फिलिप्पी 2:8 - कोन्छ्‌योककी सुङ

⁸ तमा खोरुङला मो पाप्‍नी शि राङ गोसिनाङ कोन्‍छ्‍योककी कला ङ्‍येन्‍सुङ। तीकी तेन्‍दोक ति ग्‍यङ्‍शिङला कल्‍नी टुङ्‍गुप यिन।

फिलिप्पी 2:8 Iomraidhean Croise

मत्ती 17:2

ते लोमातिवी दोङ्‍ला येशूकी जुजम ग्‍युर्सुङ। तमा खोकी शाल ति ङ्‍यिमा शरुप दोके वो ग्‍यप्‍सुङ, खोकी नुम्‍बुप नम्‍सा ति वो ग्‍यकुप दोके छासे कर्मु गाल्‍सुङ।

मत्ती 26:39

तमा खो ति चेयी फेचेक फेप्‍नी खवुतुङ्‍मा ज्‍युनी दुक सिनी मोपोर क्‍या नाङ्‍सुङ, “ओ ङे पपा, च्‍युङ थुप्‍सिन दी छेटाङकी कोरा ति ङ नेसुर दोनी नाङ। यिन्‍सिनाङ ङे नोवा दोके मिन, पपी नोवा दोके राङ च्‍युङ्‍शी।”

मत्ती 26:42

येलुङ येशू फेचेक फेप्‍नी, “ओ ङे पपा, दी छेटाङकी कोरा ति ङे माथुवा क्‍यानी दोनी डो मुथुपी सिसिन पपी नोवा दोके राङ च्‍युङ्‍शी।” सिनी मोपोर क्‍यासुङ।

लूका 9:29

खोकी मोपोर कियी वोतुप पेला खोकी शाल ति ग्‍युर्सुङ, तमा खोकी नम्‍सा ति वो ग्‍यकुप दोके छासे कर्मु गाल्‍सुङ।

यूहन्‍ना 10:18

ङे मिजी ति ङ नेमा सी साङ ठोनी डो मुथुपी, यिने ङ ङरा नोवाकी राङ शि ज्‍यितिन। ङे मिजी शि ज्‍यितुप ओङ साङ ङे मुला वे, येलुङ लङ्‍गुप ओङ साङ ङे मुला वे। ती ति ङे पपी ङला कि सिनी क नङ्‍गुप यिन।”

यूहन्‍ना 14:31

यिने ङे पपाला ङ्‍यिङ्‍ज्‍ये कितुप ताङ पपी ङला काङ सुङ वे, तुकै राङ ङे क्‍यावु ति जम्‍बुलिङकी मीतिवी हाक्‍कोशी सिरुप ङे नोवा वे। लोसा, त याङ दाक्‍पु दे नेसुर डोप।”

यूहन्‍ना 15:10

ङ पपी कला ङ्‍येन्‍नी खोकी ङ्‍यिङ्‍ज्‍येला देतुप दोके ख्‍यिराङ ङे कला ङ्‍येन्‍सुङ सिसिन ङे ङ्‍यिङ्‍ज्‍येला देकिवी।

यूहन्‍ना 4:34

तमा येशूकी लोमातिवाला सुङ्‍सुङ, “ङे समा ति ङला तोङ्‍गुप कोन्‍छ्‍योककी नोवाला वोतुप दोके कितुप ताङ खोकी ङला कि ज्‍यितुप लाका तेरी कितुप यिन।

लोमा छ्‍येतिवी लाका 8:33

तुक राङ क्‍यानी मीतिवी खोला मारे तोङ्‍गुप पेला टेके ठिम क्‍या माबिन। काङ खोकी गिपाकी मेलोवा क्‍यावु कोर्ला सी ताम्‍ङे कि थुप्‍किवी? च्‍यिलासिसिन खोकी मिजी ति दी जम्‍बुलिङ ने तोर्नी गाल।”

रोमी 5:19

च्‍यिलासिसिन आदम मी च्‍यिककी कोन्‍छ्‍योककी कला माङ्‍येन्‍दुप तप्‍की मी बङी दिक्‍छेन च्‍युङ्‍गुप दोके त याङ येशू ख्रीष्‍ट मी च्‍यिककी कोन्‍छ्‍योककी कला ङ्‍येन्‍दुप तप्‍की मी बङीला दिक्‍पा ने थर्नी टेङ्‍बु च्‍युङ्‍सुङ।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

गलाती 3:13

ख्रीष्‍टकी ग्‍यङ्‍शिङला कल्‍नी दाक्‍पी थोक्‍ला पर्च्या खुर्नी दाक्‍पुला मोशाकी ठिम तेरी मातेन्‍नी वुङ्‍गुप पर्च्या ने र्‍होक्‍सुङ। च्‍यिलासिसिन ग्‍यङ्‍शिङला कलुप ति तेरी पर्च्या फोकुप यिन सिनी सुङला टि वे।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 12:2

तमा दाक्‍पी तेपा गो जुवु ताङ ती तेरी छे ज्‍यितुप चोवो येशूला तिराङ नरी ल्‍हाप। खोकी खोरे दोङ्‍ला वोतुप गाकी थोक्‍ला मीतिवी मारे तङ्‍सिनाङ काङ नो माक्‍यानी हम क्‍यानी ग्‍यङ्‍शिङ लोला टुङ्‍सुङ। तमा कोन्‍छ्‍योककी ग्‍येल्‍ठिककी यावी थाकाला ज्‍युसुङ।

हिब्रू 12:4

ख्‍यिरा याङ तन्‍दा सेक सी साङ दिक्‍पा मिकिवु तेन्‍दोकला रङगी मिजी साङ तेर गोवु क्‍यानी थमु ग्‍यक मागो वे।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।