फिलिप्पी 3:11 - कोन्छ्‌योककी सुङ

¹¹ तमा च्‍युङ्‍सिन ङ शिसिमा शेप ने सेन्‍बु लङ थुप्‍शी।

फिलिप्पी 3:11 Iomraidhean Croise

लूका 14:14

तुक क्‍यासिन ख्‍युरुङला मोलाम थोप्‍किवी, च्‍यिलासिसिन तिवी ख्‍युरुङला किन्‍बा लोक्‍नी तेर मुथुपी। यिने कोन्‍छ्‍योककी थोङ्‍दाङला टेङ्‍बु वोतुपतिवा शेप ने सेन्‍बु लङ्‍गुप पेला कोन्‍छ्‍योककी ख्‍युरुङला किन्‍बा लोक्‍नी नङ्‍गिवी।”

यूहन्‍ना 11:24

ती थोसिमा मार्थाकी खोला “शेप मीतिवा शेप ने सेन्‍बु लङ्‍गुप जम्‍बुलिङकी तिङ्‍मी तुजेला ङे नुप येलुङ सेन्‍बु लङ्‍गिवी सिरुप ति ङला छ्‍या वे।” सिनी सिक्‍यासुङ।

लोमा छ्‍येतिवी लाका 23:6

तमा ते जोम्‍बुप मीतिवी नाङ ने छो च्‍यिक ति सदुकी ताङ छो यम्‍बा ति फरिसीतिवा नोक सिरुप ति हाक्‍कोनी पावलकी थोर ग्‍यप्‍नी दुक सिक्‍यासुङ, “ओ अच्‍युनुपतिवा, ङ फरिसी यिन, ङे पपाआमा साङ फरिसी यिन। कोन्‍छ्‍योककी शेपतिवा सेन्‍बु लङ्‍गुप रेवाकी थोक्‍ला राङ ख्‍यिरा ङला दे ठिम कियी वे।”

लोमा छ्‍येतिवी लाका 26:7

दाक्‍पी गिपा च्‍यिङ्‍ङीकी मीतिवी ङ्‍यी ताङ नुप्‍ज्‍या सेम च्‍यिक राङ च्‍युङ्‍नी ती कोन्‍छ्‍योककी थाक्‍छ्‍येन नङ्‍गुप ति ङ्‍येतुपला सोवा तेक्‍नी रेवा क्‍यासुङ। ओ ग्‍येल्‍वु, दी रेवाकी थोक्‍ला यहूदीतिवी ङला क्‍येन ग्‍यम वे।

लोमा छ्‍येतिवी लाका 27:12

ते टु ग्‍यकुप दासाला ति गुन्‍बी लला देतुप कले वोतुप तप्‍की अछ्‍योता सेक टु तङ्‍नी फोनिक्‍सला गल्‍नी गुन्‍बी लला तेराङ देतुप सिनी मी माङ्‍शोककी टोङ्‍गु बिन्‍सुङ। फोनिक्‍स ति क्रेटकी टु ग्‍यकुप दासा यी यिन। ती दासा ति ङ्‍यिमा फोकुप थाकाला ख्‍येल्‍गिवी।

रोमी 11:14

मिरिक यम्‍बाकी मीतिवी थोक्‍ला यहूदीतिवी पर्ने मी ललाइ ठतोक लानी कोन्‍छ्‍योककी थाकाला लोक्‍नी थर्वा ङ्‍येशी सिरुप ति ङे रेवा यिन।

१ कोरिन्‍थी 15:23

यिने सेन्‍बु लङ्‍गुप पेला रिम्‍बा क्‍यानी सेन्‍बु लङ्‍गिवी। तेरी सिनाङ गोमाला ख्रीष्‍ट टुङ्‍गुप ने ङोसु लावु यिन। तमा खो फेवु तुजेला खोला तेपा कितुपतिवा तेरी शेप ने सेन्‍बु लङ्‍गिवी।

