फिलिप्पी 2:15 - कोन्छ्‌योककी सुङ

¹⁵ तुक क्‍यासिन ख्‍यिराङ क्‍येन मेतुप ताङ टेङ्‍बु च्‍युङ्‍नी सुर्क्योक्‍पा ताङ ख्‍यम गलुप मीतिवी पर्ला मडी मेतुप कोन्‍छ्‍योककी गिपा च्‍युङ्‍गिवी। तमा ख्‍यिराङ कर्मा शरुप दोके वो ग्‍यकिवी।

फिलिप्पी 2:15 Iomraidhean Croise

मत्ती 10:16

“ल्‍होसा, खटमुतिवी पर्ला लुकतिवा तङ्‍गुप दोके ङ ख्‍यिराङला तोङ्‍यिनो। तुक क्‍यानी ख्‍यिराङ रुल दोके च्‍यङ्‍बु ताङ गम्‍देर दोके क्‍येन मेतुप वुङ गोकितो।

मत्ती 17:17

तमा येशूकी “ओ तेपा माक्‍यानी सेम दुक्‍टा गलुप मीतिवा! ङ नम सेक ख्‍यिरा मुला देतुप्‍जा? नम सेक ङ ख्‍यिराङला हम क्‍यानी देतुप्‍जा? ती पेजाला दे टिनी शोक।” सिनी सुङ्‍सुङ।

मत्ती 5:45

तुक क्‍यासिन ख्‍यिराङ ति देवाच्‍येनला ज्‍यु वोतुप पपा कोन्‍छ्‍योककी पेजातिवा च्‍युङ्‍गिवी, च्‍यिलासिसिन कोन्‍छ्‍योककी मी ल्‍यामु ताङ मेलोवा ङ्‍यिकरला ङ्‍यिमी वोसिर ग्‍यक ज्‍यिकिवी, तमा मी टेङ्‍बु ताङ मेटेङ्‍बु ङ्‍यिकरला छ्‍यर्वा ग्‍यक ज्‍यिकिवी।

मत्ती 5:48

तुक क्‍यानी देवाच्‍येनला ज्‍यु वोतुप ख्‍यिरा पपा कोन्‍छ्‍योक तेरी ताम्‍ङेला टेके वोतुप दोके ख्‍यिराङ साङ तेरी ताम्‍ङेला टेके वुङ गोकिवी।”

लूका 1:6

तिवा ङ्‍यिकर कोन्‍छ्‍योककी थोङ्‍दाङला टेङ्‍बु नोक, तमा कोन्‍छ्‍योककी तेरी क ताङ ठिमला क्‍येन मेता क्‍यानी तेन्‍गिनोक।

लूका 6:35

यिने ख्‍यिरे डतिवाला ङ्‍यिङ्‍ज्‍ये की, तिवाला ल्‍यामु की, येलुङ लोक्‍नी ङ्‍येतुप रेवा माक्‍यानी छ्‍यावा बिन। तुक क्‍यासिन ख्‍यिराङला छ्‍यक्‍तक ग्‍येर्पु थोप्‍कितो, तमा ख्‍यिराङ चोछ्‍येवु कोन्‍छ्‍योककी पुज्‍युङ च्‍युङ्‍गितो। च्‍यिलासिसिन कोन्‍छ्‍योककी टेन मासम्‍बुपतिवा ताङ दुक्‍टातिवाला साङ च्‍यम्‍बा क्‍या नङ्‍गिवी।

यूहन्‍ना 5:35

यूहन्‍ना ति बर्नी ठछ्‍येली जोप दिप्‍ली दोके यिन, तमा ख्‍यिरा चेयी पर सेक तीकी ठछ्‍येलीला गा क्‍यासुङ।

लोमा छ्‍येतिवी लाका 2:40

पत्रुसकी यम्‍बा ताम्‍ङेतिवा साङ बङी सिक्‍यासुङ। तमा तिङ्‍ला तिवाला दुक सिनी टोङ्‍गु बिन्‍सुङ, “ख्‍यिराङ दी दुक्‍टाकी गिपा ने र्‍होकुप लाका किसा।”

