ज्‍यल्‍का 12:1 - कोन्छ्‌योककी सुङ

¹ तमा ङे देवाच्‍येनला हलेवु त च्‍यिक थोङ्‍सुङ। ती ति काङ यिन सिसिन पुम्‍पेजा मिरा च्‍यिककी मज्‍या कोन्‍दुप दोके ङ्‍यिमा कोन्‍नी नोक। तीकी काङ्‍बी वोक्‍ला उला नोक। तमा तीकी गोला ति कर्मा च्‍यिङ्‍ङी वोतुप उशाक कोन्‍नी नोक।

ज्‍यल्‍का 12:1 Iomraidhean Croise

मत्ती 12:38

तमा यहूदी छ्‍योकी गेकेनतिवा ताङ फरिसी छ्‍योक्‍पाकी मीतिवा ललाइ ललाइकी येशूला दुक सिक्‍यासुङ, “ओ गेकेन, गेकेनकी ङि्‍यराङला त च्‍यिक छ्‍या तेन्‍दुप ति ल्‍हाप नो वे।”

मत्ती 24:30

ती पेला राङ ङ मी पुज्‍युङ वुङ्‍गुप त ति नामला छ्‍या देन्‍गिवी, तमा जम्‍बुलिङकी तेरी मिरिककी मीतिवा ज्‍यिवा लानी ङुप्‍राङ कियी सिरा ङ मी पुज्‍युङ ओङ ताङ छासे मोवा थोप्‍नी मुक्‍पी खला वुङ्‍गुप ति थोङ्‍गिवी।

मर्कूस 13:25

कर्मातिवा नाम नेसुर लुम्‍गिवी, तमा नामला वोतुप ङारतिवा योकिवी।

लूका 21:11

तमा सयी ग्‍येर्पु ग्‍येर्पु ग्‍यकुप ताङ दासा दासाला ङ्‍यिमा मर्वु शरुप ताङ फेलुप नेजु मेलोक्‍पातिवा गिवितो। तमा नाम नेमा ज्‍यिवा लङ्‍गुप ताम्‍ङेतिवा ताङ हलेवु त ग्‍येर्पुतिवा छ्‍या देन्‍गितो।

लूका 21:25

“तमा ङ्‍यिमा ताङ उला ताङ कर्मातिवाला ततिवा गिवी। जम्‍बुलिङला ग्‍येम्‍छोकी टेक्‍च्‍या ताङ ज्‍यिवा लङ्‍गुप बालापकी जोसालेन्‍सिन मीतिवा पप लानी यर्मिन मर्मिन डिवी।

यूहन्‍ना 3:29

नमाला जेन्‍दी कितुप ति माक्‍पा यिन, यिने माक्‍पी क्‍योल्‍मिन ति माक्‍पी चाला लान देनी माक्‍पी वोरु थोसिमा छासे गा किवी। तुक राङ क्‍यानी ङला छासे गा ला वे।

लोमा छ्‍येतिवी लाका 2:19

येलुङ ङ येर नाम्‍खाला हलेवु लाकातिवा ताङ मर जम्‍बुलिङला ठक ताङ मे ताङ तुसोककी ततिवा छ्‍या देन्‍गितो।

रोमी 13:14

यिने ख्‍यिराङ काङ क्‍यासिनाङ चोवो येशू ख्रीष्‍टकी दोके की, तमा दिक्‍पा कितुप जुकी किताङ नालुला वोतुप नासाम मेलोवा मातोङ।

रोमी 3:22

ती कोन्‍छ्‍योक नेमा वावु टेङ्‍बु ति येशू ख्रीष्‍टला तेपा क्‍यासिमा मी तेरीला वुङ्‍गुप यिन। खोकी सुला साङ नाम्‍साङ ख्‍ये मेबेवी।

२ कोरिन्थी 11:2

ङ ति कोन्‍छ्‍योककी ख्‍यिराङला पप क्‍यावु दोके ख्‍यिरा थोक्‍ला छासे पप क्‍यानी ल्‍हटे किवी। च्‍यिलासिसिन ङे ख्‍यिराङला ख्रीष्‍टकी मुला जेन्‍दी कितुपला पुम्‍पेजा चाङ्‍मा दोके लङ्‍गुप यिनो। तमा ख्रीष्‍ट ति च्‍यिक राङ वोतुप ख्‍यिरा ख्‍योवा यिन।

