फिलिप्पी 2:12 - कोन्छ्‌योककी सुङ

¹² ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

फिलिप्पी 2:12 Iomraidhean Croise

मत्ती 11:12

बप्‍तिस्‍मा तेरुप यूहन्‍नाकी ख्‍याप्‍टाक कितुप पे नेज्‍युनी तन्‍दा सेक कोन्‍छ्‍योककी ग्‍येल्‍खापला उर्च्युम ग्‍यकिन वे, तमा कशेन उर्च्युम ग्‍यकुपतिवाला ती ति ङ्‍येकिवी।

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

लोमा छ्‍येतिवी लाका 16:29

तमा ती चोन्‍खाङ ल्‍हाप मी ति दिप्‍ली च्‍येनी छ्‍योङ्‍बाल ग्‍यकिन नाङ्‍ला वानी ज्‍यिवा कियी सिरा पावल ताङ सिलासकी चिप्‍ला खवुतुङ्‍मा देसुङ।

लोमा छ्‍येतिवी लाका 9:6

त ख्‍युरुङ लानी ग्‍येसाला ग्‍युक! तमा ते ख्‍योरो काङ कि गोकी, ती ति मी च्‍यिककी ख्‍युरुङला लोप्‍कितो।”

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

१ कोरिन्‍थी 2:3

ङ ख्‍यिरा मुला वोतुप पेला काङ साङ कि मुथुवु दोके ताङ छासे ज्‍यिवा लानी र्‍हुकिन वायिन।

१ कोरिन्‍थी 4:14

ख्‍यिराङला ङोछा लोङ्‍गुप सिनी दी यिकी टिवु मिन, ङे ङ्‍यिङ्‍ज्‍येवु आङातिवाला दोके क्‍यानी टोङ्‍गु तेरुपला टिवु यिनो।

२ कोरिन्थी 7:15

ख्‍यिराङ तेरीकी तीतसकी खला ङ्‍येन्‍दुप ताङ तीला ज्‍यिवा खुरुप ताङ ताङ्‍देन क्‍यानी गासो शुवु ति नासाम शर्नी तीतसकी ख्‍यिराङला मङ छासे ङ्‍यिङ्‍ज्‍ये क्‍यासुङ।

एफिसी 6:5

ख्‍यिराङ योक्‍पुतिवा, ख्रीष्‍टला ताङ्‍देन क्‍यावु दोके दी जम्‍बुलिङकी ख्‍यिरा ज्‍यिन्‍दाकतिवी सिक्‍यावु ताम्‍ङे ति ज्‍यिवा क्‍यानी र्‍हुकिन सिरा सेमगी दिङ नेज्‍युनी की।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 1:29

च्‍यिलासिसिन ख्‍यिराङ ख्रीष्‍टला तेपा कितुप तिराङ मिन, यिने खोकी थोक्‍ला दुक्‍पा साङ खुर गोकिवी। तुक कितुप ति ख्रीष्‍टकी नङ्‍गुप कटिन यिन।

फिलिप्पी 1:5

च्‍यिलासिसिन ख्‍यिरा गोमाला येशू ख्रीष्‍टकी लेन ल्‍यामु थोवु पेला नेज्‍यु तन्‍दा सेक ती लेन ल्‍यामु ख्‍याप्‍टाक कितुपला ङ ताङ मुला दाल्‍जा किटे क्‍यासुङ।

फिलिप्पी 1:6

तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

फिलिप्पी 2:19

येशू ख्रीष्‍टकी नोवा वोसिन तिमोथीला ङमु राङ ख्‍यिरा ते तोङ्‍गुप्‍नो। तुक क्‍यासिन ख्‍यिरा लेन थोनी ङला गा लङ्‍गिवी।

फिलिप्पी 4:1

तुक क्‍यानी अच्‍युनुपतिवा, ङ ख्‍यिराङला ङ्‍यिङ्‍ज्‍ये लानी नम पेला ठेतुप सिनी नासाम शर्किनोक। तमा ख्‍यिराङला नासाम तोङ्‍गुप पेला ङ छासे गा लानी मीतिवाला ख्‍यिरा कोर्ला तेके कितिन। ङे ङ्‍यिङ्‍ज्‍येवु अच्‍युनुपतिवा, ख्‍यिराङ तुक राङ क्यानी चोवो येशूला तेपा रम्‍बु क्‍यानी देता।

फिलिप्पी 4:15

थल्‍माला लेन ल्‍यामु ख्‍याप्‍टाक कितुपला ङ माकेडोनिया नेसुर क्‍येनी डोप पेला ख्‍यिरा मिसिन यम्‍बा चर्चकी मीतिवा सी साङ ङला दाल्‍जा किटे माक्‍या। ती ताम्‍ङे ति ख्‍यिराङ फिलिप्‍पीतिवाला साङ छ्‍या वे।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

२ तिमोथी 2:10

तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

हिब्रू 4:1

दाक्‍पुला कोन्‍छ्‍योककी ङप्‍सु ङ्‍येतुपला थाक्‍छ्‍येतुप ति तन्‍दा साङ लुनी वे। तुक क्‍यानी दाक्‍पु च्‍यक्‍पु कितुप। तमा ख्‍यिराङ सु साङ ती ङासोप दासाला शुकुप मेङ्‍येवु मोडोशी।

हिब्रू 4:11

ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।