ज्‍यल्‍का 11:18 - कोन्छ्‌योककी सुङ

¹⁸ मिरिक कुतुक कुतुककी मीतिवी ङ्‍यिर्मु क्‍यासुङ, त चोवो ङ्‍यिर्मु कितुप तुजे ति छेसुङ। तमा शेपतिवाला ठिम कितुप तुजे साङ छेसुङ। तमा चोवोला शब्‍ज्‍यी कितुप लुङ्‍तेम्‍बातिवा ताङ तेपा कितुपतिवा ताङ चोवोला ज्‍यिवा कितुप छ्‍ये छ्‍युङा तेरीला छ्‍यक्‍तक तेरुप तुजे साङ छे वे। जम्‍बुलिङ ना तोङ्‍गुपतिवाला पर्च्या तोङ्‍गुप तुजे साङ छे वे।”

ज्‍यल्‍का 11:18 Iomraidhean Croise

मत्ती 5:12

ती पेला ख्‍यिराङ गा किसा, च्‍यिलासिसिन देवाच्‍येनला ख्‍यिराङला छ्‍यक्‍तक ग्‍येर्पु थोप्‍कितो। ख्‍यिराङ सिनाङ गोमाला वावु कोन्‍छ्‍योककी लुङ्‍तेम्‍बातिवाला साङ मीतिवी तुक राङ क्‍यानी छेटाङ बिन्‍सुङ।”

लूका 1:50

खोकी खुरुङला ज्‍यिवा कितुपतिवी गिपा तेरीला नरीकी थोक्‍ला च्‍यम्‍बा नङ्‍गिवी।

हिब्रू 9:27

मी ति थेङ्‍मा च्‍यिक वुतुङ के शिवी, शिसिमा तीला कोन्‍छ्‍योककी ठिम फोकिवी।

ज्‍यल्‍का 10:7

यिने देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुतुप तुजेला कोन्‍छ्‍योककी खोला शब्‍ज्‍यी कितुप लुङ्‍तेम्‍बातिवाला सुङ्‍गुप खोकी छ्‍याकला वोतुप ताम्‍ङेतिवा तेरी छेकिवी।”

ज्‍यल्‍का 11:2

यिने ल्‍हङाङ फिला वोतुप लेङाङ ति माताप, च्‍यिलासिसिन ती ति मिरिक कुतुक कुतुककी मीतिवाला बिन्‍दुप यिन। तिवी तीला ल खल ङ्‍यी ताङ ङ्‍यी सेक चाङ्‍मा वोतुप यरूशलेम ग्‍येसाकी लेप्‍नी ग्‍येला किवी।

ज्‍यल्‍का 13:10

“दोजो सु चोन्‍खाङला डो गोवु नोके, ती ति चोन्‍खाङला टिनी डिवी। दोजो सुला खुर्पा थ्‍वोनी से गोवु नोके, तीला खुर्पा थ्‍वोनी सेकिवी।” तीकी थोक्‍ला कोन्‍छ्‍योककी गिपातिवा ति हम क्‍यानी देतुप ताङ तेपा रम्‍बु क्‍यानी दे गोकिवी।

ज्‍यल्‍का 13:16

तमा तीकी मी छ्‍ये ताङ छ्‍युङा यिन्‍शी, छ्‍युक्‍पु ताङ पेराङ्‍बु यिन्‍शी, योक्‍पु ताङ रङ्‍ज्‍येन वोतुप यिन्‍शी, तेरीला लाक्‍पा यावाला याङ्‍ना टली लोला लज्‍युर ग्‍यक च्‍यिसुङ।

ज्‍यल्‍का 14:10

तिवाला कोन्‍छ्‍योककी ङ्‍यिर्मुकी गुन्‍डुम छ्‍याङ थुङ ज्‍यिकिवी। खो छासे ङ्‍यिर्मु लावु तप्‍की खोकी छासे क्‍यानी पर्च्या तोङ्‍गिवी। तमा तिवा चाङ्‍मा वोतुप देवाच्‍येनकी लेन क्‍योलुप थुतिवा ताङ लुक रुककी दोङ्‍ला मे ताङ तुसोककी नाङ्‍ला छेटाङ खुर्किवी।

