ज्‍यल्‍का 1:20 - कोन्छ्‌योककी सुङ

²⁰ दी ङे लाक्‍पा यावाला थोङ्‍गुप कर्मा दिनकी तेन्‍दोक ताङ ती शाप च्‍यिक राङ वोतुप सेरकी मेलाङ दिनकी छ्‍याकला वोतुप तेन्‍दोक ति ङ ख्‍युरुङला सिरिन, कर्मा दिन ति चर्च दिनकी थोक्‍ला लेन क्‍योलुप देवाच्‍येनकी थुतिवा यिन। तमा मेलाङ दिन ति चर्च दिनतिवा यिन।”

ज्‍यल्‍का 1:20 Iomraidhean Croise

मत्ती 13:11

तमा खोकी तिवाला सुङ्‍सुङ, “ख्‍यिराङला याङ कोन्‍छ्‍योककी ग्‍येल्‍खापकी छ्‍याककी ताम्‍ङे हाक्‍कोवु रिक्‍पा बिन वे, यिने मी यम्‍बातिवाला ति माबिन वे।

लूका 8:10

तमा खोकी तिवाला सुङ्‍सुङ, “ख्‍यिराङला याङ कोन्‍छ्‍योककी ग्‍येल्‍खापकी छ्‍याककी ताम्‍ङे हाक्‍कोवु रिक्‍पा बिन वे। यिने मी यम्‍बातिवाला याङ ङ पेतिवा नेसुर शेतिन। तुक क्‍यावु ति ‘तिवी ल्‍हासिनाङ मोथोङ्‍शी, तमा थोसिनाङ हाक्‍मोकोशी सिनी यिन।’”

रोमी 11:25

अच्‍युनुपतिवा, ख्‍यिराङ अम्‍बारङ्‍शिङ क्‍यानी खुरुङ राङ रिक्‍पा वोतुप यिन सिनी नो मिकिशी सिनी इस्राएलकी मीतिवी कोर्ला छ्‍याकला वोतुप कोन्‍छ्‍योककी नोवा ति ङ ख्‍यिराङला सिरिन। ती ति काङ यिन सिसिन, कोन्‍छ्‍योककी पेतुप यहूदी मिन्‍दुप मिरिक यम्‍बाकी मीतिवा अङ्‌टङ तेरी माछेवा सेक्‍ला इस्राएलकी मीतिवी नाङ्‍ला चेयीकी सेम ति क्‍योङ्‍बु डिवी।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:16

तमा खोकी छ्‍याक यावाला कर्मा दिन चोके जिम्‍नी नोक। खोकी ख नेमा खुर्पा च्‍यिक थेन्‍नोक। ती खुर्पा ति ख ङ्‍यी वोतुप नोक। खोकी शाल ति ङ्‍यिमा शरुप दोके वो ग्‍यकुप नोक।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।

ज्‍यल्‍का 17:5

तीकी टली लोला छ्‍याकला वोतुप हाक्‍मोकोवु मिङ च्‍यिक टिनी नोक। ती मिङ ति “छ्‍येमुतिवा ताङ जम्‍बुलिङकी क्‍युक्‍टो लङ्‍गुपतिवी आमा बेबिलोन ग्‍येसा ग्‍येर्पु” सिक्‍यावु यिन।

ज्‍यल्‍का 17:7

तमा ती देवाच्‍येनकी लेन क्‍योलुप थु तीकी ङला सिक्‍यासुङ, “ख्‍युरुङ च्‍यिला हलेवा किवी? ती पुम्‍पेजाकी तेन्‍दोक ताङ तीकी शेन्‍दुप गो दिन ताङ अर्क्योक च्‍यिथम्‍बा वोतुप सेम्‍ज्‍येनकी तेन्‍दोक ति ङ ख्‍युरुङला शेतिन।

ज्‍यल्‍का 2:1

येलुङ खोकी ङला दुक सिनी सुङ्‍सुङ, “एफिससला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘लाक्‍पा यावाला कर्मा दिन लानी शाप च्‍यिक राङ वोतुप सेरकी मेलाङ दिनकी पर्ला युकुप तीकी सुङ्‍गुप यिन।

ज्‍यल्‍का 2:12

“पर्गाममला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति ख ङ्‍यी वोतुप खुर्पा नेन्‍बु खुरुप तीकी सुङ्‍गुप यिन,

ज्‍यल्‍का 2:18

“थिआटीराला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति मे बरुप दोके मिक ताङ काँसा शिनी वो ग्‍यकुप दोके शाप वोतुप कोन्‍छ्‍योककी सेवुकी सुङ्‍गुप यिन।

ज्‍यल्‍का 2:5

तुक क्‍यानी ख्‍योरो ङला चुक क्‍यानी ङ्‍यिङ्‍ज्‍ये कितुप क्‍युर्नी ज्‍यकुप ती ति नासाम तोङ। तमा ङ दिक्‍छेन यिन सिनी दिक्‍पा ने ग्‍युर्नी ख्‍योरो गोमाला क्‍यावु दोके ङ्‍यिङ्‍ज्‍ये की। मिसियाङ ङ ख्‍यिरा ते वासिमा ख्‍यिरा पर्ला वोतुप मेलाङ ति दासा यम्‍बाला पोतिनो। तीकी तेन्‍दोक ति चर्च मेता जोयिनो।

ज्‍यल्‍का 2:8

“स्‍मुर्नाला वोतुप चर्चला ल्‍हटे कितुप देवाच्‍येनकी लेन क्‍योलुप तीला दी ताम्‍ङे ति टिसा। ‘दी ताम्‍ङे ति थल्‍माला वोतुप ताङ तिङ्‍ला सेक नरी लुवु ताङ शिनी येलुङ ङोसु लावु तीकी सुङ्‍गुप यिन।

ज्‍यल्‍का 3:1

“सार्डिसला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति कोन्‍छ्‍योककी थु दिन ताङ लाक्‍पा यावाला कर्मा दिन वोतुप तीकी सुङ्‍गुप यिन। ख्‍योरो लाकातिवा ङला छ्‍या वे। मीतिवी थोङ्‍दाङला ख्‍यिराङ सेन्‍बु वोतुप थोङ्‍सिनाङ ख्‍यिराङ ति शिन वे।

ज्‍यल्‍का 3:14

“लाउडिकियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति आमिन वोतुप तीकी सुङ्‍गुप यिन। खो ति कोन्‍छ्‍योककी कोर्ला खोङ्‍तेर्मु क्‍यानी पङ्‍बु टेङ्‍बु तेरुप यिन। तमा खो नेसुर राङ कोन्‍छ्‍योककी तेरी जम्‍बुलिङ ज्‍ये नङ्‍गुप यिन।

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।