ज्‍यल्‍का 11:7 - कोन्छ्‌योककी सुङ

⁷ तमा ती पङ्‍बु तेरुप मिरा ङ्‍यीतिवी पङ्‍बु तेरुप लाकातिवा तेरी छेसिमा छासे तिङ्‍मु वोतुप मुक्‍तुम नेसुर सेम्‍ज्‍येन च्‍यिक थेन्‍गिवी। ती सेम्‍ज्‍येनकी तिवाला थमु ग्‍यप्‍नी तिवी खला ग्‍येल्‍नी तिवाला सेकिवी।

ज्‍यल्‍का 11:7 Iomraidhean Croise

लूका 13:32

तमा खोकी तिवाला सुङ्‍सुङ, “गल्‍नी ती च्‍यिप्‍च्‍याङ तीला दुक सी, ‘ङ हारिङ ताङ सला डेतिवा थेन्‍दुप ताङ नेर्पुतिवा टेक ज्‍यिकिवी, तमा ना ति ङे लाका तेरी सिन्‍दा किवी।’

लूका 8:31

डेतिवी खोरुङला ङ्‍येलाला मातोङ सिनी येशूला गोङ्‍बा शुसुङ।

यूहन्‍ना 17:4

पपी ङला कि च्‍यितुप लाका ति ङे तेरी सिन्‍दा क्‍यानी पपा छासे मोवा वोतुप ति दी जम्‍बुलिङकी मीतिवाला छ्‍या तेनिन।

यूहन्‍ना 19:30

खोकी ती गुन्‍डुम छ्‍याङ क्‍युर्वु ति चेयी च्‍यिप क्‍यासिमा, “त याङ ङे लाका तेरी सिन्‍सुङ।” सिनी सुङ्‍सुङ। तमा खोकी गो कुक क्‍यानी उ छ्‍येसुङ।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

२ तिमोथी 4:7

ख्रीष्‍टकी थोक्‍ला ङे कि गोवु लाकातिवा तेरी क्‍यानी सिन वे। त याङ ङे छ्‍योङ्‍बाल ग्‍यक गोवु लाका ति तेरी छेसुङ। ङे क्‍यावु तेपा साङ ङे र्‍होक्‍नी ज्‍यकिन।

ज्‍यल्‍का 11:3

तमा ङ मिरा ङ्‍यीला पङ्‍बु तेरुप ओङ बिन्‍नी तोङ्‍यिनो, तिवी भाङ्‍ग्रा कोन्‍नी ङ्‍यिमा तोङ्‍डा यी ताङ सयी ङ्‍यी ताङ खल टुक सेक नम्‍दर शेकितो।”

ज्‍यल्‍का 12:17

ती तप्‍की डुक ति मङ ङ्‍यिर्मु लानी यम्‍बा लुनी वोतुप पुम्‍पेजी गिपातिवाला थमु ग्‍यकुपला गाल्‍सुङ। ती पुम्‍पेजी गिपातिवा ति कोन्‍छ्‍योककी सुङला ङ्‍येन्‍दुप ताङ मीतिवाला येशूकी थोक्‍ला पङ्‍बु तेरुपतिवा यिन।

ज्‍यल्‍का 13:11

तमा येलुङ से दिङ ने यम्‍बा सेम्‍ज्‍येन यी साङ थेन्‍दुप ति ङे थोङ्‍सुङ। ती सेम्‍ज्‍येन ति लुक रुककी दोके अर्क्योक ङ्‍यी वोतुप नोक। तमा तीकी वोरु ति डुककी वोरु दोके तेन्‍नी ताम्‍ङे लप्‍किनोक।

ज्‍यल्‍का 13:7

कोन्‍छ्‍योकला तेपा कितुप मीतिवी मुला थमु ग्‍यकुप ताङ तिवी खला ग्‍येलुप ओङ्‍ज्‍येन साङ कोन्‍छ्‍योककी तीला नाङ्‍सुङ। तमा तेरी गिपातिवा ताङ मीतिवा ताङ ग्‍येतामतिवा ताङ मिरिकतिवाला ग्‍येला कितुप ओङ साङ नाङ्‍सुङ।