ज्‍यल्‍का 15:1

येलुङ ङे देवाच्‍येनला हलेवु त ग्‍येर्पु यी थोङ्‍सुङ। ते देवाच्‍येनकी लेन क्‍योलुप थु मिरा दिनतिवी छेटाङ रे रे खुर्नोक। तिवा ति कोन्‍छ्‍योककी तिङ्‍मी छेटाङतिवा यिन। च्‍यिलासिसिन तिवा नेसुर राङ कोन्‍छ्‍योककी पर्च्याकी छेटाङ ति डुप्‍सुङ।

ज्‍यल्‍का 15:7

ती सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिककी सेरकी कोरा दिन ति देवाच्‍येनकी लेन क्‍योलुप थु दिनतिवाला तेसुङ। ती सेरकी कोरा नाङ्‍ला नरीकी नरी ङोसु ज्‍युवु कोन्‍छ्‍योककी ङ्‍यिर्मुकी क्‍येङ्‍गुप नोक।

ज्‍यल्‍का 18:6

तुक क्‍यानी तिवी मी यम्‍बाला काङ क्‍यावे, तीला तुकै राङ पर्च्या फोकिवी। तिवी मी यम्‍बाला काङ मेलोवा क्‍यावे, तिवाला ती सिनाङ ङ्‍यिग्‍युर यी मङ पर्च्या फोकिवी। तमा तिवी मी यम्‍बाला थुङ ज्‍यितुपला कोरी नाङ्‍ला क्‍येङ्‍गुप छ्‍याङ सिनाङ ङ्‍यिग्‍युर यी मङ कर्मा वोतुप छ्‍याङ ति तिवाला क्‍येङ्‍नी बिन।

ज्‍यल्‍का 19:15

तमा मिरिक कुतुक कुतुककी मीतिवाला बेपुपला खोकी ख नेमा खुर्पा नेन्‍बु च्‍यिक थेन्‍नी नोक। खोकी च्‍याङ्‍युङ थ्‍वोनी लुङ्‍बा कुतुककी मीतिवाला ठिम तोङ्‍गिवी। तमा तोरीकी नुम चिरुप कोलला तोरी लुक्‍नी नुम चिरुप दोके चोछ्‍येवु कोन्‍छ्‍योककी पर्च्या कशेन क्‍यानी तिवाला तेर्किवी।

ज्‍यल्‍का 19:18

तमा ग्‍येल्‍वुतिवा ताङ मक्‍मी छ्‍येतिवा ताङ ङार वोतुप मीतिवा ताङ त ताङ ते खला शेन्‍दुप मीतिवा ताङ योक्‍पु ताङ रङ्‍ज्‍येन वोतुपतिवा ताङ छ्‍ये छ्‍युङातिवा तेरीकी श ति सो।” सिनी सिक्‍यासुङ।

ज्‍यल्‍का 19:5

ती पेला ग्‍येल्‍ठिक नेमा “ओ तेरी कोन्‍छ्‍योकला शब्‍ज्‍यी कितुप मीतिवा ताङ खोला ज्‍यिवा कितुपतिवा, ख्‍यिराङ छ्‍ये छ्‍युङा तेरीकी दाक्‍पी कोन्‍छ्‍योकला सोवा तेक।” सिरुप वोरु यी थोसुङ।

ज्‍यल्‍का 20:12

तमा शेप छ्‍ये ताङ छ्‍युङातिवा तेरी ग्‍येल्‍ठिककी चिप्‍ला लानी देतुप ताङ थेपतिवा लोकुप ति ङे थोङ्‍सुङ। ते यम्‍बा थेप यी साङ लोक्‍सुङ। ती ति मिजीकी थेप नोक। ती थेपतिवी नाङ्‍ला टिवु दोके तिवी चुका लाका क्‍यावे, तुकै राङ क्‍यानी तिवाला ठिम क्‍यासुङ।

ज्‍यल्‍का 20:15

मिजीकी थेप नाङ्‍ला मिङ माटिवुतिवा सुला साङ माज्‍याक्‍नी ती मेकी चो वोतुप दासाला क्‍युर्सुङ।

ज्‍यल्‍का 22:12

येशूकी दुक सुङ वे, “ल्‍होसा, ङ ङमु राङ वुङ्‍यिनो। ङ वासिमा सु सुकी लाका ल्‍यामु मेलोवा क्‍यावे, तिवाला तिवी क्‍यावु लाकाकी छ्‍यक्‍तक ति तेरिनो।