटेङ्‍बु तीकी ख नेमा बल्‍वा दोके वोतुप थु मेचेङ्‍गा सुम चोके थेन्‍दुप ति ङे थोङ्‍सुङ।

ज्‍यल्‍का 17:16

तमा ख्‍योरो थोङ्‍गुप ती अर्क्योक च्‍यिथम्‍बा ताङ सेम्‍ज्‍येन तीकी ती छ्‍येमु तीला ङ्‍यिङ्‍मर क्‍यानी तीकी मुला वोतुप तेरी ठोनी पेर्तुङ्‍बा जोसिमा तीकी श ति सेवी। तमा तीला मे नाङ्‍ला च्‍यिनी र्‍हेकिवी।

ज्‍यल्‍का 17:3

तमा देवाच्‍येनकी लेन क्‍योलुप थु तीकी ङला कोन्‍छ्‍योककी थु चाङ्‍माकी ओङला दासा पाङ्‍थेरीला टिसुङ। ते गो दिन ताङ अर्क्योक च्‍यिथम्‍बा वोतुप सेम्‍ज्‍येन मर्वु यीकी खला शेन्‍दुप पुम्‍पेजा यी नोक। ती सेम्‍ज्‍येनकी जुला ति कोन्‍छ्‍योकला मारे तोङ्‍गुप मिङ बङी टिनी नोक।

ज्‍यल्‍का 17:5

तीकी टली लोला छ्‍याकला वोतुप हाक्‍मोकोवु मिङ च्‍यिक टिनी नोक। ती मिङ ति “छ्‍येमुतिवा ताङ जम्‍बुलिङकी क्‍युक्‍टो लङ्‍गुपतिवी आमा बेबिलोन ग्‍येसा ग्‍येर्पु” सिक्‍यावु यिन।

ज्‍यल्‍का 19:19

तमा ती त कर्मी खला शेन्‍दुप ती ताङ खोकी मक्‍मीतिवी मुला मक ग्‍यकुपला ती सेम्‍ज्‍येन ताङ जम्‍बुलिङकी ग्‍येल्‍वुतिवा ताङ तीकी मक्‍मीतिवा तेरी जोम्‍बुप ति ङे थोङ्‍सुङ।