लोमा छ्‍येतिवी लाका 20:30

ख्‍यिरा पर नेमा राङ मी मेलोक्‍पातिवा थेन्‍नी लोमातिवाला खोप्‍रे तिङ्‍ला टि डोपला ताम्‍ङे जिनोक जो थुप्‍किवी।

रोमी 16:19

ख्‍यिराङ खला ङ्‍येमु वोतुप ति तेरी मीतिवाला छ्‍या वे। तुक क्‍यानी ख्‍यिरा थोक्‍ला ङ छासे सेम गा लानी वे। यिने ख्‍यिराङ चुका ति टेङ्‍बु नोके, तीला राङ च्‍यङ्‍बु वुङ गोकिवी। चुका ति दुक्‍टा नोके, ती नेसुर कुतुक दे गोकिवी।

१ कोरिन्‍थी 1:8

तमा दाक्‍पी चोवो येशू ख्रीष्‍ट फेपुप तुजे सेक ख्‍यिराङ काङ साङ क्‍येन मेतुप जोपला खोकी ख्‍यिराङला रम्‍बु जो नङ्‍गिवी।

२ कोरिन्थी 6:17

येलुङ चोवो कोन्‍छ्‍योककी सुङ्‍गिवी, “ती तप्‍की ती दुक्‍टा कितुप मीतिवा नेसुर थेन्‍नी शोक। तमा तिवा नेसुर कुतुक दे। मेचेङ्‍गा वोतुप च्‍यालकतिवा काङ साङ थो मातोङ। तुक क्‍यासिन ङ ख्‍यिराङला सेमला लङ्‍यिन।”

एफिसी 5:27

तमा टेमा माछ्‌यावु ताङ ङ्‍येर्मा माच्‍यम्‍बुप ताङ काङ साङ मडी मेतुप डछ्‌येर्मु चर्च जोनी खोरुङला राङ छ्‌या देन्‍शी, तमा ती चर्च ति चाङ्‍मा ताङ क्‍येन मेतुप वुङ्‍शी सिनी यिन।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

फिलिप्पी 3:6

तमा टेमुकी कोर्ला सि गोवु यिन्‍सिन येशूला तेपा कितुप मीतिवाला ङे छेटाङ बिन्‍दुप यिन, तमा यहूदी ठिमला वोतुप टेङ्‍बुकी कोर्ला सि गोवु यिन्‍सिन ङ ति क्‍येन मेतुप मी यिन।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

१ तिमोथी 3:10

तुका मी ति गोमाला ल्‍यामु वोतुप मेतुप ल्हो, तमा क्‍येन मेतुप पङ्‍बु वोसिन तिराङ चर्चला ल्हाटे कितुप लाका किशी।

१ तिमोथी 3:2

यिने तुका चर्चला गोमा कितुप मीतिवा ति क्‍येन मेतुप ताङ पेर्मी च्‍यिक राङ वोतुप ताङ काङ किसिनाङ छे क्‍यानी कितुप ताङ सेम थिला ज्‍योकुप ताङ मीतिवी ताङ्‍देन क्‍यावु ताङ डेन्‍बुला ताङ्‍देन कितुप ताङ येन्‍देन लोप थुपुप वुङ गोकिवी।

१ तिमोथी 5:14

ती तप्‍की नाज्‍युङ वोतुप पेला राङ युक्‍सिम फोकुप पुम्‍पेजातिवा जेन्‍दी क्‍यानी पेजातिवा क्‍येनी खाङ्‍बा शिङ क्‍यानी सशी। तमा दाक्‍पी डतिवी दाक्‍पुला ताम्‍ङे जोप लाम मेङ्‍येशी।

१ तिमोथी 5:20

चर्चला तुका दिक्‍पा कितुप मीतिवा वोसिन तिवाला मी तेरीकी मिङ्‍गाला ज्‍याक्‍नी तुक कितुप मेवी सिनी लोप। तुक क्‍यासिन यम्‍बा तेपा कितुप मीतिवा साङ ज्‍यिवा किवी।

