ज्‍यल्‍का 1:11 - कोन्छ्‌योककी सुङ

¹¹ “ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:11 Iomraidhean Croise

लोमा छ्‍येतिवी लाका 16:14

ती पेला ते जोम्‍बुप पुम्‍पेजातिवी नाङ्‍ला लिडिया सिरुप कोन्‍छ्‍योकला शब्‍ज्‍यी बुलुप पुम्‍पेजा मिरा च्‍यिककी ङ्‍यिरा ख्‍याप्‍टाक क्‍यावु सुङ ति ङ्‍येन्‍सुङ। ती पुम्‍पेजा ति थिआटीरा ग्‍येसा ने वावु रा मुक्‍पु चोङ्‍गुप छोङ्‍मेन नोक। कोन्‍छ्‍योककी तीकी सेम ति पेतुप तप्‍की पावलकी ख्‍याप्‍टाक क्‍यावु सुङ ति ल्‍यामो क्‍यानी ङ्‍येन्‍सुङ।

लोमा छ्‍येतिवी लाका 18:24

ती पेला अलेक्‍जेन्‍ड्रिया ग्‍येसाला क्‍येवु अपोल्‍लोस सिरुप यहूदी मिरा च्‍यिक एफिससला वानोक। ती ति ताम्‍ङे ल्‍यामु लोपुप ताङ कोन्‍छ्‍योककी सुङला खामु वोतुप मी नोक।

लोमा छ्‍येतिवी लाका 20:17

तमा पावलकी मिलेटस नेमा मीतिवा तङ्‍नी एफिससला वोतुप चर्चला गोमा कितुप मी छ्‍येतिवाला कताङ्‍सुङ।

१ कोरिन्‍थी 15:32

दोजो ङे एफिससला नाठुङ वुङगी सेम्‍ज्‍येन दोके वोतुप मीतिवी मुला थमु ग्‍यप्‍सिनाङ ङला काङ ख्‍येप्‍साङ वे रो? दोजो शेपतिवा सेन्‍बु मलाङ्‍गुप यिन्‍सियाङ “दाक्‍पु साप ताङ थुङ्‍गुप कितुप्‍जा, च्‍यिलासिसिन दाक्‍पु याङ सला शिवी।” सिनी सि थुप्‍किवी।

१ कोरिन्‍थी 16:8

यिने पेन्‍तिकोसकी तुछ्‍येन सेक ति ङ एफिससला राङ देतिनो,

एफिसी 1:1

टसी देलेक! दी यिकी ति कोन्‍छ्‌योककी नोवा नेसुर ख्रीष्‍ट येशूकी लोमा छ्‌ये च्‍युङ्‍गुप ङ पावलकी छ्‍योक नेसुर येशू ख्रीष्‍टला तेपा क्‍यानी खोङ्‍तेर्मु वोतुप एफिससकी मीतिवाला टिवु यिनो।

कलस्सी 2:1

वुतुङ के ङे याङ ख्‍यिराङ ताङ लाउडिकियाला वोतुप मीतिवा ताङ ङला ङो माशेवुतिवा तेरीकी थोक्‍ला छासे टेमु क्‍यानी लाका क्‍या वे सिरुप ति ख्‍यिराङला हाक्‍कोशी सिरुप ङे नोवा वे।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।

ज्‍यल्‍का 1:17

खोला थोङ्‍सिमा ङ ति शेप दोके गल्‍नी तला ग्‍यप्‍सुङ। तमा खोकी छ्‍याक यावा ति ङे खला ज्‍याक्‍नी दुक सिनी सुङ्‍सुङ, “ज्‍यिवा माकी। थल्‍मा नेज्‍युनी वोतुप ति ङ राङ यिन, तिङ्‍ला सेक नरी लुवु साङ ङ राङ यिन।

ज्‍यल्‍का 1:19

तुक क्‍यानी ख्‍योरो थोङ्‍गुप ताङ तन्‍दा च्‍युङ्‍गुप ताम्ङेतिवा ताङ ज्‍युक्‍ला काङ च्‍युङ्‍गिवी सिरुप ति तेरी थेप नाङ्‍ला टिसा।

ज्‍यल्‍का 1:2

तमा यूहन्‍नाकी खोरो थोङ्‍गुप कोन्‍छ्‍योककी सुङ ताङ येशू ख्रीष्‍टकी पङ्‍बु नङ्‍गुप ताम्‍ङेतिवा तेरी शेसुङ।

ज्‍यल्‍का 1:20

दी ङे लाक्‍पा यावाला थोङ्‍गुप कर्मा दिनकी तेन्‍दोक ताङ ती शाप च्‍यिक राङ वोतुप सेरकी मेलाङ दिनकी छ्‍याकला वोतुप तेन्‍दोक ति ङ ख्‍युरुङला सिरिन, कर्मा दिन ति चर्च दिनकी थोक्‍ला लेन क्‍योलुप देवाच्‍येनकी थुतिवा यिन। तमा मेलाङ दिन ति चर्च दिनतिवा यिन।”

