ज्‍यल्‍का 10:6 - कोन्छ्‌योककी सुङ

⁶ तमा नाम ताङ ती नाङ्‍ला वोतुप तेरी च्‍यालकतिवा ताङ, जम्‍बुलिङ ताङ जम्‍बुलिङला वोतुप तेरी च्‍यालकतिवा ताङ, ग्‍येम्‍छो ताङ ती नाङ्‍ला वोतुप तेरी च्‍यालकतिवा ज्‍ये नङ्‍गुप नरीकी नरी ङोसु ज्‍यु वोतुप कोन्‍छ्‍योककी मिङला दुक सिनी तीकी थाक्‍छ्‍येसुङ, “तफेन्‍ला नाम्‍साङ फिमु क्‍या मनङ्‍गिवी।

ज्‍यल्‍का 10:6 Iomraidhean Croise

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 12:12

ती तप्‍की ओ देवाच्‍येन ताङ देवाच्‍येनला वोतुपतिवा, ख्‍यिराङ कशेन गा की। यिने जम्‍बुलिङ ताङ ग्‍येम्‍छोला वोतुपतिवाला छासे ज्‍यिवा यिन। च्‍यिलासिसिन खुरुङ ना डोप तुजे अला मे सिरुप हाक्‍कोनी शैतान ति छासे ङ्‍यिर्मु कोक्‍पु लानी ख्‍यिराङ जम्‍बुलिङला वोतुपतिवी पर्ला गाल वे।”

ज्‍यल्‍का 16:17

येलुङ देवाच्‍येनकी लेन क्‍योलुप थु दिन्‍बा तीकी खोरो कोरा ति नामला पुसुङ। तमा कोन्‍छ्‍योककी ल्‍हङाङकी ग्‍येल्‍ठिक नेमा थोर ग्‍यप्‍नी “त याङ तेरी छेसुङ।” सिरुप वोरु यी ग्‍यप्‍सुङ।

ज्‍यल्‍का 21:6

येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।

ज्‍यल्‍का 4:10

ती पेला ते वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीतिवा ग्‍येल्‍ठिकला ज्‍यु वोतुप तीकी दोङ्‍ला खवुतुङ्‍मा देनी नरीकी नरी ङोसु ज्‍युवु तीला सोवा देकिनोक। तमा खोप्‍रे उशाकतिवा ग्‍येल्‍ठिक चिप्‍ला पिन ज्‍याक्‍नी दुक सियी सिक्‍यासुङ,

ज्‍यल्‍का 4:11

“ओ ङ्‍यिरा चोवो कोन्‍छ्‍योक, चोवो याङ ङ्‍यिरा मोवा ताङ ताङ्‍देन कि छ्‍योवु ताङ ङार वोतुप कोन्‍छ्‍योक यिन। च्‍यिलासिसिन तेरी च्‍यालकतिवा चोवोकी राङ ज्‍ये नङ्‍गुप यिन। चोवोकी नोवा नेमा ती च्‍यालकतिवा तेरी च्‍युङ्‍नी तिवाला मिजी साङ नाङ्‍सुङ।”

ज्‍यल्‍का 4:9

ते वोतुप सेम्‍ज्‍येन ज्‍यिकरतिवी ग्‍येल्‍ठिकला ज्‍यु वोतुप ताङ नरी ङोसु ज्‍युवु तीला मोवा ताङ ताङ्‍देन ताङ थुचिछे पुल पुल्‍वा देकिनोक।

ज्‍यल्‍का 6:11

तमा ती ज्‍युक्‍ला तिवा तेरीला मज्‍या कर्मु रे रे बिन्‍नी दुक सिक्‍यासुङ, “ख्‍यिरा मुला शब्‍ज्‍यी कितुप मीतिवा ताङ तेपा कितुप अच्‍युनुपतिवा साङ ख्यिराङला सेतुप दोके तेरी शिनी टङ्‍गा माछेवा सेक ङासोनी देता।”