ज्‍यल्‍का 12:11 - कोन्छ्‌योककी सुङ

¹¹ तेपा कितुप दाक्‍पी अच्‍युनुपतिवी थर्वा नङ्‍गुप लुक रुककी ठक ताङ कोन्‍छ्‍योककी कोर्ला पङ्‍बु बिन्‍दुप सुङ नेसुर तिवाला क्‍येन तेरुप शैतानकी खला ग्‍येलुप यिन। च्‍यिलासिसिन पङ्बु तेरुपला तिवा शिराङ गोसिनाङ खोप्‍रे जुकी थोक्‍ला पप माक्‍या।

ज्‍यल्‍का 12:11 Iomraidhean Croise

लूका 14:26

“सु ङे तिङ्‍ला तिङ्‍योकुप नो किवे, तीकी खोरो पपाआमा, पेजापेर्मी, अच्‍युनुप, अज्‍यीनुमतिवा ताङ खोरो मिजीला साङ ङला सिनाङ मङ ङ्‍यिङ्‍ज्‍ये किवी सिसिन ती ति ङे लोमा च्‍युङ मुथुपी।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

लोमा छ्‍येतिवी लाका 21:13

यिने पावलकी ङ्‍यिराङला “ख्‍यिराङ दुक क्‍यान ङुनी ङे सेम च्‍यिला मेलोवा जेवी? चोवो येशूकी मिङला ङ चोन्‍खाङला शोर्सिनाङ, यरूशलेमला शिराङ गोसिनाङ ङ डोयी।” सिनी सिक्‍यासुङ।

रोमी 16:20

तमा लोदिमु नङ्‍गुप कोन्‍छ्‍योककी ङमु राङ शैतानला ख्‍यिरा काङ्‍बी वोक्‍ला लेप ज्‍यिकिवी। दाक्‍पी चोवो येशू ख्रीष्‍टकी कटिन ति ख्‍यिरा मुला नरी लुशिता।

१ कोरिन्‍थी 15:57

यिने कोन्‍छ्‍योकला थुचिछे बुलिन, खोकी दाक्‍पुला चोवो येशू ख्रीष्‍ट नेसुर शेप ताङ दिक्‍पाकी खला ग्‍येलुप ओङ नङ्‍गिवी।

१ यूहन्‍ना 4:4

ङे आङातिवा, ख्‍यिराङ याङ कोन्‍छ्‍योककी पुज्‍युङपुमतिवा यिन। तुक क्‍यानी ख्‍यिराङ लुङ्‍तेम्‍बा मेटेङ्‍बुतिवी खला ग्‍येल वे। च्‍यिलासिसिन जम्‍बुलिङला वोतुपतिवी सिनाङ ख्‍यिरा सेमला वोतुप कोन्‍छ्‍योककी थु चाङ्‍मा ति चोछ्‍ये वे।

१ यूहन्‍ना 5:5

जम्‍बुलिङला ग्‍येलुप ति सु यिन सिसिन, येशू ति कोन्‍छ्‍योककी सेवु यिन सिनी तेपा कितुप तिराङ जम्‍बुलिङला ग्‍येलुप यिन।

ज्‍यल्‍का 1:2

तमा यूहन्‍नाकी खोरो थोङ्‍गुप कोन्‍छ्‍योककी सुङ ताङ येशू ख्रीष्‍टकी पङ्‍बु नङ्‍गुप ताम्‍ङेतिवा तेरी शेसुङ।

ज्‍यल्‍का 1:9

ङ यूहन्‍ना ति ख्‍यिराङ दोके येशू ख्रीष्‍टला तेपा कितुप अच्‍यु यिन। ङ साङ ख्‍यिरा मुला राङ खोकी ग्‍येल्‍खापला दे छ्‍योवु च्‍युङ्‍गुपला छेटाङ दुङल खुरुप ताङ हम क्‍यानी देनी वे। ङे कोन्‍छ्‍योककी सुङ ख्‍याप्‍टाक क्‍यावु ताङ येशू ख्रीष्‍टकी थोक्‍ला पङ्‍बु बिन्‍दुप तप्‍की छ्‍येर्पा बिन्‍नी ग्‍येम्‍छो पर्ला वोतुप पत्‍मोस सिरुप ग्‍येम्‍छो परकी स कम्‍बुला वोतुप पेला

ज्‍यल्‍का 11:7

तमा ती पङ्‍बु तेरुप मिरा ङ्‍यीतिवी पङ्‍बु तेरुप लाकातिवा तेरी छेसिमा छासे तिङ्‍मु वोतुप मुक्‍तुम नेसुर सेम्‍ज्‍येन च्‍यिक थेन्‍गिवी। ती सेम्‍ज्‍येनकी तिवाला थमु ग्‍यप्‍नी तिवी खला ग्‍येल्‍नी तिवाला सेकिवी।

