फिलिप्पी 2:2 - कोन्छ्‌योककी सुङ

² ख्‍यिराङ सेम च्‍यिक्‍पा राङ च्‍युङ्‍गुप ताङ ङ्‍यिङ्‍ज्‍ये च्‍यिक्‍पा राङ कितुप ताङ नासाम च्‍यिक्‍पा राङ तोङ्‍गुप ताङ तेरी थिन्‍नी ङला कशेन गा लोङ।

फिलिप्पी 2:2 Iomraidhean Croise

यूहन्‍ना 3:29

नमाला जेन्‍दी कितुप ति माक्‍पा यिन, यिने माक्‍पी क्‍योल्‍मिन ति माक्‍पी चाला लान देनी माक्‍पी वोरु थोसिमा छासे गा किवी। तुक राङ क्‍यानी ङला छासे गा ला वे।

लोमा छ्‍येतिवी लाका 1:14

ती लोमातिवा ति पुम्‍पेजातिवा ताङ येशूकी आमा मरियम ताङ खोकी नुपतिवा ताङ मुला जोम्‍नी सेम च्‍यिक राङ थिन्‍नी मोपोर क्‍या क्‍यावा देकिनोक।

लोमा छ्‍येतिवी लाका 2:1

ती ज्‍युक्‍ला यहूदीतिवी पेन्‍तिकोस सिरुप तुछ्‍येन यी लेसुङ। ती तुछ्‍येनला तेपा कितुप मीतिवा दासा च्‍यिकला राङ जोम्‍नोक।

लोमा छ्‍येतिवी लाका 2:46

तिवा ङ्‍यिमी टेङ सेम च्‍यिक्‍पा राङ च्‍युङ्‍नी यहूदी ल्‍हङाङला जोम्‍गिनोक। तमा खाङ्‍बा खाङ्‍बाला कताङ्‍नी मुला राङ देनी सेम गा ताङ क्‍यानी समा सेनोक,

लोमा छ्‍येतिवी लाका 5:12

ती पेला लोमा छ्‍येतिवी छासे मिच्‍यिक्‍पाकी हलेवु लाकातिवा मीतिवाला छ्‍या तेन्‍सुङ। तमा तेपा कितुपतिवा तेरी मुला राङ ल्‍हङाङकी चाला वोतुप सोलोमनकी लेङाङ खला नरी जोम्‍गिनोक।

रोमी 12:16

तेरीकी मुला सेम च्‍यिक राङ जोनी थिन्‍नी दे, अम्‍बारङ्‍शिङ माकी, यिने मी ङ्‍याम्‍छ्‍युङतिवी दला शु। नाम्‍साङ ङ राङ येन्‍देन वोतुप यिन सिनी नो माकी।

१ कोरिन्‍थी 1:10

अच्‍युनुपतिवा, चोवो येशू ख्रीष्‍टकी मिङला ङ ख्‍यिराङला ठाकुरे सिरिन। ख्‍यिराङ च्‍यिक ताङ च्‍यिककी मुला थिन्‍नी दे। ख्‍यिरा पर्ला ख्‍ये पेतुप लाका माकी, यिने सेम च्‍यिक राङ च्‍युङ्‍नी दे।

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

२ कोरिन्थी 2:3

गोमाला ङे ख्‍यिराङला ती यिकी टिवु ति ङ ख्‍यिरा ते वुङ्‍गुप पेला ङला गा लोङ्‍गुप मीतिवी राङ ङला सेम्‍दुक मोलोङ्‍शी सिनी यिन। च्‍यिलासिसिन ङला सेम गा लङ्‍गुप ति ख्‍यिराङ तेरीला सेम गा लङ्‍गुप यिन सिरुप ति ङला तेन्‍तेन वे।

२ कोरिन्थी 7:7

तीतस वासिमा तिराङ मिन, तीकी ख्‍यिरा नेसुर ङ्‍येतुप टोङ्‍गुकी कोर्ला लेन खुन वासिमा ङला टोङ्‍गु ङ्‍येसुङ। ख्‍यिरा ङला छासे ठेतुप नो क्‍यावु ताङ ख्‍यिरा गोमाला ङला मेलोवा क्‍यावु यिन सिनी ङे थोक्‍ला पप क्‍यावु ताङ छासे क्‍यानी ङे छ्‍योला लावु ति तीकी तेरी ङला सिक्‍यासुङ। तुक क्‍यानी ङला मङ सेमला गा लासुङ।

