फिलिप्पी 2:19 - कोन्छ्‌योककी सुङ

¹⁹ येशू ख्रीष्‍टकी नोवा वोसिन तिमोथीला ङमु राङ ख्‍यिरा ते तोङ्‍गुप्‍नो। तुक क्‍यासिन ख्‍यिरा लेन थोनी ङला गा लङ्‍गिवी।

फिलिप्पी 2:19 Iomraidhean Croise

मत्ती 12:21

तमा तेरी मिरिककी मीतिवा तीकी मिङला रेवा किवी।”

लोमा छ्‍येतिवी लाका 16:1

तेसुर पावलतिवा डर्बी ताङ लुस्‍त्राला साङ गाल। तमा लुस्‍त्राला तीकी तिमोथी सिरुप लोमाला ठेसुङ। ती तिमोथीकी आमा ति येशूला तेपा कितुप ताङ यहूदी गिपा यिनोक, पपा ति ग्रीककी मी यिनोक।

रोमी 15:12

येलुङ कोन्‍छ्‍योककी लुङ्‍तेम्‍बा यशैयाकी दुक सिनी टि वे, “यिशैकी गिपा नेसुर मिरा च्‍यिक फेप्‍नी यहूदी मिन्‍दुप मिरिक यम्‍बाकी मीतिवाला ओङ्‍ज्‍येन क्‍या नङ्‍गिवी, तमा यहूदी मिन्‍दुप मिरिक यम्‍बाकी मीतिवी खोला रेवा किवी।”

रोमी 16:21

ङे मुला राङ कोन्‍छ्‍योकला शब्‍ज्‍यी बुलुप तिमोथी ताङ ङे छेङ्‍गा लुकियस ताङ यासोन ताङ सोसिपात्रोसकी साङ ख्‍यिराङला टसी देलेक सिनी ताङ वोतो।

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

एफिसी 1:13

ती ख्रीष्‍ट नेसुर दाक्‍पु साङ कोन्‍छ्‌योककी सुङ टेङ्‍बु थोनी खोकी थाक्‍छ्‌येन नङ्‍गुप थु चाङ्‍माकी त ग्‍यप्‍नी वे। ती सुङ टेङ्‍बु ति ख्‍यिराङला दिक्‍पा ने थर ज्‍यितुप लेन ल्‍यामु यिन।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

फिलिप्पी 2:18

तुक राङ क्‍यानी ख्‍यिराङ साङ ङ ताङ मुला राङ छासे गा कि गोकिवी।

फिलिप्पी 2:28

ती तप्‍की तीला ख्‍यिरा ते तोङ्‍गुप ङला छासे नो वे। तीकी तेन्‍दोक ति तीला थोङ्‍सिमा ख्‍यिराङ गा किवी। तमा ङला साङ पप अला मलाङ्‍गिवी।

१ थेसलोनिकी 3:2

कोन्‍छ्‍योककी सुङ ख्‍याप्‍टाक कितुप दाक्‍पी नुप तिमोथीला ख्‍यिरा ते तङ्‍यिन। च्‍यिलासिसिन तीकी ख्‍यिराङला तेपा रम्‍बु क्‍यानी दे ज्‍यितुपला ताङ टोङ्‍गु तेरुपला ताङ

१ थेसलोनिकी 3:5

तुक क्‍यानी ङ तरोङ साङ हम क्‍यानी दे माथुप्‍नी ती खोक्‍पा ल्‍हाप शैतानकी ख्‍यिराङला साङ खोक्‍पा ल्‍हासिन ङ्‍यिरा क्‍यावु टेमु ति तेर्मे राङ डिते सिनी ज्‍यिवा लानी ख्‍यिरा तेपा चुकै नोक सिनी ल्हापला तिमोथीला ख्‍यिरा ते तङ्‍गुप यिन।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

याकूब 4:15

ख्‍यिरा तुक सिरुप छोलेयाङ बोरु “कोन्‍छ्‍योककी नोवा वोसिन, दाक्‍पु सेन्‍बु देनी दुकै कितुप तुकै कितुप।” सिनी सि गोकिवी।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।