ज्‍यल्‍का 12:7 - कोन्छ्‌योककी सुङ

⁷ ती पेला देवाच्‍येनला मक ल्‍हासुङ। तमा मिखाएल सिरुप देवाच्‍येनकी लेन क्‍योलुप थु छ्‍ये ताङ तीकी मक्‍मीतिवी ती डुककी मुला मक ग्‍यप्‍सुङ। तमा डुक ताङ तीकी मक्‍मीतिवी साङ तिवी मुला मक ग्‍यप्‍सुङ।

ज्‍यल्‍का 12:7 Iomraidhean Croise

मत्ती 13:41

ती पेला ङ मी पुज्युङकी देवाच्‍येनकी लेन क्‍योलुप थुतिवा तोङ्‍गिवी, तमा तिवी मी यम्‍बाला दिक्‍पा कि ज्‍यितुप ताङ दुक्‍टा कितुपतिवा तेरीला खोरो ग्‍येल्‍खाप नेसुर पेनी दुम्‍गिवी।

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

मत्ती 24:31

ती पेला ङ मी पुज्‍युङकी ग्‍येलिङ पुतुप वोरु ताङ मुला ङे देवाच्‍येनकी लेन क्‍योलुप थुतिवा तोङ्‍गिवी। तमा तिवी जम्‍बुलिङ तेरी नेमा ङे पेतुप मीतिवाला जोम ज्‍यिकिवी।”

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

मत्ती 26:53

ङे पपाला गोङ्‍बा शुसिन खोकी तन्‍दा राङ मक्‍मी छो च्‍यिङ्‍ङी सिनाङ मङ देवाच्‍येनकी लेन क्‍योलुप थुतिवा ङे थोक्‍ला मोतोङ्‍गिवी सिनी ख्‍यिरा नासाम तोङ्‍गिवी?

२ कोरिन्थी 12:7

यिने ङे छासे हलेवु ताम्‍ङे थोङ्‍सुङ सिनी ङराङ यिन सिरुप नेसुर ग्‍येकुपला कोन्‍छ्‍योककी ङे जुला छेर्माङ सुकुप दोके छेटाङला ख्‍येल च्‍यिसुङ। ती छेटाङ ति शैतानकी लेन क्‍योलुप तीकी ख्‍येल च्‍यितुप यिन। तीकी ङला छासे सुक कि च्‍यिनी ङराङ यिन सिरुप नेसुर क्‍येक्‍सुङ।

एफिसी 6:12

च्‍यिलासिसिन दाक्‍पी ग्‍यकुप मक ति मी ताङ मुला मिन, यिने ओङ्‍ज्‍येन कितुपतिवा ताङ ङार वोतुपतिवा ताङ दी जम्‍बुलिङकी दुक्‍टाकी ङार ताङ देवाच्‍येनला वोतुप डेतिवी मुला यिन।

२ थेसलोनिकी 1:7

तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

हिब्रू 2:10

जम्‍बुलिङकी तेरी च्‍यालकतिवा कोन्‍छ्‍योककी राङ ज्‍ये नङ्‍गुप यिन। तमा तेरी च्‍यालकतिवा खोकी थोक्‍ला राङ वे। खोकी गिपातिवा बङीला खुरुङला वोतुप दोके मोवा ति गोतुपला येशूला छेटाङ खुर च्‍यिनी टेङ्‍बु जो नाङ्‍गुप ति कि राङ गोवु यिन। च्‍यिलासिसिन येशू ति तिवाला थर्वा नङ्‍गुपला लाम छ्‍या तेन्‍सुङ।

२ पत्रुस 2:4

देवाच्‍येनकी लेन क्‍योलुप थुतिवी दिक्‍पा क्‍यासिमा कोन्‍छ्‍योककी तिवा चुका तीला साङ माज्‍याक्‍नी ङ्‍येलाला क्‍युर्सुङ। तमा खोकी ठिम क्‍या नङ्‍गुप तुजे सेककी थोक्‍ला तिवाला ङ्‍येलाकी नक्‍तोमीला टानी ज्‍याक्‍सुङ।

यहूदा 1:9

देवाच्‍येनकी लेन क्‍योलुप थु छ्‍ये मिखाएलकी मोशाकी फुङ्‍बुकी कोर्ला शैतानकी मुला खाँदा कितुप पेला मिखाएलला ङ्‍यिर्मु लासिनाङ शैतानला क्‍येन माग्‍यप्‍नी “चोवोकी ख्‍युरुङला कप्‍क्‍येन नङ्‍गिवी।” तिराङ सिक्‍यासुङ।

ज्‍यल्‍का 12:8

यिने ती डुक ताङ तीकी मक्‍मीतिवा तेरी फम्‍नी तिवा देवाच्‍येनला देतुप दासा साङ माङ्‍ये।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 13:7

कोन्‍छ्‍योकला तेपा कितुप मीतिवी मुला थमु ग्‍यकुप ताङ तिवी खला ग्‍येलुप ओङ्‍ज्‍येन साङ कोन्‍छ्‍योककी तीला नाङ्‍सुङ। तमा तेरी गिपातिवा ताङ मीतिवा ताङ ग्‍येतामतिवा ताङ मिरिकतिवाला ग्‍येला कितुप ओङ साङ नाङ्‍सुङ।

ज्‍यल्‍का 20:2

तीकी ति तोङगी रुल यिन्‍दुप डुक तीला जिम्‍नी लो तोङ्‍डा च्‍यिककी थोक्‍ला टासुङ। ती डुक तीला डे याङ्‍ना शैतान साङ सिवी।