फिलिप्पी 1:7 - कोन्छ्‌योककी सुङ

⁷ ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

फिलिप्पी 1:7 Iomraidhean Croise

लोमा छ्‍येतिवी लाका 20:23

यिने ङला दोजो तिराङ छ्‍या वे, ङ चुका ग्‍येसाला गल्‍सिनाङ तिवी ङला छेटाङ दुङल बिन्‍नी चोन्‍खाङला उप्‍किवी सिनी कोन्‍छ्‍योककी थु चाङ्‍माकी ङला हाक्‍को च्‍यिसुङ।

लोमा छ्‍येतिवी लाका 21:33

तमा मक्‍मी छ्‍ये ति पावलकी चाला वानी दीला जिम्‍नी च्‍यातक ङ्‍यी थ्‍वोनी च्‍याटोक ग्‍योप सिनी मक्‍मीतिवाला क बिन्‍सुङ। तमा “दी मी ति सु यिन? दीकी काङ लाका मेलोक्‍पा क्‍यासुङ?” सिनी मीतिवाला टिसुङ।

१ कोरिन्‍थी 13:7

सेमला ङ्‍यिङ्‍ज्‍ये वोतुप मी तीकी तेरी ताम्‍ङेला छेटाङ वोसिनाङ हम क्‍यानी देकिवी, तेरी ताम्‍ङेला तेपा किवी, तेरी ताम्‍ङेला रेवा किवी, तमा नरी ताम्‍ङेला डेकला देकिवी।

१ कोरिन्‍थी 9:23

ती दोके क्‍यानी ङे लेन ल्‍यामु ख्‍याप्‍टाक कितुप लाकातिवा तेरी क्‍यावु तेन्‍दोक ति मीतिवी येशूला तेपा कितुप मोलाम थोप्‍शी, तमा ती मोलाम ति ङला साङ थोप्‍शी सिनी यिन।

२ कोरिन्थी 3:2

ख्‍यिराङ ति ङ्‍यिरा थोक्‍ला तेरीकी हाक्‍कोवु ताङ लोप थुपुपला टिवु यिकी यिनो। ती यिकी ति ङ्‍यिरा सेमला राङ टिनी वोतो।

२ कोरिन्थी 7:3

ङे ख्‍यिराङला क्‍येन तेरुपला दी ताम्‍ङे सिक्‍यावु मिन। गोमाला साङ ङे सिक्‍यायी, ङ्‍यिरा सेमला ख्‍यिराङ राङ वे। ङ्‍यिराङ शिसिनाङ सेन्‍बु वोसिनाङ ख्‍यिरा मुला नरी तम्‍जी लुकिवी।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

एफिसी 3:1

ती तप्‍की ङ पावल ख्‍यिराङ यहूदी मिन्‍दुप मिरिक यम्‍बातिवी थोक्‍ला चोन्‍खाङला शोर्नी वे।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

एफिसी 6:20

तीकी थोक्‍ला राङ ङ च्‍याटोक ग्‍यप्‍नी चोन्‍खाङला वे, यिन्‍सिनाङ ङ ख्रीष्‍टकी लेन ल्‍यामु ख्‍याप्‍टाक क्‍यावु मी यिन। ङे चुक क्‍यानी लप गोकिवी ती ति ङाडेङ क्‍यानी लप थुप्‍शी सिनी मोपोर किसा।

फिलिप्पी 1:12

अच्‍युनुपतिवा, ख्‍यिराङला दी ताम्‍ङे ति ल्‍यामु हाक्‍कोशी सिरुप ति ङे नोवा वे। काङ यिन सिसिन ङला छेटाङ ख्‍येलुप तप्‍की राङ लेन ल्‍यामु ख्‍याप्‍टाक कितुप लाका मङ च्‍युङ्‍नी वे।

फिलिप्पी 1:13

च्‍यिलासिसिन ख्रीष्‍टकी कोर्ला सुङ ख्‍याप्‍टाक क्‍यावु तप्‍की ङ चोन्‍खाङला शोरुप यिन सिरुप ति रोमी ग्‍येल्‍खाङला र्‍हेन्‍दुप मक्‍मीतिवा ताङ यम्‍बा मीतिवा तेरीला छ्‍या वे।

फिलिप्पी 1:14

ङ चोन्‍खाङला शोर्सिमा माङ्‍शोक तेपा कितुप अच्‍युनुपतिवा ङार छ्‍येवु गल्‍नी कोन्‍छ्‍योककी सुङ ङाडेङ क्‍यानी ख्‍याप्‍टाक क्‍यासुङ।

फिलिप्पी 1:5

च्‍यिलासिसिन ख्‍यिरा गोमाला येशू ख्रीष्‍टकी लेन ल्‍यामु थोवु पेला नेज्‍यु तन्‍दा सेक ती लेन ल्‍यामु ख्‍याप्‍टाक कितुपला ङ ताङ मुला दाल्‍जा किटे क्‍यासुङ।

फिलिप्पी 2:22

यिने तिमोथी खोङ्‍तेर्मु वोतुप ति ख्‍यिराङला साङ छ्‍या वे। तीकी चुक क्‍यानी पुज्‍युङकी पपाला शब्‍ज्‍यी किवे, तुक राङ क्‍यानी ङ ताङ मुला लेन ल्‍यामु ख्‍याप्‍टाक कितुपला दाल्‍जा क्‍यासुङ।

फिलिप्पी 4:14

यिन्‍सिनाङ ङला छेटाङ ख्‍येलुप पेला ख्‍यिराङ ङे मुला राङ दुक्‍पा खुर्टे क्‍यानी छासे ल्‍यामु क्‍यासुङ।