१ कोरिन्‍थी 9:22

तमा तेपा रम्‍बु मेतुपतिवाला ख्रीष्‍टला तेपा कि ज्‍यितुपला ङ साङ तेपा मेतुपतिवा दोके राङ च्‍युङ्‍यिन। मी ललाइ ललाइला ख्रीष्‍टला तेपा कि ज्‍यितुपला ङ ति नम्‍बा तेरीकी मीतिवा दोके राङ च्‍युङ्‍यिन।

१ कोरिन्‍थी 9:27

ङ ङे जुला छासे दुक्‍पा वोसिनाङ चिर्मु चेपला तालिम कितुप मी दोके क्‍यानी डेकला देतिन। मिसियाङ मी यम्‍बाला लेन ल्‍यामु ख्‍याप्‍टाक क्‍यासिमा ङ ति छ्‍यक्‍तक थोपुपला फम्‍बुप मी दोके च्‍युङ्‍गिवी।

२ कोरिन्थी 11:3

यिने शैतानकी रुल नेसुर जिनोक जोनी हव्‍वाला क्‍येन बिन्‍दुप दोके ख्‍यिरा सेम ति ख्रीष्‍टला वोतुप टेङ्‍बु ताङ खोकी थोक्‍ला सेम च्‍यिक राङ जोनी तेन्‍तेन कितुप नेसुर कुतुक डिते सिनी ङला ज्‍यिवा लान वे।

१ थेसलोनिकी 3:5

तुक क्‍यानी ङ तरोङ साङ हम क्‍यानी दे माथुप्‍नी ती खोक्‍पा ल्‍हाप शैतानकी ख्‍यिराङला साङ खोक्‍पा ल्‍हासिन ङ्‍यिरा क्‍यावु टेमु ति तेर्मे राङ डिते सिनी ज्‍यिवा लानी ख्‍यिरा तेपा चुकै नोक सिनी ल्हापला तिमोथीला ख्‍यिरा ते तङ्‍गुप यिन।

२ थेसलोनिकी 2:3

सी साङ ख्‍यिराङला काङगी थोक्‍ला साङ जिनोक जोनी मुलुशी। च्‍यिलासिसिन गोमाला कोन्‍छ्‍योककी तेन्‍दोकला लङ्‍गुप मी दिक्‍छेनतिवा बङी वुङ्‍गुप ताङ ना तोङ गोवु दुक्‍टाकी गिपा माथेन्‍दा सेक्‍ला ती तुजे ति मेवी।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

हिब्रू 11:35

तुक राङ क्‍यानी तेपा नेसुर राङ ललाइ पुम्‍पेजातिवी खोप्‍रे शेप मिछाङतिवा शेप ने सेन्‍बु लावु थोङ्‍सुङ। यिने यम्‍बा ललाइकी शिसिमा मङ मिजी ल्‍यामु थोप्‍शी सिनी चोन्‍खाङला शोरुप ने थेन्‍दुप साङ माङ्‍येन्‍नी चो पाङ्‍शर तङ्‍सिनाङ छेटाङ खुर्सुङ।

ज्‍यल्‍का 20:5

शेप ने सेन्‍बु लावु तङ्‍बु ति दी राङ यिन। थल्‍माला सेन्‍बु लावु मीतिवा मोलाम थोपुप ताङ चाङ्‍मा वोतुप यिन। तिवाला थेङ्‍मा ङ्‍यिवाला शेपकी साङ काङ कि मुथुपी। तिवा कोन्‍छ्‍योक ताङ ख्रीष्‍टकी कोङ्‍यार च्‍युङ्‍नी ख्रीष्‍ट ताङ मुला राङ लो तोङ्‍डा च्‍यिक सेक ग्‍येला किवी। तमा यम्‍बा शेपतिवा ति लो तोङ्‍डा च्‍यिक माछेवा सेक सेन्‍बु मालु।