१ तिमोथी 5:7

तुक क्‍यानी तिवा क्‍येन मेतुप च्‍युङ्‍नी देशी सिनी तिवाला दी येन्‍देन बिन।

तीतस 1:6

गोमा कितुपला पेतुप मी छ्‍ये ति मीतिवी पर्ला लाका मेलोक्‍पा माक्‍यानी क्‍येन मेतुप वुङ गोकिवी। तीकी ति पेर्मी च्‍यिक राङ वोतुप ताङ तीकी पेजातिवा साङ तेपा कितुप ताङ च्‍योलाम ल्‍यामु वोतुप ताङ पपाआमी खला ङ्‍येन्‍दुप वुङ गोकिवी।

तीतस 2:10

तिवा कुन कितुप मेङ्‍शी, यिने तेपा कि छ्‍योवु वुङ्‍शी। तुक क्‍यासिन तिवी तेरी ताम्‍ङेला दाक्‍पुला दिक्‍पा ने थर ज्‍यितुप कोन्‍छ्‍योककी कोर्ला लापुप सुङ ति टेङ्‍बु नोक सिनी हाक्‍कोकिवी।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

हिब्रू 7:26

दाक्‍पी थोक्‍ला गोवु कोङ्‍यार छ्‍ये ति येशू यिन। खो चाङ्‍मा ताङ क्‍येन मेतुप ताङ टेङ्‍बु वे, तमा दिक्‍छेनतिवा नेसुर कुतुक पेनी देवाच्‍येन सिनाङ येर तेक्‍नी वे।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 2:9

यिने ख्‍यिराङ याङ तुकै मिन, ख्‍यिराङ ति कोन्‍छ्‍योककी पेन नङ्‍गुप गिपा ताङ खोकी ग्‍येल्‍खापकी कोङ्‍यार ताङ टेङ्‍बु वोतुप मिरिक ताङ कोन्‍छ्‍योककी खोरे मीतिवा यिन। खोकी ख्‍यिराङला नक्‍तोमी ने थेन्‍नी खोकी हलेवु वोसिरला टिन फेप्‍सुङ। तुक क्‍यानी ख्‍यिरा खोकी हलेवु लाकातिवा मी यम्‍बाला ख्‍याप्‍टाक कि थुप्‍शी।

२ पत्रुस 3:14

ती तप्‍की ङे ङ्‍यिङ्‍ज्‍येवु अच्‍युनुपतिवा, ख्‍यिराङ ती तुजेला गुनी देतुप तप्‍की खोकी थोङ्‍दाङला ख्‍यिराङ मङ टेङ्‍बु ताङ क्‍येन मेतुप ताङ खोकी मुला तम्‍जी ल्‍यामु वोतुप मिजी क्‍योङ।

ज्‍यल्‍का 2:5

तुक क्‍यानी ख्‍योरो ङला चुक क्‍यानी ङ्‍यिङ्‍ज्‍ये कितुप क्‍युर्नी ज्‍यकुप ती ति नासाम तोङ। तमा ङ दिक्‍छेन यिन सिनी दिक्‍पा ने ग्‍युर्नी ख्‍योरो गोमाला क्‍यावु दोके ङ्‍यिङ्‍ज्‍ये की। मिसियाङ ङ ख्‍यिरा ते वासिमा ख्‍यिरा पर्ला वोतुप मेलाङ ति दासा यम्‍बाला पोतिनो। तीकी तेन्‍दोक ति चर्च मेता जोयिनो।

ज्‍यल्‍का 3:9

दी ताम्‍ङे ति ल्‍यामु ङ्‍येना, खोप्‍राङ ति यहूदी यिन सिनी सिरुप शैतानकी छोक्‍पाकी मीतिवा वे। तिवा ति यहूदीतिवा मिन, जिनोक जोप मीतिवा यिन। तिवाला ङ ख्‍योरो काङ्‍बी वोक्‍ला वानी शावा कितुप जोयिनो। तमा ख्‍युरुङला ङे ङ्‍यिङ्‍ज्‍ये क्‍यावु नोक सिरुप ति तिवी हाक्‍कोकितो।