ज्‍यल्‍का 1:16 - कोन्छ्‌योककी सुङ

¹⁶ तमा खोकी छ्‍याक यावाला कर्मा दिन चोके जिम्‍नी नोक। खोकी ख नेमा खुर्पा च्‍यिक थेन्‍नोक। ती खुर्पा ति ख ङ्‍यी वोतुप नोक। खोकी शाल ति ङ्‍यिमा शरुप दोके वो ग्‍यकुप नोक।

ज्‍यल्‍का 1:16 Iomraidhean Croise

मत्ती 17:2

ते लोमातिवी दोङ्‍ला येशूकी जुजम ग्‍युर्सुङ। तमा खोकी शाल ति ङ्‍यिमा शरुप दोके वो ग्‍यप्‍सुङ, खोकी नुम्‍बुप नम्‍सा ति वो ग्‍यकुप दोके छासे कर्मु गाल्‍सुङ।

लोमा छ्‍येतिवी लाका 26:13

लामला डोयी वोतुप पेला ङ्‍यिमा फेका चोयीला, ओ ग्‍येल्‍वु, देवाच्‍येन नेमा ङ ताङ ङे मुला गलुपतिवी गारी गुरीला ङ्‍यिमा शरुप सिनाङ मङ वो सल्‍वु ग्‍यपुप ति ङे थोङ्‍सुङ।

एफिसी 6:17

गोला दिक्‍पा ने थरुप शमुङ कोन। तमा कोन्‍छ्‌योककी थु चाङ्‍माकी खुर्पा खुर, ती ति कोन्‍छ्‌योककी सुङ यिन।

हिब्रू 4:12

च्‍यिलासिसिन कोन्‍छ्‍योककी सुङ ति ङोसु ताङ ङार छ्‍येवु वे। ती सुङ ति ख ङ्‍यी वोतुप खुर्पा सिनाङ नेन्‍बु वे। तुक क्‍यानी तीकी मी सेम ताङ थुकी नाङ्‍ला शुकुप ताङ जुकी थिन्‍जाम ताङ रुकककी काङ काङला शुनी कुतुक कुतुक मागल्‍वा सेक तीकी तुप्‍किवी। तमा सेमगी नासाम ताङ नोवा ति काङ नोक सिनी छ्‍या देन्‍गिवी।

ज्‍यल्‍का 1:20

दी ङे लाक्‍पा यावाला थोङ्‍गुप कर्मा दिनकी तेन्‍दोक ताङ ती शाप च्‍यिक राङ वोतुप सेरकी मेलाङ दिनकी छ्‍याकला वोतुप तेन्‍दोक ति ङ ख्‍युरुङला सिरिन, कर्मा दिन ति चर्च दिनकी थोक्‍ला लेन क्‍योलुप देवाच्‍येनकी थुतिवा यिन। तमा मेलाङ दिन ति चर्च दिनतिवा यिन।”

ज्‍यल्‍का 10:1

येलुङ यम्‍बा ङार छ्‍येवु देवाच्‍येनकी लेन क्‍योलुप थु च्‍यिक देवाच्‍येन नेमा पाम वुङ्‍यिन कितुप ति ङे थोङ्‍सुङ। तीकी जु ति मुक्‍पी कोरुप ताङ गोला ति ज्‍य सुकुप दोके नोक। तीकी ङुतुङ ति ङ्‍यिमा दोके नोक, काङ्‍बातिवा ति कज्‍यु दोके मे मेलाप नोक।

ज्‍यल्‍का 12:1

तमा ङे देवाच्‍येनला हलेवु त च्‍यिक थोङ्‍सुङ। ती ति काङ यिन सिसिन पुम्‍पेजा मिरा च्‍यिककी मज्‍या कोन्‍दुप दोके ङ्‍यिमा कोन्‍नी नोक। तीकी काङ्‍बी वोक्‍ला उला नोक। तमा तीकी गोला ति कर्मा च्‍यिङ्‍ङी वोतुप उशाक कोन्‍नी नोक।

ज्‍यल्‍का 19:15

तमा मिरिक कुतुक कुतुककी मीतिवाला बेपुपला खोकी ख नेमा खुर्पा नेन्‍बु च्‍यिक थेन्‍नी नोक। खोकी च्‍याङ्‍युङ थ्‍वोनी लुङ्‍बा कुतुककी मीतिवाला ठिम तोङ्‍गिवी। तमा तोरीकी नुम चिरुप कोलला तोरी लुक्‍नी नुम चिरुप दोके चोछ्‍येवु कोन्‍छ्‍योककी पर्च्या कशेन क्‍यानी तिवाला तेर्किवी।

ज्‍यल्‍का 19:21

तमा यम्‍बा लुवुतिवाला साङ ती त कर्मी खला शेन्‍दुप तीकी ख नेमा थेन्‍दुप खुर्पा थ्‍वोनी सेसुङ। तमा तिवी श ति नामला फुरुप च्‍यातिवी डाता सेक सोसुङ।

ज्‍यल्‍का 2:1

येलुङ खोकी ङला दुक सिनी सुङ्‍सुङ, “एफिससला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘लाक्‍पा यावाला कर्मा दिन लानी शाप च्‍यिक राङ वोतुप सेरकी मेलाङ दिनकी पर्ला युकुप तीकी सुङ्‍गुप यिन।

ज्‍यल्‍का 2:12

“पर्गाममला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति ख ङ्‍यी वोतुप खुर्पा नेन्‍बु खुरुप तीकी सुङ्‍गुप यिन,

ज्‍यल्‍का 2:16

ती तप्‍की ख्‍युरुङ दिक्‍पा ने ग्‍युर। मिसियाङ ङ ख्‍योरो ते ङमु राङ वानी ङे ख नेमा थेन्‍दुप खुर्पा थ्‍वोनी ती लाका दुक्‍टा कितुपतिवी मुला थमु ग्‍यकिनो।

ज्‍यल्‍का 3:1

“सार्डिसला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति कोन्‍छ्‍योककी थु दिन ताङ लाक्‍पा यावाला कर्मा दिन वोतुप तीकी सुङ्‍गुप यिन। ख्‍योरो लाकातिवा ङला छ्‍या वे। मीतिवी थोङ्‍दाङला ख्‍यिराङ सेन्‍बु वोतुप थोङ्‍सिनाङ ख्‍यिराङ ति शिन वे।