फिलिप्पी 3:17 - कोन्छ्‌योककी सुङ

¹⁷ अच्‍युनुपतिवा, ङे काङ क्‍यावे, ख्‍यिरा साङ तुकै राङ नरी लुमु से। तमा ङ्‍यिरा मिजी नेसुर छ्‍या तेन्‍दुप दोके क्‍यानी मिजी क्‍योङ्‍गुप यम्‍बा मीतिवाला ल्हानी लोपा।

फिलिप्पी 3:17 Iomraidhean Croise

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

१ कोरिन्‍थी 10:32

यिने यहूदीतिवाला ताङ ग्रीककी मीतिवाला ताङ कोन्‍छ्‍योकला तेपा कितुप चर्चकी मीतिवा सुला साङ दुक्‍पा ख्‍येलुप लाका ति माकिसा।

१ कोरिन्‍थी 11:1

ङे ख्रीष्‍टकी लुमु सेतुप दोके ख्‍यिराङ साङ ङे लुमु से।

१ कोरिन्‍थी 4:16

तुक क्‍यानी ख्‍यिराङ ङे दोके लुमु सेतुप वुङ गोकिवी सिनी ङ ख्‍यिराङला ठाकुरे सिरिन।

फिलिप्पी 4:9

ख्‍यिरा चुका ताम्‍ङे ति ङे नेसुर लाप्‍वे, चुका ताम्‍ङे ति सेमला लावे, चुका ताम्‍ङे ति ङे ख नेमा थोवे, चुका ताम्‍ङे ति ङे मिजीला थोङ्‍वे, ती दोके राङ की। तमा लोदिमु नङ्‍गुप कोन्‍छ्‍योक ख्‍यिरा मुला ज्‍युकितो।

१ थेसलोनिकी 1:6

ख्‍यिराङला छेटाङ ताङ दुक्‍पा बङी च्‍युङ्‍सिनाङ कोन्‍छ्‍योककी थु चाङ्‍माकी लोदिमु नङ्‍गुप तप्‍की ख्‍यिरा कोन्‍छ्‍योककी सुङ ल्‍यामु क्‍यानी ङ्‍येन्‍सुङ। तुक क्‍यानी ख्‍यिरा ङ्‍यिराङ ताङ चोवो येशूकी दोके लुमु सेतुप च्‍युङ्‍सुङ।

२ थेसलोनिकी 3:14

सी दी ङ्‍यिरा तङ्‍गुप यिकीला टिवु ताम्‍ङे ति मेङ्‍येन्‍वे, तुका मीतिवा ल्‍यामो क्‍यानी ङो शेनी ज्‍योक। तिवी मुला तम्‍जी साङ माजो। तमा तिवा ङोछाला ख्‍येल्‍शी।

२ थेसलोनिकी 3:7

च्‍यिलासिसिन ङ्‍यिरा काङ क्‍यावे, ख्‍यिरा साङ तुकै राङ क्‍यानी ङ्‍यिरा लुमु से गोकिवी सिरुप ति ख्‍यिराङला छ्‍या राङ वे। ख्‍यिरा मुला वोतुप पेला ङ्‍यिरा छेरा माक्‍या,

२ थेसलोनिकी 3:9

ङ्‍यिराङला ख्‍यिराङ नेसुर दाल्‍जा ङ्‍येतुप ओङ मेतुप याङ मिन, यिन्‍सिनाङ ख्‍यिरा ङ्‍यिरा क्‍यावु दोके क्‍यानी ङ्‍यिरा लुमु से गोकिवी सिरुप ति ख्‍यिराङला हाक्‍कोशी सिनी ङ्‍यिरा तुक क्‍यावु यिन।

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

हिब्रू 13:7

ख्‍यिराङला कोन्‍छ्‍योककी सुङ लोपुप गेकेनतिवाला नासाम तोङ। तिवी चुक क्‍यानी मिजी क्‍याङ्‍सुङ, तिवा चुक क्‍यानी शिसुङ, तीकी कोर्ला ल्‍यामु क्‍यान ल्‍हानी ख्‍यिराङ साङ तिवी दोके तेपा किसा।

१ पत्रुस 5:3

ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।