ज्‍यल्‍का 1:8 - कोन्छ्‌योककी सुङ

⁸ “ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 1:8 Iomraidhean Croise

२ कोरिन्थी 6:18

“तमा ङ ख्‍यिरा पपा यिनो, ख्‍यिराङ ति ङे पुज्‍युङपुमतिवा यिनो। सिनी चोछ्‍ये वोतुप चोवो कोन्‍छ्‍योककी सुङ्‍गिवी।”

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:17

खोला थोङ्‍सिमा ङ ति शेप दोके गल्‍नी तला ग्‍यप्‍सुङ। तमा खोकी छ्‍याक यावा ति ङे खला ज्‍याक्‍नी दुक सिनी सुङ्‍सुङ, “ज्‍यिवा माकी। थल्‍मा नेज्‍युनी वोतुप ति ङ राङ यिन, तिङ्‍ला सेक नरी लुवु साङ ङ राङ यिन।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।

ज्‍यल्‍का 11:17

“ओ, गोमाला नेज्‍यु नरी लुवु ताङ तन्‍दा साङ ज्‍यु वोतुप ओङ छ्‍येवु कोन्‍छ्‍योक, ङ्‍यिराङ कोन्‍छ्‍योकला थुचिछे बुलिन। च्‍यिलासिसिन कोन्‍छ्‍योकला ओङ ग्‍येर्पु वे, तमा जम्‍बुलिङला ग्‍येला कितुप गो चुन नाङ्‍सुङ।

ज्‍यल्‍का 15:3

तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।

ज्‍यल्‍का 16:14

तिवा ति हलेवु त छ्‍या देन्‍दुप डेकी थुतिवा यिनोक। तिवा ङार छ्‍येवु कोन्‍छ्‍योक ताङ मुला मक ग्‍यकुपला जम्‍बुलिङकी ग्‍येल्‍वुतिवा तेरीकी ते गल्‍नी दासा च्‍यिकला जोम्‍गिवी। ती मक ग्‍यकुप तुजे ति कोन्‍छ्‍योककी ठिम क्‍या नङ्‍गुप तुजे ग्‍येर्पु यिन।

ज्‍यल्‍का 16:7

तमा छोठी नेमा दुक सिक्‍यावु ति ङे थोसुङ। “यिन, ङार छ्‍येवु चोवो कोन्छ्‍योक। कोन्‍छ्‍योककी ठिम क्‍या नङ्‍गुप ति वुतुङ के टेङ्बु ताङ टेके यिन।”

ज्‍यल्‍का 19:15

तमा मिरिक कुतुक कुतुककी मीतिवाला बेपुपला खोकी ख नेमा खुर्पा नेन्‍बु च्‍यिक थेन्‍नी नोक। खोकी च्‍याङ्‍युङ थ्‍वोनी लुङ्‍बा कुतुककी मीतिवाला ठिम तोङ्‍गिवी। तमा तोरीकी नुम चिरुप कोलला तोरी लुक्‍नी नुम चिरुप दोके चोछ्‍येवु कोन्‍छ्‍योककी पर्च्या कशेन क्‍यानी तिवाला तेर्किवी।

ज्‍यल्‍का 19:6

ती ज्‍युक्‍ला मी माङ्‍छ्‍योक च्‍यार ग्‍यप्‍नी वोरु तेन्‍दुप दोके ताङ छ्‍यु बङी ज्‍युङ्‍गुप वोरु ग्‍येर्पु दोके ताङ छासे सम्‍डुक ग्‍यपुप दोके वोरु ङे थोसुङ। ती वोरु तीकी “हल्‍लेलूयाह! च्‍यिलासिसिन चोछ्‍ये वोतुप दाक्‍पी चोवो कोन्‍छ्‍योककी दी जम्‍बुलिङला ग्‍येला क्‍या नङ्‍गिवी।

ज्‍यल्‍का 2:8

“स्‍मुर्नाला वोतुप चर्चला ल्‍हटे कितुप देवाच्‍येनकी लेन क्‍योलुप तीला दी ताम्‍ङे ति टिसा। ‘दी ताम्‍ङे ति थल्‍माला वोतुप ताङ तिङ्‍ला सेक नरी लुवु ताङ शिनी येलुङ ङोसु लावु तीकी सुङ्‍गुप यिन।

ज्‍यल्‍का 21:22

ती ग्‍येसाला कनी साङ ल्‍हङाङ माथोङ। च्‍यिलासिसिन तेकी ल्‍हङाङ ति ङार छ्‍येवु चोवो कोन्‍छ्‍योक ताङ खोकी सेवु लुक रुक राङ यिनोक।

ज्‍यल्‍का 21:6

येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।

ज्‍यल्‍का 22:13

ङ ति अल्‍फा ताङ ओमेगा, थल्‍मा ताङ तिङ्‍मा, जम्‍बुलिङकी गोमा नेज्‍युनी नरीकी नरी लुवु यिनो।”

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”