फिलिप्पी 4:4 - कोन्छ्‌योककी सुङ

⁴ चोवो येशू ख्‍यिरा मुला ज्‍युवु तप्‍की ख्‍यिराङ नरी सेम गा किसा। ङ येलुङ सिरिन, ख्‍यिराङ सेम गा किसा।

फिलिप्पी 4:4 Iomraidhean Croise

मत्ती 5:12

ती पेला ख्‍यिराङ गा किसा, च्‍यिलासिसिन देवाच्‍येनला ख्‍यिराङला छ्‍यक्‍तक ग्‍येर्पु थोप्‍कितो। ख्‍यिराङ सिनाङ गोमाला वावु कोन्‍छ्‍योककी लुङ्‍तेम्‍बातिवाला साङ मीतिवी तुक राङ क्‍यानी छेटाङ बिन्‍सुङ।”

लोमा छ्‍येतिवी लाका 16:25

यिने नुप फेका चोयीला पावल ताङ सिलास मोपोर कियी कोन्‍छ्‍योकला सोवा देकुप लु लङ्‍यिन नोक। तमा चोन्‍खाङला शोरुप यम्‍बा मीतिवा ति ङ्‍येन्‍नी देनोक।

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

रोमी 12:12

कोन्‍छ्‍योककी ख्‍यिराङला नङ्‍गुप रेवाला ख्‍यिराङ लोदिमु क्‍यानी दे, छेटाङला ख्‍येलुप पेला हम क्‍यानी दे, नरी कोन्‍छ्‍योकला मोपोर की।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

गलाती 1:8

यिने ङ्‍यिरा ख्‍याप्‍टाक क्‍यावु लेन ल्‍यामु सिनाङ यम्‍बा लेन ति ङ्‍यिराङ याङ्‍ना देवाच्‍येनकी लेन क्‍योलुप थु सी ख्‍याप्‍टाक क्‍यासिनाङ तीला पर्च्या फोकिवी।

फिलिप्पी 2:18

तुक राङ क्‍यानी ख्‍यिराङ साङ ङ ताङ मुला राङ छासे गा कि गोकिवी।

फिलिप्पी 3:1

अच्‍युनुपतिवा, तिङ्‍मी ताम्‍ङे यम्‍बा ति काङ यिन सिसिन ख्‍यिराङ चोवोला तेपा क्‍यावु मी यिन्‍दुप तप्‍की सेम गा की। दी यिकी लोकुर ग्यप्‍नी टिकुपला ङला छेरा मलङ्‍गिवी, ती ति ख्‍यिराङला र्‍होकुपला यिन।

१ पत्रुस 4:13

यिने ख्‍यिराङ ख्रीष्‍टकी थोक्‍ला छेटाङ खुरुपतिवा यिन्‍दुप तप्‍की ती पेला गा की। तुक क्‍यासिन खोकी मोवा छ्‍या देन्‍दुप पेला ख्‍यिराङला मङ लोदिमु ताङ गा लङ्‍गिवी।