फिलिप्पी 2:25 - कोन्छ्‌योककी सुङ

²⁵ ङे नासामला इपाफ्रोडिटसला ख्‍यिरा ते तोङ गोवु ङे थोङ्‍सुङ। ती ति ङे नुप दोके क्‍यानी ङे मुला राङ लाका क्‍यासुङ, तमा लेन ल्‍यामु ख्‍याप्‍टाक कितुपला थमु ग्‍यकुप मक्‍मी दोके च्‍युङ्‍सुङ। तीकी ख्‍यिरा लेन ति ङला खुर्नी लेसुङ, ती ति ङला दाल्‍जा कितुप थोक्‍ला ख्‍यिरा ङे ते तङ्‍गुप यिन।

फिलिप्पी 2:25 Iomraidhean Croise

यूहन्‍ना 13:16

ङ ख्‍यिराङला टेङ्‍बो सिरिन, लावा खोरो ज्‍यिन्‍दाक सिनाङ छ्‍ये मेवी, तमा लेन क्‍योलुप मी ति तीला तोङ्‍गुप ति सिनाङ छ्‍ये मेवी।

यूहन्‍ना 17:18

पपी ङला जम्‍बुलिङला तङ नङ्‍गुप दोके ङे साङ तिवाला जम्‍बुलिङला तङ्‍यिन।

रोमी 16:3

ख्रीष्‍ट येशूकी कोर्ला ङे मुला राङ शब्‍ज्‍यी कितुप ङे दाल्‍जा प्रिस्‍का ताङ अकिलासला साङ टसी देलेक वोतो।

रोमी 16:9

तमा ख्रीष्‍ट येशूकी कोर्ला ङे मुला राङ शब्‍ज्‍यी कितुप उर्बानस ताङ ङे ङ्‍यिङ्‍ज्‍येवु दाल्‍जा स्‍ताखुसला साङ टसी देलेक वोतो सिनी सिसा।

१ कोरिन्‍थी 3:9

ङ्‍यिराङ ति कोन्‍छ्‍योककी थोक्‍ला मुला राङ लाका कितुपतिवा तिराङ यिन। तमा ख्‍यिराङ ति कोन्‍छ्‍योककी शिङ ताङ खोकी जोवु खाङ्‍बा यिन।

२ कोरिन्थी 2:13

यिने ङे मुला लाका कितुप नुप तीतसला ते माठेसिमा ङला लोदिमु माच्‍युङ। तुक क्‍यानी ते वोतुप मीतिवी मु नेसुर क्‍येनी माकेडोनियाला गलिन।

फिलिप्पी 2:26

च्‍यिलासिसिन तीकी ख्‍यिराङ तेरीला छासे ठेतुप नोकिनोक। तमा ती अमोछ्‍योवु हाक्‍कोनी ख्‍यिराङ तीकी थोक्‍ला सेम्‍दुक क्‍यावु थोसिमा ती ति मङ यर्मिन मर्मिन गाल्‍सुङ।

फिलिप्पी 4:18

ख्‍यिरा इपाफ्रोडिटसला कल्‍नी तङ्‍गुप बुल्‍वा ति ङे लकला ख्‍येल्‍सुङ। ती बुल्‍वातिवा ङे थोप गोवु सिनाङ मङ यिन। ती ति टी जङ्‍बु खाप पो दोके ताङ कोन्‍छ्‍योकला गा लङ्‍गुप ताङ खोकी सेमला डोप जिन्‍बा दोके यिन।

फिलिप्पी 4:3

ङ ताङ मुला लाका ल्‍यामु कितुप दाल्‍जो, ङ ख्‍युरुङला साङ सिरिन। ती आम्‍पुमतिवाला दाल्‍जा किटे किसा। च्‍यिलासिसिन ङ लेन ल्‍यामु ख्‍याप्‍टाक कितुप पेला तिवी क्‍लेमेस ताङ ङे मुला वोतुप यम्‍बा दाल्‍जातिवी मुला लाका टेमु क्‍यासुङ। तमा कोन्‍छ्‍योककी तिवी मिङ ति खोकी मिजीकी थेप नाङ्‍ला टि वे।

कलस्सी 1:7

दी कोन्‍छ्‍योककी कटिन ति ङ्‍यिरा मुला राङ शब्‍ज्‍यी कितुप दाल्‍जा इपाफ्रास नेसुर ख्‍यिराङला लापुप यिन। ती ति ङ्‍यिरा छापला ख्‍यिरा पर्ला ख्रीष्‍टकी थोक्‍ला लाका कितुप खोङ्‍तेर्मु वोतुप नुप यिन।

कलस्सी 4:11

युस्‍तस सिरुप येशूकी साङ ख्‍यिराङला टसी देलेक सिनी तङ वोतो। यहूदीतिवी पर्ला तिवा ति कोन्‍छ्‍योककी ग्‍येल्‍खापकी थोक्‍ला ङे मुला राङ लाका कितुपतिवा यिन। वुतुङ के तिवी ङला छासे टोङ्‍गु बिन्‍सुङ।

१ थेसलोनिकी 3:2

कोन्‍छ्‍योककी सुङ ख्‍याप्‍टाक कितुप दाक्‍पी नुप तिमोथीला ख्‍यिरा ते तङ्‍यिन। च्‍यिलासिसिन तीकी ख्‍यिराङला तेपा रम्‍बु क्‍यानी दे ज्‍यितुपला ताङ टोङ्‍गु तेरुपला ताङ

फिलेमोन 1:24

तमा ङ ताङ मुला राङ लाका कितुप मर्कूस ताङ अरिस्‍तार्खस ताङ डेमास ताङ लूकाकी साङ टसी देलेक सिनी तङ वोतो।

हिब्रू 3:1

तुक क्‍यानी कोन्‍छ्‍योककी कताङ नङ्‍गुप चाङ्‍मा वोतुप अच्‍युनुपतिवा, दाक्‍पी ख्‍याप्‍टाक क्‍यावु लोमा छ्‍ये ताङ कोङ्‍यार छ्‍ये यिन्‍दुप येशूला नासाम तोङ।