गलाती 3:27

च्‍यिलासिसिन ख्‍यिराङ तेरी येशूकी मुला बप्‍तिस्‍मा लानी खो मुला राङ सेम च्‍यिक्‍पा राङ च्‍युङ्‍नी वे।

गलाती 4:26

यिने देवाच्‍येनला वोतुप यरूशलेमकी तेन्‍दोक ति योक्‍मु मिन, दाक्‍पी आमा यिन।

गलाती 6:14

यिने दाक्‍पी चोवो येशू ख्रीष्‍टकी ग्‍यङ्‍शिङकी कोर्ला मिसिन ङ यम्‍बा काङला साङ तेके मिकी। ख्रीष्‍ट नेसुर जम्‍बुलिङ ति ङे थोक्‍ला ताङ ङ ति जम्‍बुलिङकी थोक्‍ला ग्‍यङ्‍शिङला कलुप यिन।

एफिसी 5:32

दी ति छासे छ्‍याकला वोतुप ताम्‍ङे यिन। ङ ति दी ताम्‍ङे ख्रीष्‍ट ताङ चर्चकी तम्‍जीकी कोर्ला लपिन।

ज्‍यल्‍का 1:20

दी ङे लाक्‍पा यावाला थोङ्‍गुप कर्मा दिनकी तेन्‍दोक ताङ ती शाप च्‍यिक राङ वोतुप सेरकी मेलाङ दिनकी छ्‍याकला वोतुप तेन्‍दोक ति ङ ख्‍युरुङला सिरिन, कर्मा दिन ति चर्च दिनकी थोक्‍ला लेन क्‍योलुप देवाच्‍येनकी थुतिवा यिन। तमा मेलाङ दिन ति चर्च दिनतिवा यिन।”

ज्‍यल्‍का 11:19

तमा देवाच्‍येनला कोन्‍छ्‍योककी ल्‍हङाङ पेसिमा ती नाङ्‍ला खोकी थाक्‍छ्‍येन नङ्‍गुप तेर्गाम ति थोङ्‍सुङ। ते चिलाम ग्‍यपुप ताङ सम्‍डुक ग्‍यकुप वोरुतिवा थोसुङ। तमा सयी ग्‍यकुप ताङ सेर बोम्‍बु बोम्‍बुतिवा ग्‍यप्‍सुङ।

ज्‍यल्‍का 12:3

येलुङ ङे देवाच्‍येनला यम्‍बा त च्‍यिक साङ थोङ्‍सुङ। ती ति गो दिन ताङ अर्क्योक च्‍यिथम्‍बा वोतुप डुक मर्वु बोम्‍बु यी नोक। तीकी गो रे रेला ग्‍येल्‍वी उशाक रे रे कोन्‍नी नोक।

ज्‍यल्‍का 15:1

येलुङ ङे देवाच्‍येनला हलेवु त ग्‍येर्पु यी थोङ्‍सुङ। ते देवाच्‍येनकी लेन क्‍योलुप थु मिरा दिनतिवी छेटाङ रे रे खुर्नोक। तिवा ति कोन्‍छ्‍योककी तिङ्‍मी छेटाङतिवा यिन। च्‍यिलासिसिन तिवा नेसुर राङ कोन्‍छ्‍योककी पर्च्याकी छेटाङ ति डुप्‍सुङ।

ज्‍यल्‍का 21:14

ती ग्‍येसाकी दोकरला डम्‍ज्‍यी च्‍यिङ्‍ङी नोक। तमा ती खला लुक रुककी लोमा छ्‍ये मिरा च्‍यिङ्‍ङीकी मिङ टिनी नोक।

ज्‍यल्‍का 21:23

ती ग्‍येसा ति ठछ्‍येली जोपला ङ्‍यिमा उला काङ साङ मोगोनोक। च्‍यिलासिसिन कोन्‍छ्‍योककी मोवाकी राङ तेकी ग्‍येसा ति ठछ्‍येली डिनोक। तमा ते ठछ्‍येली जोप दिप्‍ली ति लुक रुक राङ यिनोक।