फिलिप्पी 4:15

थल्‍माला लेन ल्‍यामु ख्‍याप्‍टाक कितुपला ङ माकेडोनिया नेसुर क्‍येनी डोप पेला ख्‍यिरा मिसिन यम्‍बा चर्चकी मीतिवा सी साङ ङला दाल्‍जा किटे माक्‍या। ती ताम्‍ङे ति ख्‍यिराङ फिलिप्‍पीतिवाला साङ छ्‍या वे।

फिलिप्पी 4:3

ङ ताङ मुला लाका ल्‍यामु कितुप दाल्‍जो, ङ ख्‍युरुङला साङ सिरिन। ती आम्‍पुमतिवाला दाल्‍जा किटे किसा। च्‍यिलासिसिन ङ लेन ल्‍यामु ख्‍याप्‍टाक कितुप पेला तिवी क्‍लेमेस ताङ ङे मुला वोतुप यम्‍बा दाल्‍जातिवी मुला लाका टेमु क्‍यासुङ। तमा कोन्‍छ्‍योककी तिवी मिङ ति खोकी मिजीकी थेप नाङ्‍ला टि वे।

कलस्सी 4:18

ङ पावलकी छ्‍योक नेमा ख्‍यिराङला टसी देलेक वोतो। दी टसी देलेक सिक्‍यावु ति ङे लाक्‍पी राङ टिवु यिनो। ङ चोन्‍खाङला शोर्नी च्‍याटोक ग्‍यपुप ति ख्‍यिरा टोक माज्‍येता। कोन्‍छ्‍योककी कटिन ति ख्‍यिरा मुला लुशी।

कलस्सी 4:3

तमा ङ्‍यिरा थोक्‍ला साङ मोपोर किसा। कोन्‍छ्‍योककी सुङ ख्‍याप्‍टाक कितुपला खोकी दाक्‍पी थोक्‍ला गो पेनी ख्रीष्‍टकी छ्‍याकला वोतुप ताम्‍ङेतिवा ख्‍याप्‍टाक कि थुप्‍शी। तीकी थोक्‍ला राङ ङ चोन्‍खाङला शोर्नी वे।

१ थेसलोनिकी 5:5

च्‍यिलासिसिन ख्‍यिराङ तेरी ठछ्‍येली ताङ ङ्‍यिमी गुङगी गिपा यिन, नुप ताङ नक्‍तोमीकी गिपा मिन।

२ तिमोथी 1:8

ती तप्‍की दाक्‍पी चोवो येशूकी थोक्‍ला पङ्‍बु तेरुपला ङोछा माकी, याङ्‍ना खोकी थोक्‍ला ङ चोन्‍खाङला शोरुप यिन सिनी साङ ङोछा माकी। यिने कोन्‍छ्‍योककी ओङला खोकी लेन ल्‍यामु ख्‍याप्‍टाक कितुपला दुक्‍पा खुर।

२ तिमोथी 2:9

ती लेन ल्‍यामुकी थोक्‍ला राङ ङ दुक्‍चे क्‍येनला शोरुप मी दोके च्‍याटोक ग्‍यप्‍नी छेटाङ खुरिन वे। यिन्‍सिनाङ कोन्‍छ्‍योककी सुङला च्‍याटोक ग्‍यक मुथुपी।

फिलेमोन 1:13

लेन ल्‍यामु ख्‍याप्‍टाक क्‍यावु थोक्‍ला ङ चोन्‍खाङला शोर्नी वोतुप पेला ख्‍योरो छापला ङला दाल्‍जा किटे कितुपला तीला ङे मुला राङ ज्‍योकुप नो वोतुप्‍जा,

हिब्रू 3:1

तुक क्‍यानी कोन्‍छ्‍योककी कताङ नङ्‍गुप चाङ्‍मा वोतुप अच्‍युनुपतिवा, दाक्‍पी ख्‍याप्‍टाक क्‍यावु लोमा छ्‍ये ताङ कोङ्‍यार छ्‍ये यिन्‍दुप येशूला नासाम तोङ।

१ पत्रुस 4:13

यिने ख्‍यिराङ ख्रीष्‍टकी थोक्‍ला छेटाङ खुरुपतिवा यिन्‍दुप तप्‍की ती पेला गा की। तुक क्‍यासिन खोकी मोवा छ्‍या देन्‍दुप पेला ख्‍यिराङला मङ लोदिमु ताङ गा लङ्‍गिवी।

१ पत्रुस 5:1

तमा ख्‍यिराङ चर्चकी मीतिवी पर्ला गोमा कितुपतिवाला ङ गोङ्‍बा शोयी। ङ साङ चर्चकी गोमा कितुप मी यिन, तमा ख्रीष्‍टकी छेटाङ खुरुप थोक्‍ला साङ पङ्‍बु तेरुप मी यिन। ज्‍युक्‍ला ख्रीष्‍टकी मोवा छ्‍या देन्‍दुप पेला ख्‍यिरा मुला राङ ङला साङ ती मोवा ति थोप्‍किवी।

२ पत्रुस 1:13

ङ दी जम्‍बुलिङला लुता सेक ख्‍यिराङला दी ताम्‍ङे ति टेन ज्‍यितुप ताङ च्‍याङ्‍से दे ज्‍यितुप ति टेके लाका यिन सिरुप ति ङला नोवा वे।

१ यूहन्‍ना 3:14

दाक्‍पुला याङ शेप छ्‍येर्पा मिन, मिजी सम्‍बा थोप्‍नी वे सिरुप ति छ्‍या राङ वे। च्‍यिलासिसिन दाक्‍पी याङ अच्‍युनुपतिवाला ङ्‍यिङ्‍ज्‍ये क्‍या वे। सी खोरो अच्‍युनुपला ङ्‍यिङ्‍ज्‍ये मिकिवे, ती ति शेप ति शितोक लुकिवी।