फिलिप्पी 2:6 - कोन्छ्‌योककी सुङ

⁶ खो ति कोन्‍छ्‍योककी जुजमला वोसिनाङ खो कोन्‍छ्‍योक ताङ मुला च्‍यिक्‍पा राङ यिन सिनी खोकी ओङ छोलुप नो माक्‍या,

फिलिप्पी 2:6 Iomraidhean Croise

मत्ती 1:23

“ल्‍होसा, जेन्‍दी माक्‍यावु पुम्‍पेजा यीला पुज्‍युङ यी क्‍येकितो, तमा मीतिवी खोला इम्‍मानुएल सिनी सिवितो।” दी इम्‍मानुएलकी तेन्‍दोक ति ‘कोन्‍छ्‍योक दाक्‍पी मुला ज्‍यु वे।’ सिक्‍यावु यिन।

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 10:30

ङ ताङ पपा ति च्‍यिक राङ यिन।”

यूहन्‍ना 10:33

तमा यहूदीतिवी खोला दुक सिक्‍यासुङ, “ख्‍योरो लाका ल्‍यामु क्‍यावु तप्‍की ङ्‍यिरा ख्‍युरुङला दो बेपुप छलुप मिन, यिने कोन्‍छ्‍योकला मारे तङ्‍गुप तप्‍की यिन। ख्‍युरुङ मी यिन्‍सिनाङ खुरुङला राङ ङ कोन्‍छ्‍योक यिन सिनी सिनोक।”

यूहन्‍ना 10:38

यिने ङे ती लाका क्‍यावु यिन्‍सिन ङला तेपा माक्‍यासिनाङ ती लाकातिवाला ति तेपा की। तुक क्‍यासिन पपा ङे मुला वे, तमा ङ पपी मुला वे सिरुप ति ख्‍यिरा हाक्‍कोकिवी।”

यूहन्‍ना 14:28

ङे, ‘ङ डोयी वे, तमा येलुङ ख्‍यिरा ते लोक्‍नी वुङ्‍गिवी।’ सिनी सिक्‍यावु ति ख्‍यिरा थोनी वे। ख्‍यिरा ङला ङ्‍यिङ्ज्‍ये क्‍यावु यिन्‍सिन ङ पपी ते डोप ति ख्‍यिराङ गा कितुप्‍जा, च्‍यिलासिसिन पपा ङ सिनाङ चोछ्‍ये वे।

यूहन्‍ना 14:9

येशूकी तीला सुङ्‍सुङ, “फिलिप, दोजोयी पेला सेक ङ ख्‍यिरा मुला वोसिनाङ ख्‍योरो ङला ङो मेशेवी? सी ङला थोङ वे, तीकी पपाला थोङ्‍गुप यिन। यिने च्‍यिला ख्‍युरुङ ‘ङ्‍यिराङला पपा छ्‍या तेन।’ सिनी सिवी?

यूहन्‍ना 17:5

ओ पपा, जम्‍बुलिङ ज्‍येङ्‍गुप सिनाङ गोमाला पपा ताङ ङे मुला वोतुप ती मोवा नेसुर पपी थोङ्‍दाङला ङला मोवा च्‍युङ च्‍यी।”

यूहन्‍ना 20:28

तमा थोमाकी खोला “ओ ङे चोवो, ओ ङे कोन्‍छ्‍योक।” सिनी सिक्‍यासुङ।

यूहन्‍ना 5:18

ती ताम्‍ङे थोनी यहूदीतिवी येशूला मङ सेतुप नो क्‍यासुङ, च्‍यिलासिसिन खोकी ङासोप ङ्‍यिमा मेतेन्‍दुप तिराङ मिन, खुरुङ ति कोन्‍छ्‍योक ताङ च्‍यिक्‍पा राङ जोनी कोन्‍छ्‍योकला ति खोरे पपा यिन सिनी सुङ्‍नोक।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

रोमी 9:5

ती तिराङ मिन, तिवा ति अब्राहाम ताङ इसहाक ताङ याकूबकी गिपातिवा यिन। येशू ख्रीष्‍ट साङ तिवी गिपा नेमा राङ क्‍येवु यिन। ती येशू ख्रीष्‍ट ति जम्‍बुलिङ तेरीकी खला चोछ्‍ये वोतुप कोन्‍छ्‍योक यिन। खोला राङ नरी सोवा वुङ्‍शी, आमिन।

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

हिब्रू 1:3

खोकी सेवुकी कोन्‍छ्‍योककी मोवा छासे चोछ्‍येवु वोतुप ति छ्‍या देन्‍गिवी, तमा खो ति वुतुङ के कोन्‍छ्‍योक दोके राङ यिन। खोकी खोरो ङार छ्‍येवु सुङ नेसुर राङ स ताङ नामगी तेरी च्‍यालकतिवी खला ग्‍येला किवी। मीतिवाला दिक्‍पा ने थरुप लाका सिन्‍सिमा खो देवाच्‍येनला चोछ्‍येवु कोन्‍छ्‍योककी छ्‍याक यावी थाकाला ज्‍यु वे।

हिब्रू 1:6

यिने खोकी खोरे पुज्‍युङ छ्‍येला जम्‍बुलिङला तोङ्‍गुप पेला दुक सुङ्‍सुङ, “कोन्‍छ्‍योककी तेरी देवाच्‍येनकी लेन क्‍योलुप थुतिवी तीला राङ सोवा देक्‍शी।”

हिब्रू 1:8

यिने पुज्‍युङकी कोर्ला ति खोकी दुक सुङ्‍सुङ, “ओ कोन्‍छ्‍योक, चोवोकी ग्‍येल्‍ठिक ति नरीकी नरी लुकिवी। चोवोकी टेङ्‍बु क्‍यानी ग्‍येला क्‍या नङ्‍गिवी।

हिब्रू 13:8

येशू ख्रीष्‍ट दाङ ताङ हारिङ तमा नरीकी नरी च्‍यिक्‍पा राङ ज्‍युकिवी।

ज्‍यल्‍का 21:6

येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।