ज्‍यल्‍का 10:1 - कोन्छ्‌योककी सुङ

¹ येलुङ यम्‍बा ङार छ्‍येवु देवाच्‍येनकी लेन क्‍योलुप थु च्‍यिक देवाच्‍येन नेमा पाम वुङ्‍यिन कितुप ति ङे थोङ्‍सुङ। तीकी जु ति मुक्‍पी कोरुप ताङ गोला ति ज्‍य सुकुप दोके नोक। तीकी ङुतुङ ति ङ्‍यिमा दोके नोक, काङ्‍बातिवा ति कज्‍यु दोके मे मेलाप नोक।

ज्‍यल्‍का 10:1 Iomraidhean Croise

मत्ती 17:2

ते लोमातिवी दोङ्‍ला येशूकी जुजम ग्‍युर्सुङ। तमा खोकी शाल ति ङ्‍यिमा शरुप दोके वो ग्‍यप्‍सुङ, खोकी नुम्‍बुप नम्‍सा ति वो ग्‍यकुप दोके छासे कर्मु गाल्‍सुङ।

लूका 21:27

ती पेला ङ मी पुज्‍युङ ति ओङ छ्‍येवु ताङ मोवा क्‍यानी मुक्‍पी खला वुङ्‍गुप ति मीतिवी थोङ्‍गिवी।

लोमा छ्‍येतिवी लाका 26:13

लामला डोयी वोतुप पेला ङ्‍यिमा फेका चोयीला, ओ ग्‍येल्‍वु, देवाच्‍येन नेमा ङ ताङ ङे मुला गलुपतिवी गारी गुरीला ङ्‍यिमा शरुप सिनाङ मङ वो सल्‍वु ग्‍यपुप ति ङे थोङ्‍सुङ।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।

ज्‍यल्‍का 18:1

ती ज्‍युक्‍ला येलुङ देवाच्‍येन नेमा कोन्‍छ्‍योककी लेन क्‍योलुप थु यम्‍बा च्‍यिक वुङ्‍यिन वोतुप ति ङे थोङ्‍सुङ। ती ति छासे ओङ्‍ज्‍येन ग्‍येर्पु वोतुप नोक। ती नेसुर वुङ्‍गुप वोसिरकी जम्‍बुलिङ तेरी ठछ्‍येली गाल्‍सुङ।

ज्‍यल्‍का 18:21

ती ज्‍युक्‍ला ङार छ्‍येवु देवाच्‍येनकी लेन क्‍योलुप थु मिरा च्‍यिककी लाकुर ग्‍येर्पु दोके दो च्‍यिक तेक्‍नी ग्‍येम्‍छो नाङ्‍ला क्‍युरिन सिरा, “दुक राङ क्‍यानी ग्‍येसा ग्‍येर्पु बेबिलोन साङ ङार क्‍यानी क्‍युर्कितो। तमा ती ति येलुङ नाम्‍साङ मोथोङ्‍दो।

ज्‍यल्‍का 20:1

ती ज्‍युक्‍ला शाप मेतुप मुक्‍तुम तिङ्‍मुकी लिमी ताङ च्‍यातक ग्‍येर्पु च्‍यिक लकला खुरुप देवाच्‍येनकी लेन क्‍योलुप थु मिरा च्‍यिक देवाच्‍येन नेमा पाम वावु ति ङे थोङ्‍सुङ।

ज्‍यल्‍का 4:3

ती ग्‍येल्‍ठिककी खला ज्‍यु वोतुप तीकी जुजम ति ङोर्मु ताङ मर्वु वोतुप वो ग्‍यकुप यु दोके थोङ्‍गिनोक। ती ग्‍येल्‍ठिककी गारी गुरीला वो ग्‍यकुप यु ङोर्मु दोके ज्‍य फुकुप नोक।

ज्‍यल्‍का 5:2

तमा ङे देवाच्‍येनकी लेन क्‍योलुप थु रम्‍बु मिरा च्‍यिक थोङ्‍सुङ। तीकी कशेन वोरु थोर ग्‍यप्‍नी “दी लज्‍युरतिवा तोल्‍नी शुकी बिटप डोल थुपुप ति सु वे?” सिनी सिक्‍यासुङ।

ज्‍यल्‍का 8:13

तमा ङे ल्‍हासालेन्‍सिन नामला ठ च्‍यिक फुरिन वोतुप थोङ्‍सुङ। तमा तीकी थोर ग्‍यप्‍नी “अबुइ! काङ्‍ग्‍या मोताप सुकुप ताम्‍ङे यिन! जम्‍बुलिङला देतुप मीतिवाला छासे ज्‍यिवा लङ्‍गुप वे। च्‍यिलासिसिन देवाच्‍येनकी लेन क्‍योलुप थु मिरा सुमकी ङमु राङ पु गोवु ग्‍येलिङकी वोरु ति तरोङ साङ लुनी वे।” सिनी सिक्‍यावु ति ङे थोसुङ।