फिलिप्पी 3:3 - कोन्छ्‌योककी सुङ

³ दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

फिलिप्पी 3:3 Iomraidhean Croise

रोमी 1:9

ङ ङे सेमगी दिङ नेज्‍युनी खोकी सेवु येशू ख्रीष्‍टकी थोक्‍ला लेन ल्‍यामु ख्‍याप्‍टाक क्‍यानी खोला शब्‍ज्‍यी क्‍यावु तप्‍की ङे नरी ख्‍यिराङला टेन्‍नी ङ्‍यी ताङ नुप्‍ज्‍या ख्‍यिरा थोक्‍ला मोपोर क्‍यावु ति कोन्‍छ्‍योकला राङ छ्‍या वे।

रोमी 15:17

ती तप्‍की ङ ति येशू ख्रीष्‍टकी ओङला देनी कोन्‍छ्‍योकला शब्‍ज्‍यी बुलुप लाका कितुपला छासे तेके कितिन।

रोमी 7:6

यिने त याङ दाक्‍पु ठिमकी थोक्‍ला शिनी ठिमकी ओङ ने थर्नी वे। तुक क्‍यानी तन्‍दा दाक्‍पु ठिमकी थेप नाङ्‍ला टि वोतुप दोके किताङ नालु ङ्‍यिङ्‍बा मिन, कोन्‍छ्‍योककी थु चाङ्‍माकी सुङ्‍गुप किताङ नालु सम्‍बा क्‍यानी कोन्‍छ्‍योकला शब्‍ज्‍यी बुल्‍गिवी।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

रोमी 8:39

याङ्‍ना स ताङ नामला वोतुप ओङ यिन्‍सिनाङ कोन्‍छ्‍योककी ज्‍ये नङ्‍गुप जम्‍बुलिङला वोतुप तेरी च्‍यालकतिवा काङगी साङ ङ्‍यिराङला ख्रीष्‍ट येशूला वोतुप कोन्‍छ्‍योककी ङ्‍यिङ्‍ज्‍ये नेसुर क्‍येङ्‍सु तोङ मुथुपी।

रोमी 9:6

यिने इस्राएलकी मीतिवाला कोन्‍छ्‍योककी थाक्‍छ्‍येन नङ्‍गुप सुङ ति लम्‍सुला मागलुप मिन। च्‍यिलासिसिन इस्राएलला क्‍येवुतिवा तेरी इस्राएलकी मी मिन,

२ कोरिन्थी 11:18

मी बङीकी जम्‍बुलिङला क्‍यावु लाकाकी थोक्‍ला ङराङ यिन सिक्‍यावु दोके ङ साङ ङराङ यिन सिनी सिरिन।

गलाती 5:25

दाक्‍पु कोन्‍छ्‍योककी थु चाङ्‍माकी ओङला मिजी क्‍योङ्‍गिवी सिसिन ती थु चाङ्‍माकी ओङला राङ युक गोकिवी।

गलाती 6:16

त कोन्‍छ्‍योककी कला ङ्‍येन्‍नी मिजी क्‍योङ्‍गुपतिवा ताङ इस्राएलकी कोन्‍छ्‍योककी गिपातिवा तेरीला खोकी लोदिमु ताङ च्‍यम्‍बा थोप्‍शी।

एफिसी 6:18

नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

फिलिप्पी 3:12

ती तेरी ताम्‍ङेतिवा ङे गोमाला के ङ्‍येनी वे सिनी सिक्‍यावु मिन, ती ताम्‍ङेतिवा तन्‍दा तेरी च्‍युङ वे सिक्‍यावु साङ मिन, यिने येशू ख्रीष्‍टकी ङला खोरो ति जो नङ्‍सुङ। ती तप्‍की ङ ख्रीष्‍ट दोके मिजी क्‍योङ थुपुपला छ्‍योङ्‍बाल ग्‍यप्‍नी डोयी वे।

फिलिप्पी 3:14

येशू ख्रीष्‍ट नेमा कोन्‍छ्‍योककी देवाच्‍येन नेसुर ङला कताङ नङ्‍गुप छ्‍यक्‍तक थोपुपला ङ कशेन छ्‍योङ्‍बाल ग्‍यप्‍नी डोयी वे।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।

यहूदा 1:20

यिने अच्‍युनुपतिवा, ख्‍यिराङ ति छासे चाङ्‍मा वोतुप तेपाला रम्‍बु च्‍युङ्‍नी फेलिन ग्‍युक। तमा कोन्‍छ्‍योककी थु चाङ्‍माकी ओङला देनी मोपोर किसा।