ज्‍यल्‍का 11:12 - कोन्छ्‌योककी सुङ

¹² तमा देवाच्‍येन नेमा कशेन थोर ग्‍यप्‍नी “दे केला शोक।” सिक्‍यावु ति ती पङ्‍बु तेरुप मिरा ङ्‍यीतिवी थोसुङ। तमा तिवी डतिवी ल्‍हयी ल्‍हयी तिवा मुक्‍पी पर्ने केला देवाच्‍येन ने गाल्‍सुङ।

ज्‍यल्‍का 11:12 Iomraidhean Croise

लूका 16:23

तमा ती ति ङ्‍येलाला लुम्‍नी कशेन छेटाङ खुर्सुङ। ती पेला तीकी येर केला ल्‍हासालेन्‍सिन थाक्‍रिङ्‍बुला अब्राहामला थोङ्‍सुङ, तमा तीकी चाला लाजरस वोतुप थोङ्‍सुङ।

लोमा छ्‍येतिवी लाका 1:9

खोकी तुक सुङ्‍सिमा लोमातिवी ल्‍हयी ल्‍हयी राङ कोन्‍छ्‍योककी खोला येर देवाच्‍येन ने टि फेप्‍सुङ। तमा मुक्‍पी पर्ने तोक तोर्सुङ।

१ थेसलोनिकी 4:17

ती ज्‍युक्‍ला दाक्‍पु तेपा क्‍यानी ती पेला सेक सेन्‍बु लुवुतिवा तिवा ताङ मुला राङ नाम ने केला मुक्‍पी पर्ने चोवोला ठेतुपला तेक्‍नी डिवी। तमा दाक्‍पु नरी खोकी मुला राङ देतुप ङ्‍येकिवी।

ज्‍यल्‍का 12:5

तमा ती पुम्‍पेजा तीकी लुङ्‍बा तेरीकी मीतिवाला च्‍याङ्‍युङ थ्‍वोनी च्‍युरुवु क्‍यानी ग्‍येला कितुप पुज्‍युङ यी क्‍येसुङ। यिने ती पुज्‍युङ तीला शार्क्येक लङ्‍नी कोन्‍छ्‍योक ताङ खोकी ग्‍येल्‍ठिकला टि गाल्‍सुङ।

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।

ज्‍यल्‍का 4:1

ती ज्‍युक्‍ला ङे ल्‍हासालेन्‍सिन देवाच्‍येनला गो च्‍यिक वोतुप थोङ्‍सुङ। ती गो ति तङी नोक। थल्‍माला ङे थोवु ग्‍येलिङ पुवु दोके वोरु तीकी ङला “दे केला शोक। ज्‍युक्‍ला चुका चुका ताम्‍ङेतिवा च्‍युङ्‍गिवी, ती ति ङ ख्‍युरुङला लपिन।” सिनी सुङ्‍सुङ।