ज्‍यल्‍का 12:3 - कोन्छ्‌योककी सुङ

³ येलुङ ङे देवाच्‍येनला यम्‍बा त च्‍यिक साङ थोङ्‍सुङ। ती ति गो दिन ताङ अर्क्योक च्‍यिथम्‍बा वोतुप डुक मर्वु बोम्‍बु यी नोक। तीकी गो रे रेला ग्‍येल्‍वी उशाक रे रे कोन्‍नी नोक।

ज्‍यल्‍का 12:3 Iomraidhean Croise

ज्‍यल्‍का 12:1

तमा ङे देवाच्‍येनला हलेवु त च्‍यिक थोङ्‍सुङ। ती ति काङ यिन सिसिन पुम्‍पेजा मिरा च्‍यिककी मज्‍या कोन्‍दुप दोके ङ्‍यिमा कोन्‍नी नोक। तीकी काङ्‍बी वोक्‍ला उला नोक। तमा तीकी गोला ति कर्मा च्‍यिङ्‍ङी वोतुप उशाक कोन्‍नी नोक।

ज्‍यल्‍का 12:13

ती डुक तीकी खुरुङ जम्‍बुलिङला क्‍युरुप हाक्‍कोसिमा ती पुज्‍युङ क्‍येप पुम्‍पेजा तीला दुक्‍पा तेरुपला छाल्‍सुङ।

ज्‍यल्‍का 12:17

ती तप्‍की डुक ति मङ ङ्‍यिर्मु लानी यम्‍बा लुनी वोतुप पुम्‍पेजी गिपातिवाला थमु ग्‍यकुपला गाल्‍सुङ। ती पुम्‍पेजी गिपातिवा ति कोन्‍छ्‍योककी सुङला ङ्‍येन्‍दुप ताङ मीतिवाला येशूकी थोक्‍ला पङ्‍बु तेरुपतिवा यिन।

ज्‍यल्‍का 12:4

तीकी ङमा थ्‍वोनी नामगी कर्मा छो सुमला छो च्‍यिक ति रुनी जम्‍बुलिङला क्‍युर्सुङ। तमा ती पुम्‍पेजाला आङा केलुङ्‍मे ती आङाला मिता तोङ्‍गुप सिनी ती ति आङा क्‍येप छलुप पुम्‍पेजी चिप्‍ला गुनी देसुङ।

ज्‍यल्‍का 12:7

ती पेला देवाच्‍येनला मक ल्‍हासुङ। तमा मिखाएल सिरुप देवाच्‍येनकी लेन क्‍योलुप थु छ्‍ये ताङ तीकी मक्‍मीतिवी ती डुककी मुला मक ग्‍यप्‍सुङ। तमा डुक ताङ तीकी मक्‍मीतिवी साङ तिवी मुला मक ग्‍यप्‍सुङ।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 13:1

तमा येलुङ ग्‍येम्‍छो नाङ ने सेम्‍ज्‍येन च्‍यिक थेन्‍दुप ति ङे थोङ्‍सुङ। तीकी ति अर्क्योक च्‍यिथम्‍बा ताङ गो दिन चोके नोक। तमा अर्क्योक रे रेला ग्‍येल्‍वी उशाक कोन्‍नोक। तमा ती गो रे रेला कोन्‍छ्‍योकला मारे तोङ्‍गुप मिङ टिनी नोक।

ज्‍यल्‍का 13:2

तीकी जु ति जिक दोके नोक। तमा तीकी काङ्‍बातिवा तोमकी काङ्‍बा दोके ताङ ख ति सेङ्‍गी ख दोके नोक। ती डुक तीकी खोरो ङार ताङ ग्‍येल्‍ठिक ताङ ओङ्‍ज्‍येन ग्‍येर्पु ति ती सेम्‍ज्‍येन तीला बिन्‍सुङ।

ज्‍यल्‍का 13:4

ती डुक तीकी खोरो ओङ्‍ज्‍येन ति ती सेम्‍ज्‍येन तीला बिन्‍दुप तप्‍की मीतिवी ती डुक तीला तेन्‍गिनोक। तमा तिवी “दी सेम्‍ज्‍येन दोके याङ यम्‍बा काङ साङ मे। दीकी तेन्‍दोकला सी थमु ग्‍यक थुप्‍किवी रो?” सिनी तीला तेन्‍दुप छाल्‍सुङ।

ज्‍यल्‍का 15:1

येलुङ ङे देवाच्‍येनला हलेवु त ग्‍येर्पु यी थोङ्‍सुङ। ते देवाच्‍येनकी लेन क्‍योलुप थु मिरा दिनतिवी छेटाङ रे रे खुर्नोक। तिवा ति कोन्‍छ्‍योककी तिङ्‍मी छेटाङतिवा यिन। च्‍यिलासिसिन तिवा नेसुर राङ कोन्‍छ्‍योककी पर्च्याकी छेटाङ ति डुप्‍सुङ।

ज्‍यल्‍का 16:13

ती ज्‍युक्‍ला ती डुक तीकी ख नेमा ताङ ती सेम्‍ज्‍येनकी ख नेमा ताङ लुङ्‍तेम्‍बा मेटेङ्‍बु तीकी ख नेमा बल्‍वा दोके वोतुप थु मेचेङ्‍गा सुम चोके थेन्‍दुप ति ङे थोङ्‍सुङ।

ज्‍यल्‍का 17:12

ख्‍योरो थोङ्‍गुप ती अर्क्योक च्‍यिथम्‍बा ति ग्‍येल्‍वु च्‍यिथम्‍बातिवा यिन। तिवाला तन्‍दा सेक साङ ग्‍येल्‍वु कितुप ओङ माङ्‍ये वे, यिने तिवी ती सेम्‍ज्‍येनकी मुला चेयी पर सेक ग्‍येला कितुप ओङ्‍ज्‍येन ङ्‍येकिवी।

ज्‍यल्‍का 17:16

तमा ख्‍योरो थोङ्‍गुप ती अर्क्योक च्‍यिथम्‍बा ताङ सेम्‍ज्‍येन तीकी ती छ्‍येमु तीला ङ्‍यिङ्‍मर क्‍यानी तीकी मुला वोतुप तेरी ठोनी पेर्तुङ्‍बा जोसिमा तीकी श ति सेवी। तमा तीला मे नाङ्‍ला च्‍यिनी र्‍हेकिवी।

ज्‍यल्‍का 17:7

तमा ती देवाच्‍येनकी लेन क्‍योलुप थु तीकी ङला सिक्‍यासुङ, “ख्‍युरुङ च्‍यिला हलेवा किवी? ती पुम्‍पेजाकी तेन्‍दोक ताङ तीकी शेन्‍दुप गो दिन ताङ अर्क्योक च्‍यिथम्‍बा वोतुप सेम्‍ज्‍येनकी तेन्‍दोक ति ङ ख्‍युरुङला शेतिन।

ज्‍यल्‍का 19:12

खोकी मिक ति मे मेलाप दोके ताङ खोकी गोला उशाक बङी कोन्‍नी नोक। खोकी टली लोला मिङ च्‍यिक टिनी नोक। यिने ती मिङ ती खोला तिराङ छ्‍या नोक।

ज्‍यल्‍का 20:2

तीकी ति तोङगी रुल यिन्‍दुप डुक तीला जिम्‍नी लो तोङ्‍डा च्‍यिककी थोक्‍ला टासुङ। ती डुक तीला डे याङ्‍ना शैतान साङ सिवी।