फिलिप्पी 1:4

तमा ख्‍यिराङ तेरीकी थोक्‍ला ङ मोपोर कितुप पेला नरी कोन्‍छ्‍योकला सेम गा क्‍यानी मोपोर कितिन।

फिलिप्पी 2:16

मिजीकी सुङला ख्‍यिराङ रम्‍बु क्‍यानी देता, तमा ङे लाका ताङ हुर्ताक क्‍यावु ति तेर्मेला मोडोवी। तुक क्‍यासिन ख्रीष्‍ट फेवु तुजेला ख्‍यिराङ को छ्‍येवु तप्‍की ङे सेमला छासे गा लङ्‍गिवी।

फिलिप्पी 2:20

च्‍यिलासिसिन तिमोथी दोके सेम टेङ्‍बु क्‍यानी ख्‍यिरा थोक्‍ला पप कितुप मी ति ङे मुला सु साङ मे।

फिलिप्पी 4:2

इयोदिया ताङ सुन्‍तुखेला ङ छासे क्‍यानी गोङ्‍बा शोयिन, ख्‍यिराङ ङ्‍यिकर चोवोकी मीतिवा यिन्‍दुप तप्‍की थिन्‍नी देता।

कलस्सी 2:5

ङ ख्‍यिरा पर्ला मेसिनाङ ङे सेम ति ख्‍यिरा पर्ला राङ वे। ख्‍यिराङ येर मर माक्‍यानी ख्रीष्‍टला तेपा क्‍यानी डेकला देतुप ति ल्‍हानी ङ गा कितिन।

२ थेसलोनिकी 2:13

यिने चोवोकी ङ्‍यिङ्‍ज्‍येवु अच्‍युनुपतिवा, ख्‍यिरा थोक्‍ला कोन्‍छ्‍योकला ङ्‍यिराङ नरी थुचिछे बुलिन। च्‍यिलासिसिन कोन्‍छ्‍योककी गोमा नेज्‍यु ख्‍यिराङला खोकी थु चाङ्‍मा नेमा चाङ्‍मा जो नङ्‍गुपला ताङ कोन्‍छ्‍योक टेङ्‍बुला तेपा क्‍यानी शेप ने र्‍होकुपला खोकी पेन नङ्‍गुप तप्‍की यिन।

२ तिमोथी 1:4

ख्‍योरो सेम्‍दुक क्‍यानी मिक्‍च्‍युर तङ्‍गुप ति नासाम शर्नी ङ ख्‍युरुङला ठेयिन्‍दे लङ्‍गिनोक। ख्‍युरुङला ठेतुप ङ्‍येसिन ङला छासे सेम लोदिमु गिवी।

फिलेमोन 1:20

तुक क्‍यानी आङो, येशूला तेपा क्‍यावु तप्‍की ङे थोक्‍ला ओनेसिमसला तोजोयी ल्‍यामु किसा। तमा ख्रीष्‍टकी थोक्‍ला ङे सेमला लोदिमु जोनी नाङ।

२ यूहन्‍ना 1:4

ख्‍योरो पुज्‍युङपुमतिवा ललाइ ललाइ पपा कोन्‍छ्‍योककी नङ्‍गुप कला वोतुप दोके क्‍यानी खोकी सुङ टेङ्‍बुला युवु ति ङ्‍यिरा हाक्‍कोसुङ। तुक क्‍यानी ङ्‍यिराङला छासे गा लानी वोतो।

३ यूहन्‍ना 1:4

ङे ङ्‍यिङ्‍ज्‍येवु आङातिवा टेङ्‍बु क्‍यानी युकिनोक सिरुप ताम्‍ङे थोवु सिनाङ मङ गाकी लेन ति ङे थोक्‍ला काङ के वोतुप्‍जा?