ज्‍यल्‍का 11:17 - कोन्छ्‌योककी सुङ

¹⁷ “ओ, गोमाला नेज्‍यु नरी लुवु ताङ तन्‍दा साङ ज्‍यु वोतुप ओङ छ्‍येवु कोन्‍छ्‍योक, ङ्‍यिराङ कोन्‍छ्‍योकला थुचिछे बुलिन। च्‍यिलासिसिन कोन्‍छ्‍योकला ओङ ग्‍येर्पु वे, तमा जम्‍बुलिङला ग्‍येला कितुप गो चुन नाङ्‍सुङ।

ज्‍यल्‍का 11:17 Iomraidhean Croise

मत्ती 11:25

ती पेला येशूकी दुक सुङ्‍नी मोपोर क्‍या नाङ्‍सुङ, “ओ पपा, देवाच्‍येन ताङ जम्‍बुलिङकी चोवो, ङ पपाला थुचिछे बुलिन। च्‍यिलासिसिन पपी दी ताम्‍ङे ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ।

लूका 10:21

ती पेला राङ येशू कोन्‍छ्‍योककी थु चाङ्‍मा नेमा छासे गा कियी दुक सुङ्‍सुङ, “ओ पपा, देवाच्‍येन ताङ जम्‍बुलिङकी चोवो। ङ थुचिछे बुलिन, च्‍यिलासिसिन दी ताम्‍ङेतिवा ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ। यिन, पपा, दी ति पपाला गा लङ्‍गुप नोवा यिन।

यूहन्‍ना 11:41

तमा तिवी ती शेप मीला ज्‍योकुप टककी फुककी खला उम ज्‍यकुप दो ति दोसुङ। ती ज्‍युक्‍ला येशूकी देवाच्‍येन ने केला ल्‍हानी, “ओ पपा, ङ पपाला थुचिछे बुलिन, च्‍यिलासिसिन पपी ङे गोङ्‍बा शुवु ति सेन्‍सुङ।

२ कोरिन्थी 2:14

यिने कोन्‍छ्‍योकला थुचिछे, च्‍यिलासिसिन खोकी ङ्‍यिराङला शैतानकी खला ओङ्‍ज्‍येन कितुपला नरी ख्रीष्‍ट नेसुर गोमा किवी। तमा खोकी ख्रीष्‍टकी कोर्ला वोतुप रिक्‍पा ति छो ज्‍यीला फेल ज्‍यितुपला ङ्‍यिराङला दाल्‍जा किवी। ती रिक्‍पा ति टी जङ्‍बु खाप यिन।

२ कोरिन्थी 9:15

कोन्‍छ्‍योककी नङ्‍गुप ग्‍यक्‍चेकी ङ्‍येम्‍बाकी थोक्‍ला खोला थुचिछे।

१ तिमोथी 1:12

ङला ङार नङ्‍गुप दाक्‍पी चोवो ख्रीष्‍ट येशूला थुचिछे बुलिन, च्‍यिलासिसिन खोकी खोरुङला शब्‍ज्‍यी कितुपकी थोक्‍ला ङला खोङ्‍तेर्मु वोतुप सिनी चिसुङ।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 15:3

तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।

ज्‍यल्‍का 16:14

तिवा ति हलेवु त छ्‍या देन्‍दुप डेकी थुतिवा यिनोक। तिवा ङार छ्‍येवु कोन्‍छ्‍योक ताङ मुला मक ग्‍यकुपला जम्‍बुलिङकी ग्‍येल्‍वुतिवा तेरीकी ते गल्‍नी दासा च्‍यिकला जोम्‍गिवी। ती मक ग्‍यकुप तुजे ति कोन्‍छ्‍योककी ठिम क्‍या नङ्‍गुप तुजे ग्‍येर्पु यिन।

ज्‍यल्‍का 16:5

तुक राङ क्‍यानी छ्‍युला ओङ्‍ज्‍येन कितुप लेन क्‍योलुप थु तीकी दुक सिक्‍यावु ति ङे थोसुङ। “ओ थल्‍माला ज्‍यु वोतुप ताङ तन्‍दा सेक नरी लुवु चाङ्मा वोतुप चोवो कोन्‍छ्‍योक, चोवोकी दी ठिम क्‍या नङ्‍गुप ति छासे टेके यिन।

ज्‍यल्‍का 16:7

तमा छोठी नेमा दुक सिक्‍यावु ति ङे थोसुङ। “यिन, ङार छ्‍येवु चोवो कोन्छ्‍योक। कोन्‍छ्‍योककी ठिम क्‍या नङ्‍गुप ति वुतुङ के टेङ्बु ताङ टेके यिन।”

ज्‍यल्‍का 18:8

तुक क्‍यानी ङ्‍यिमा च्‍यिकला राङ ती ग्‍येसाला नेजु ग्‍यकुप ताङ शेप ताङ ङुप्‍राङ कितुप ताङ ल्‍होवारेला डोप दुक्‍पा ङ्‍येकिवी। तमा ती ति मेला छिक्‍नी ना डिवी। च्‍यिलासिसिन तिवाला ठिम कितुप ति ओङ छ्‍येवु चोवो कोन्‍छ्‍योक यिन।”

ज्‍यल्‍का 19:11

येलुङ देवाच्‍येन सेवु ताङ देवाच्‍येनला त कर्मु यी वोतुप ति ङे थोङ्‍सुङ। ती ते खला शेन्‍दुप तीकी मिङ ति खोङ्‍तेर्मु ताङ टेङ्‍बु सिनी सिवी। खोकी मी सुला साङ ख्‍ये मापेनी ठिम क्‍या नङ्‍गिनोक। तमा डतिवी मुला मक ग्‍यकुप पेला साङ ठिम टेङ्‍बु क्‍या नङ्‍गिनोक।

ज्‍यल्‍का 19:6

ती ज्‍युक्‍ला मी माङ्‍छ्‍योक च्‍यार ग्‍यप्‍नी वोरु तेन्‍दुप दोके ताङ छ्‍यु बङी ज्‍युङ्‍गुप वोरु ग्‍येर्पु दोके ताङ छासे सम्‍डुक ग्‍यपुप दोके वोरु ङे थोसुङ। ती वोरु तीकी “हल्‍लेलूयाह! च्‍यिलासिसिन चोछ्‍ये वोतुप दाक्‍पी चोवो कोन्‍छ्‍योककी दी जम्‍बुलिङला ग्‍येला क्‍या नङ्‍गिवी।