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 10:4

ती सम्‍डुक ग्‍यपुप वोरु दिनतिवी वोरु ति मी ताम्‍ङे क्‍यावु दोके कुतुक कुतुक तेन्‍सुङ। ती पेला ङ ति ती ताम्‍ङेतिवा टिकुपला टडिक क्‍यायी। यिने तोजो पेला राङ देवाच्‍येन नेमा “ती सम्‍डुक ग्‍यकुप वोरु दिनतिवी कोर्ला ति छ्‍याकला राङ ज्‍योक। ती ति माटिक!” सिरुप वोरु यी ङे थोसुङ।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”

ज्‍यल्‍का 19:9

तमा ती देवाच्‍येनकी लेन क्‍योलुप थु तीकी ङला दुक सिक्‍यासुङ, “लुक रुककी जेन्‍दीकी डेनला कतङ्‍गुप मीतिवाला मोलाम थोपुप यिनो सिनी टिसा।” येलुङ तीकी सिक्‍यासुङ, “दी सुङ ति कोन्‍छ्‍योककी सुङ टेङ्‍बु यिनो।”

ज्‍यल्‍का 2:1

येलुङ खोकी ङला दुक सिनी सुङ्‍सुङ, “एफिससला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘लाक्‍पा यावाला कर्मा दिन लानी शाप च्‍यिक राङ वोतुप सेरकी मेलाङ दिनकी पर्ला युकुप तीकी सुङ्‍गुप यिन।

ज्‍यल्‍का 2:12

“पर्गाममला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति ख ङ्‍यी वोतुप खुर्पा नेन्‍बु खुरुप तीकी सुङ्‍गुप यिन,

ज्‍यल्‍का 2:18

“थिआटीराला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति मे बरुप दोके मिक ताङ काँसा शिनी वो ग्‍यकुप दोके शाप वोतुप कोन्‍छ्‍योककी सेवुकी सुङ्‍गुप यिन।

ज्‍यल्‍का 2:24

यिने थिआटीराला वोतुप मीतिवी पर्ला ख्‍यिराङ ईजेबेल पुम्‍पेजी सिक्‍यावु खला माङ्‍येन्‍नी शैतानकी छ्‍याकला वोतुप हाक्‍को मुथुपुप ताम्‍ङेला मुयुकुपतिवाला ति ङ काङ साङ यम्‍बा क मेतेर्तो।

ज्‍यल्‍का 2:8

“स्‍मुर्नाला वोतुप चर्चला ल्‍हटे कितुप देवाच्‍येनकी लेन क्‍योलुप तीला दी ताम्‍ङे ति टिसा। ‘दी ताम्‍ङे ति थल्‍माला वोतुप ताङ तिङ्‍ला सेक नरी लुवु ताङ शिनी येलुङ ङोसु लावु तीकी सुङ्‍गुप यिन।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 22:10

येलुङ तीकी ङला दुक साङ सिक्‍यासुङ, “दी थेप नाङ्‍ला वोतुप नम्‍दर शेतुप सुङ ति बानी माज्‍योक। च्‍यिलासिसिन त याङ तुजे वानी साङ वे।

ज्‍यल्‍का 22:16

“ङ येशू यिन, ङे राङ दी ताम्‍ङेतिवा चर्चतिवाला पङ्‍बु तेरुपला ङरा लेन क्‍योलुप थुतिवा तिवी ते तङ्‍गुप यिन। ङ ग्‍येल्‍वु दाऊदकी गिपा नेसुर वावु मी यिन, टोपला शरुप वो ग्‍यकुप कर्ज्याङ साङ यिन।”

ज्‍यल्‍का 3:1

“सार्डिसला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति कोन्‍छ्‍योककी थु दिन ताङ लाक्‍पा यावाला कर्मा दिन वोतुप तीकी सुङ्‍गुप यिन। ख्‍योरो लाकातिवा ङला छ्‍या वे। मीतिवी थोङ्‍दाङला ख्‍यिराङ सेन्‍बु वोतुप थोङ्‍सिनाङ ख्‍यिराङ ति शिन वे।

ज्‍यल्‍का 3:14

“लाउडिकियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति आमिन वोतुप तीकी सुङ्‍गुप यिन। खो ति कोन्‍छ्‍योककी कोर्ला खोङ्‍तेर्मु क्‍यानी पङ्‍बु टेङ्‍बु तेरुप यिन। तमा खो नेसुर राङ कोन्‍छ्‍योककी तेरी जम्‍बुलिङ ज्‍ये नङ्‍गुप यिन।

ज्‍यल्‍का 3:4

यिने सार्डिसला वोतुप ख्‍यिरा पर्ला तेपा कितुपतिवा ललाइ ललाइ ति मज्‍याला टेमा माछ्‍यावु दोके खोप्‍राङ मिजी ति मेटेङ्‍बु माजो वे। तिवा ङे मुला राङ मज्‍या कर्मु कोन्‍नी युकिवी, च्‍यिलासिसिन तिवा तुक कि छ्‍योवु वे।

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।