ज्‍यल्‍का 12:17

ती तप्‍की डुक ति मङ ङ्‍यिर्मु लानी यम्‍बा लुनी वोतुप पुम्‍पेजी गिपातिवाला थमु ग्‍यकुपला गाल्‍सुङ। ती पुम्‍पेजी गिपातिवा ति कोन्‍छ्‍योककी सुङला ङ्‍येन्‍दुप ताङ मीतिवाला येशूकी थोक्‍ला पङ्‍बु तेरुपतिवा यिन।

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”

ज्‍यल्‍का 2:13

ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 2:17

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे। सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला छ्‍याकला वोतुप कोन्‍छ्‍योककी मन्‍न तेरिनो। तमा तीला ङ मिङ सम्‍बा टिवु दो कर्मु यी साङ तेरिनो। सुला ती दो ति थोप्‍किवे, तीकी तिराङ ती दोला टिवु मिङ ति हाक्‍कोकिवी।’”

ज्‍यल्‍का 2:26

सी शैतानकी ओङ्‍ज्‍येनला ग्‍येल्‍गिवे, सी ङ वुङ्‍दा सेक ङे नोवाला वोतुप ति तेरी क्‍यानी देकिवे, तीला ङे पपा कोन्‍छ्‍योककी ङला ओङ्‍ज्‍येन नङ्‍गुप दोके क्‍यानी ङ लुङ्‍बा लुङ्‍बाकी मीतिवी खला ग्‍येला कितुप ओङ्‍ज्‍येन तेरिनो।

ज्‍यल्‍का 2:7

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे, सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला कोन्‍छ्‍योककी ग्‍येल्‍खापकी दुम्‍डोकला वोतुप मिजीकी दोङ्‍बी डेलु स ज्‍यितिन। ती दोङ्‍बी डेलु साप तीला नाम्‍साङ मिशिवु मिजी थोप्‍किवी।’”

ज्‍यल्‍का 20:4

येलुङ गेल्‍ठिकतिवा ताङ तिवी खला देतुपतिवाला ङे थोङ्‍सुङ। तिवाला ठिम कितुप ओङ बिन नोक। ते येशूकी कोर्ला पङ्‍बु बिन्‍दुप थोक्‍ला ताङ कोन्‍छ्‍योककी सुङगी थोक्‍ला सेतुपतिवी नम्‍शिङ साङ ङे थोङ्‍सुङ। तिवा ति सेम्‍ज्‍येन ताङ तीकी कुतिवाला सोवा मेदेकुप ताङ ती सेम्‍ज्‍येनकी लज्‍युर टला याङ्‍ना लाक्‍पी लोला मग्‍यपुपतिवा यिन। तिवा येलुङ सेन्‍बु लानी ख्रीष्‍ट ताङ मुला राङ लो तोङ्‍डा च्‍यिक ग्‍येला क्‍यासुङ।

ज्‍यल्‍का 3:12

सी शैतानकी ओङ्‍ज्‍येनला ग्‍येल्‍गिवे, तीला ङ ङे कोन्‍छ्‍योककी ल्‍हङाङकी थोक्‍ला कज्‍यु दोके जोयिनो। ती कज्‍यु ति नरी ते राङ लुकितो। तमा ती कज्‍युला ङे कोन्‍छ्‍योककी मिङ ताङ यरूशलेम सम्‍बाकी मिङ साङ टिकिनो। ती यरूशलेम सम्‍बा ति ङे कोन्‍छ्‍योक ज्‍युवु देवाच्‍येन नेमा वुङ्‍गितो। तमा ती कज्‍युला ङे मिङ सम्‍बा टिकिनो।

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।

ज्‍यल्‍का 3:5

सी शैतानकी ओङ्‍ज्‍येन खला ग्‍येल्‍गिवे, तीकी मज्‍या कर्मु कोन्‍गिवी। तमा ङ तीकी मिङ ति नाम्‍साङ मिशिवु मिजीकी थेप नेसुर नाम्‍साङ मेसेतो। तमा तीला ङ ङे पपा कोन्‍छ्‍योक ताङ खोकी लेन क्‍योलुपतिवी चिप्‍ला ङे मी यिन सिनी सिरिनो।

ज्‍यल्‍का 6:9

येलुङ तीकी लज्‍युर ङवा ति तोल्‍सुङ। तमा ते छोठी वोक्‍ला कोन्‍छ्‍योककी सुङ ख्‍याप्‍टाक क्‍यावु ताङ खोकी थोक्‍ला पङ्‍बु बिन्‍दुप तप्‍की सेतुप मीतिवी नम्‍शिङतिवा वोतुप ति ङे थोङ्‍सुङ।