फिलिप्पी 3:15 - कोन्छ्‌योककी सुङ

¹⁵ तमा दाक्‍पु तेपा क्‍यानी रम्‍बु वोतुप मीतिवा तेरीकी तुकै नासाम तोङ गोकिवी। दोजो ललाइ मीतिवी नासाम ति कुतुक कुतुक वोसुङ सिसिन ती ति कोन्‍छ्‍योककी ख्‍यिराङला ठछ्‍येली छ्‍या देन्‍गिवी।

फिलिप्पी 3:15 Iomraidhean Croise

मत्ती 5:48

तुक क्‍यानी देवाच्‍येनला ज्‍यु वोतुप ख्‍यिरा पपा कोन्‍छ्‍योक तेरी ताम्‍ङेला टेके वोतुप दोके ख्‍यिराङ साङ तेरी ताम्‍ङेला टेके वुङ गोकिवी।”

लूका 11:13

ख्‍यिराङ दुक्‍टा वोनी साङ खोरो पेजातिवाला च्‍यालक ल्‍यामु तेर शेकिवी सिसिन देवाच्‍येनला ज्‍यु वोतुप ख्‍यिरा पपी याङ खोला लोङ्‍गुपतिवाला चुका मङ्‍मु खोरे थु चाङ्‍मा मनङ्‍गिवी रो?”

यूहन्‍ना 6:45

‘तेरी मीतिवी कोन्‍छ्‍योककी सुङ नेमा लोप्‍किवी।’ सिनी कोन्‍छ्‍योककी लुङ्‍तेम्‍बातिवी टि वे। सी पपी सुङ ङ्‍येन्‍नी खोकी सुङ्‍गुप सुङ लोप्‍किवे, तिवा तेरी ङे ते वुङ्‍गिवी।

यूहन्‍ना 7:17

चुका मी तीकी कोन्‍छ्‍योककी नोवाला दोके युकिवे, तीकी ङे तेरुप येन्देन ति कोन्‍छ्‍योक नेमा वावु यिनाङ की, ङे राङ तेरुप यिन सिनी हाक्‍कोकिवी।

रोमी 15:1

दाक्‍पु तेपा रम्‍बु वोतुपतिवी तेपा रम्‍बु मेतुपतिवी नोरुप लाका क्‍यासिनाङ तिवाला हम क्‍यानी दे गोकिवी। दाक्‍पु तिराङ गा कितुप लाका माकी।

१ कोरिन्‍थी 14:20

अच्‍युनुपतिवा, ख्‍यिराङ आङा टिक्‍पेतिवी दोके नासाम मातोङ। दुक्‍टाकी थोक्‍ला ति आङा टिक्‍पेकी दोके किसा, यिने नासाम ति मी छ्‍येकी दोके वुङ गोकितो।

१ कोरिन्‍थी 2:6

यिन्‍सिनाङ कोन्‍छ्‍योकला तेपा रम्‍बु वोतुपतिवाला ताम्‍ङे कितुप पेला ङ्‍यिराङ दी रिक्‍पाकी कोर्ला राङ ख्‍याप्‍टाक किवी। दी रिक्‍पा ति दी जम्‍बुलिङकी रिक्‍पा ति मिन, जम्‍बुलिङकी ओङ्‍ज्‍येन कितुप मीतिवी रिक्‍पा साङ मिन। तिवी रिक्‍पा याङ वुतुङ के तोर्नी डिवी।

गलाती 5:10

ख्‍यिराङ तेरी यम्‍बा थाकाला मोडोवी सिनी ङ चोवो कोन्‍छ्‍योकला तेन्‍तेन वे। यिने सी खोकी मुला वोतुप मीला लुनी टिन डिवे, तीला कोन्‍छ्‍योककी पर्च्या फोकिवी।

एफिसी 1:17

तमा दाक्‍पी चोवो येशू ख्रीष्‍टकी मोवा वोतुप पपा कोन्‍छ्‌योककी ख्‍यिराङला खोकी च्‍यु ताङ रिक्‍पाकी सेम नङ्‍नी खोला ङो शे थुप्‍शी सिनी ङ नरी मोपोर कितिन।

कलस्सी 1:28

ङ्‍यिराङ दी ख्रीष्‍टकी कोर्ला मीतिवा तेरीला ख्‍याप्‍टाक कितिन। तमा तेरीकी ख्रीष्‍टला तेपा रम्‍बु क्‍यानी कोन्‍छ्‍योककी थोङ्‍दाङला ल्‍यामु वोतुप जोपला ङ्‍यिराङला वोतुप तेरी रिक्‍पा नेसुर तिवा रे रेला टोङ्‍गु ताङ येन्‍देन तेर्किवी।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

१ थेसलोनिकी 4:9

त अच्‍युनुपतिवा ङ्‍यिङ्‍ज्‍येकी कोर्ला याङ सी साङ ख्‍यिराङला टिक गोवु मे। च्‍यिलासिसिन च्‍यिककी च्‍यिकला ङ्‍यिङ्‍ज्‍ये कितुपकी कोर्ला ति ख्‍यिराङला कोन्‍छ्‍योक नेसुर राङ येन्‍देन ङ्‍येतुप तप्‍की

२ तिमोथी 3:17

तुक क्‍यानी कोन्‍छ्‍योकला शब्‍ज्‍यी कितुप मी टडिक क्‍यानी तेरी लाका ल्‍यामु कितुप च्‍युङ्‍शी सिनी कोन्‍छ्‍योककी दी सुङ ति दाक्‍पी थोक्‍ला नङ्‍गुप यिन।

हिब्रू 5:14

यिने समा क्‍योङ्‍बु याङ मी ज्‍येन्‍दातिवी थोक्‍ला तिराङ यिन। तुका मीतिवी नरी तालिम क्‍यावु तप्‍की ल्‍यामु ताङ मेलोवा काङ यिन सिनी बे थुपुप गिवी।

१ यूहन्‍ना 2:5

यिने चुका मी ति कोन्‍छ्‍योककी सुङला युकिवे, तीकी कोन्‍छ्‍योकला सेम ने ङ्‍यिङ्‍ज्‍ये क्‍यावु ति वुतुङ के तेरी छेकिवी। तुक क्‍यासिन दाक्‍पी मिजीला कोन्‍छ्‍योक वे सिरुप ति हाक्‍कोकिवी।